Komatireddy | నేను ఆరోగ్యంగానే ఉన్నా: ఎంపీ కోమటిరెడ్డి వెంకట్ రెడ్డి

Komatireddy |  తప్పుడు ప్రచారంపై కేసు పెట్టాను విధాత: నేను ఆరోగ్యంగానే ఉన్నానని, నా అస్వస్థత వార్తలన్నీ అవాస్తవమని భువనగిరి పార్లమెంట్ సభ్యులు కోమటిరెడ్డి వెంకట్ రెడ్డి స్పష్టం చేశారు. నా ఆరోగ్యంపై ఓ ఛానల్ తప్పుడు వార్తలు ప్రచారం చేస్తోందన్నారు. నేను అస్వస్థతకు గురయ్యానని వస్తున్న వార్తలు అవాస్తవమని, హైదరాబాద్ లోని నివాసంలోనే ఉన్నానన్నారు. నాకు ఎలాంటి బ్రీతింగ్ ప్రాబ్లమ్ రాలేదన్నారు. తప్పుడు వార్తలు ప్రసారం చేస్తే సహించేది లేదని, తప్పుడు ప్రచారం పై చట్టపరమైన […]

Komatireddy |

• తప్పుడు ప్రచారంపై కేసు పెట్టాను

విధాత: నేను ఆరోగ్యంగానే ఉన్నానని, నా అస్వస్థత వార్తలన్నీ అవాస్తవమని భువనగిరి పార్లమెంట్ సభ్యులు కోమటిరెడ్డి వెంకట్ రెడ్డి స్పష్టం చేశారు. నా ఆరోగ్యంపై ఓ ఛానల్ తప్పుడు వార్తలు ప్రచారం చేస్తోందన్నారు. నేను అస్వస్థతకు గురయ్యానని వస్తున్న వార్తలు అవాస్తవమని, హైదరాబాద్ లోని నివాసంలోనే ఉన్నానన్నారు. నాకు ఎలాంటి బ్రీతింగ్ ప్రాబ్లమ్ రాలేదన్నారు.

తప్పుడు వార్తలు ప్రసారం చేస్తే సహించేది లేదని, తప్పుడు ప్రచారం పై చట్టపరమైన చర్యలు తీసుకుంటానన్నారు. కాసేపటి క్రితమే నల్గొండ జిల్లా నార్కట్ పల్లి మండలం అమ్మనబ్రోలు గ్రామానికి చెందిన చెల్లబోయిన ఉపేందర్ కుటుంబాన్ని కలిశానన్నారు. అతను కొద్ది రోజుల క్రితం ఆరోగ్య సమస్యలతో చనిపోయాడన్నారు.

ఉపేందర్ భార్య, పిల్లలను హైదరాబాద్ లోని నా నివాసంలో ఇవాళ కలిసి, ఆ కుటుంబానికి 50 వేల రూపాయల ఆర్థిక సాయం చేశానన్నారు. నా అస్వస్థతపై కాంగ్రెస్ శ్రేణులు ఆందోళనపడవద్దని, అలాంటి ప్రచారం నమ్మవద్దన్నారు. కొన్ని ఛానల్స్ ప్రజల్ని భయబ్రాంతులకు గురి చేసేలా వార్తలు ఇస్తున్నాయన్నారు.

ఛానల్ తప్పుడు ప్రచారం పై ఇప్పటికే బంజారాహిల్స్ పీఎస్ లో ఫిర్యాదు చేశామన్నారు. చట్టపరంగా తగిన చర్యలు తీసుకోవాలని కోరామన్నారు. తప్పుడు వార్త ప్రసారం చేసినందుకు సంబంధిత ఛానల్ వారిని అరెస్ట్ చేయాలన్నారు. రేటింగ్స్ కోసం ఫేక్ న్యూస్ లు ఇస్తూ జనాన్ని ఇబ్బందులకు గురి చేయడం మంచి పద్దతి కాదన్నారు