విధాత, మెదక్ జిల్లా ప్రత్యేక ప్రతినిధి: చారిత్రాత్మక మెదక్ ఖిల్లాపై మొదటిసారిగా జాతీయ జెండా ఎగిరింది. రాచవీడుగా పేర్కొనబడే మెదక్ రాచవీడు ఖిల్లాపై ఎమ్మెల్యే డాక్టర్ మైనంపల్లి రోహిత్ 75వ గణతంత్ర దినోత్సవాన్ని పురస్కరించుకొని జాతీయ పతాకాన్ని ఆవిష్కరించారు. ఈ సందర్భంగా మెదక్ ప్రాంత వాసులు, పట్టణ ప్రజలు హర్షం వ్యక్తంచేశారు.
– ఎమ్మెల్యే క్యాంపు కార్యాలయంలో…
గణతంత్ర దినోత్సవాన్ని పురస్కరించుకొని స్థానిక ఎమ్మెల్యే క్యాంప్ కార్యాలయంలో ఎమ్మెల్యే డాక్టర్ మైనంపల్లి రోహిత్ జాతీయ జెండా ఎగురవేశారు. ఈ సందర్భంగా ఎమ్మెల్యే మాట్లాడుతూ ఎందరో త్యాగమూర్తుల ఫలితం నేటి గణతంత్ర దినోత్సవం అన్నారు. అనంతరం పట్టణంలోని రాందాస్ చౌరస్తాలో జాతీయ పతాకాన్ని ఆవిష్కరించారు. ఈ కార్యక్రమంలో మున్సిపల్ మాజీ కౌన్సిలర్ కొండన్ సురేందర్ గౌడ్, న్యాయవాది జీవన్ రావ్, బొజ్జ పవన్, ఉప్పల రాజేష్, కౌన్సిలర్ దొంతి లక్ష్మి ముత్యం గౌడ్, ఆవారి శేఖర్, కాంగ్రెస్ పట్టణ అధ్యక్షులు గూడూరి ఆంజనేయులు, నాయకులు గూడూరి అరవింద్, మాజీ కౌన్సిలర్లు మున్నా, ఎస్డీ జ్యోతి క్రిష్ణ, బట్టి సులోచన, హరిత, లల్లూ, డీజే రితీష్, మైసన్, సంగమేశ్వర్, పరుశురాం, పోచేందర్, భూపతి, జిలకరి రాజలింగం, ఇస్మాయిల్, మంగమోహన్ గౌడ్, చంద్రబోస్, సూపి, జాయ్ ముర్రె, సయ్యద్ మున్నా, మంగరాజు, గాడి రమేశ్ పాల్గొన్నారు.
– బీఆర్ఎస్ కార్యాలయంలో…
బీఆర్ఎస్ జిల్లా కార్యాలయంలో మాజీ ఎమ్మెల్యే, ఆపార్టీ జిల్లా అధ్యక్షురాలు పద్మా దేవేందర్ రెడ్డి జాతీయ జెండా ఆవిష్కరించారు. ఈకార్యక్రమంలో జిల్లా పరిషత్ వైస్ చైర్మన్ లావణ్య రెడ్డి, మెదక్ మాజీ మున్సిపల్ చైర్మన్ చంద్రపాల్, మెదక్ ఎంపీపీ రెడ్డి, పార్టీ పట్టణ అధ్యక్షుడు గంగాధర్, కౌన్సిలర్లు ఆకిరెడ్డి కృష్ణారెడ్డి, సలాం, కృష్ణ, చంద్రశేఖర్ గౌడ్ పాల్గొన్నారు.
బీజేపీ కార్యాలయంలో..
బీజేపీ కార్యాలయంలో జిల్లా బీజేపీ అధ్యక్షులు గడ్డం శ్రీనివాస్ జాతీయ జెండా ఆవిష్కరించారు. ఈ కార్యక్రమంలో బీజేపీ నాయకులు నల్లాల విజయ్ తదితరులు పాల్గొన్నారు. కాగా జిల్లాలోని అన్ని గ్రామాల్లో మువ్వన్నెల జెండా ఎగిరింది. పలు ప్రభుత్వ, ప్రైవేటు కార్యాలయాల్లో జాతీయ జెండా ఆవిష్కరించారు.