MLC Kavitha | నిజామాబాద్ ఐటీ హబ్.. యువత ఉజ్వల భవిష్యత్తుకు బాట: ఎమ్మెల్సీ కవిత

MLC Kavitha రెండో దశ ఐటీ హబ్ ను కూడా అభివృద్ధి చేస్తా జాబ్ మేళాలో కల్వకుంట్ల కవిత విధాత, నిజామాబాద్ ప్రతినిధి: నిజామాబాద్ జిల్లాలో ఏర్పాటు చేసిన ఐటీ హబ్ స్థానిక యువత ఉజ్వల భవిష్యత్తుకు బాటలు వేస్తుందని బీఆర్ఎస్ ఎమ్మెల్సీ కల్వకుంట్ల కవిత అన్నారు. నిజామాబాద్ ఐటీ హబ్ మెగా జాబ్ మేళాలో ఆమె మాట్లాడుతూ.. ఐటీ హబ్ ఏర్పాటు గొప్ప విషయని, విదేశీ కంపెనీలు రావటానికి సహకరించిన ఎమ్మెల్యే మహేష్ బిగాలకు ధన్యవాదాలు […]

MLC Kavitha

• రెండో దశ ఐటీ హబ్ ను కూడా అభివృద్ధి చేస్తా
• జాబ్ మేళాలో కల్వకుంట్ల కవిత

విధాత, నిజామాబాద్ ప్రతినిధి: నిజామాబాద్ జిల్లాలో ఏర్పాటు చేసిన ఐటీ హబ్ స్థానిక యువత ఉజ్వల భవిష్యత్తుకు బాటలు వేస్తుందని బీఆర్ఎస్ ఎమ్మెల్సీ కల్వకుంట్ల కవిత అన్నారు. నిజామాబాద్ ఐటీ హబ్ మెగా జాబ్ మేళాలో ఆమె మాట్లాడుతూ.. ఐటీ హబ్ ఏర్పాటు గొప్ప విషయని, విదేశీ కంపెనీలు రావటానికి సహకరించిన ఎమ్మెల్యే మహేష్ బిగాలకు ధన్యవాదాలు చెబుతున్నానన్నారు.

ఒకప్పుడు ఐటీ ఉద్యోగాలు అంటే కేవలం బెంగళూర్, హైదరాబాద్ వంటి నగరాలకే పరిమితం అయ్యేవని, గ్రామీణ స్థాయిలో ఐటీ విద్య అభ్యసించినవారి కోసం ఐటీ ఉద్యోగాలు అందించే లక్ష్యంతో ఈ ఐటీ హబ్ ఏర్పాటు చేశామని తెలిపారు. కేవలం ఐటీ ఉద్యోగాలు మాత్రమే కాదు చిన్న పరిశ్రమలు స్వంతంగా ఏర్పాటు చేయుటకు ఐటీ హబ్ ఉపయోగ పడుతుందన్నారు.

What an energy and what a splendid turnaround amidst massive rains!

Employment, development and new opportunities are the only way forward for a thriving country!

Hopes and dreams are finally coming true for many youngsters today at Nizamabad IT Hub Mega Job Mela. Thankful to… pic.twitter.com/vAeQeNF8NC

— Kavitha Kalvakuntla (@RaoKavitha) July 21, 2023

ఐటీ హబ్ లో ఒక చైర్ కు నెలకు రూ. 3500 చెల్లించి అవకాశాలు కల్పిస్తున్నామని, 50 వేల చదరపు అడుగులు, రూ. 40 కోట్ల పెట్టుబడితో ఐటీ హబ్ ఏర్పాటు చేశామని తెలియజేశారు. ఐటీ హబ్ అంటే కేవలం ఉద్యోగమే కాదు ఉద్యోగాలు సృష్టించేందుకు దోహద పడుతుందని, యువత తమ స్కిల్స్ తో ఐటీ హబ్ స్పేస్ ను వాడు కావాలని పిలుపునిచ్చారు.

ఫస్ట్ ఇంటర్వ్యూ లో జాబ్ రాకుంటే నిరుత్సాహపడొద్దనీ సూచించారు. 745 సీట్లు ఉన్నాయని, రెండవ సారి ప్రయత్నం చేయాలని, 745 సీట్ల తో పాటు టాస్క్ అధ్వర్యంలో 1000 మందికి ఐటీలో ఇతర రంగాల్లో శిక్షణ అందిస్తామని, మొత్తం నిజామాబాద్ లో సాఫ్టు వేర్ అభివృద్ధికి ఐటీ హబ్ ఇక కేంద్ర బిందువు అవుతుందని వివరించారు.

ప్రస్తుత ఐటీ హబ్‌ మొదటి దశ అని, త్వరలో రెండవ దశ ఐటీ హబ్ కూడా ప్రారంభిస్తామని హామీ ఇచ్చారు. ఇండస్ట్రియల్ పార్క్ , ఆటో పార్క్ అభివృద్ధి కి కృషి చేస్తున్నామన్నారు. యువత రాజకీయల సంగతి కంటే ముందు ఉద్యోగాలపై దృష్టి పెట్టాలని సూచన చేశారు. భవిష్యత్తులో నిజామాబాద్ ఐటీ హబ్ నంబర్ వన్ గా నిలుస్తుందని కవిత ఆశాభావం వ్యక్తం చేశారు.