బడ్జెట్‌ ధరలో నయా మొబైల్‌ను లాంచ్‌ చేసిన పోకో..! ఫ్లిప్‌కార్ట్‌లో సేల్స్‌ ఎప్పటి నుంచి అంటే..?

చైనాకు చెందిన ప్రముఖ సెల్‌ఫోన్ల తయారీదారు పోకో సరికొత్త మోడల్‌ను భారత్‌లో లాంచ్‌ చేసింది

POCO C65 Mobile | చైనాకు చెందిన ప్రముఖ సెల్‌ఫోన్ల తయారీదారు పోకో సరికొత్త మోడల్‌ను భారత్‌లో లాంచ్‌ చేసింది. బడ్జెట్‌ ఫ్రెండ్లీ స్మార్ట్‌ఫోన్‌కు ఉన్న పోటీని మరింత పెంచుతూ పోకో సీ-65 మోడల్‌ను మార్కెట్‌లోకి తీసుకువచ్చింది. స్మార్ట్‌ఫోన్‌లో ఫీచర్స్‌ను పరిశీలిస్తే.. పోకో కొత్త మోడల్‌లో వాటర్​డ్రాప్​ నాచ్​ డిజైన్​, సైడ్​ మౌంటెడ్​ ఫింగర్​ప్రింట్​ స్కానర్​, 3.5ఎంఎం హెడ్​ఫోన్​ జాక్​ సెటప్‌ ఉంది. 90 హెచ్​జెడ్​ రిఫ్రెష్​ రేట్​తో కూడిన 6.74 ఇంచ్​ హెచ్​డీ ప్లస్‌ ఎల్​సీడీ ప్యానెల్‌తో వస్తుంది. 50ఎంపీ ప్రైమరీ, 2ఎంపీ మాక్రో లెన్స్​తో కూడిన డ్యూయెల్​ రియర్‌ కెమెరా సెటప్​ ఉంది. సెల్ఫీ, వీడియో కాల్స్​ కోసం 8ఎంపీ ఫ్రెంట్​ కెమెరా సెటప్‌ ఉంటుంది. మీడియాటెక్​ హీలియో జీ85 ఎస్​ఓసీ ప్రాసెసర్​ ఉండగా.. 1టీబీ ఎక్స్​ప్యాండెబుల్​ మైక్రోఎస్​డీ స్టోరేజ్​ ఆప్షన్​ సైతం ఉన్నది.

ఆండ్రాయిడ్​ 13 ఆధారిత ఎంఐయూఐ 14 సాఫ్ట్​వేర్​పై పని చేయనుండగా.. 5,000ఎంఏహెచ్​ బ్యాటరీ, 18వాట్​ వయర్డ్​ ఛార్జింగ్​ సపోర్ట్​ ఉంటుంది. ఇంకా 4జీ వోల్ట్​ఈ, డ్యూయెల్​ బ్యాండ్​ వైఫై, బ్లూటూత్​ 5.3, జీపీఎస్​, టైప్​ సీ పోర్ట్​ కనెక్టివిటీ ఫీచర్స్​ ఉన్నాయి. ధర విషయానికి వస్తే పోకో సీ65 4జీబీ ర్యామ్​- 128జీబీ స్టోరేజ్ వేరియంట్​​ ధర రూ.8,499గా ఉన్నది. 6జీబీ ర్యామ్​- 128జీబీ స్టోరేజ్​ వేరియంట్​ రూ.9,499 కాగా. 8జీబీ ర్యామ్​- 256జీబీ స్టోరేజ్​ వేరియంట్​ రూ.10,999గా నిర్ణయించింది. ఇందులో మాట్​ బ్లాక్​, పాస్టెల్​ బ్లూ కలర్స్​లో అందుబాటులో ఉన్నాయి. మొబైల్‌ సేల్స్‌ ఈ నెల 18 నుంచి ఫ్లిప్‌కార్ట్‌లో మొదలవనున్నాయి. హెచ్‌డీఎఫ్‌సీ, ఐసీఐసీఐ క్రికెట్‌, డెబిట్‌ కార్డులపై రూ.1000 వరకు డిస్కౌంట్‌ సైతం లభిస్తున్నది.