Tadoba Tiger : పెద్దపులితో ఇలాగేనా?…దాడి చేస్తే అంతే !

తడోబా సమీపంలో రోడ్డు దాటుతున్న పెద్దపులిని చూసి వాహనదారులు హడావుడి చేయడంతో ఉద్రిక్త పరిస్థితి నెలకొంది. అయినా పులి సహనం కోల్పోకుండా అడవిలోకి వెళ్లిపోయిన ఘటన వీడియోగా వైరల్ అవుతోంది.

Tadoba Tiger : పెద్దపులితో ఇలాగేనా?…దాడి చేస్తే అంతే !

విధాత : పెద్దపులి క్రూర మృగం..సహజంగా మనుషుల జోలికి రాదు. సహనం కోల్పోయి మ్యానిటర్ గా మారితే మాత్రం వరసపెట్టి మనుషులను చంపుతుండటం చూస్తుంటాం. ఓ పెద్దపులి తాజాగా అభయారణ్యంలో రోడ్డు దాటుతున్న క్రమంలో మనుషులు చేసిన న్యూసెన్స్… ఆ సందర్బంలో పెద్దపులి వహించిన సహనం సోషల్ మీడియాలో వైరల్ గా మారింది.

తడోబా సమీపంలోని మొహుర్లి-చంద్రపూర్ రహదారిని దాటడానికి ఓ పెద్ద పులి పులి ప్రయత్నించింది. అదే సమయంలో ఆ మార్గంలో వెలుతున్న వాహనదారులు పెద్దపులి సమీపంలోకి చేరుకుని వాహనాల శబ్దంతో పాటు సెల్ ఫోన్లలో దానిని వీడియోలు, ఫోటోలు తీయడానికి హడావుడి చేశారు. దీంతో పెద్ద పులి చుట్టు తీవ్ర గందరగోళ పరిస్థితులు నెలకొన్నాయి. అయితే ఆ పులి మాత్రం తనను ఇబ్బంది పెట్టేలా వ్యవహరించిన వారిని ఏమి అనకుండా ఒడుపుగా రోడ్డు దాటి సమీప అడవుల్లోకి వెళ్లిపోయింది.

ఆ సమయంలో పులి వెనుకాలే అనుసరిస్తు మరి కొందరు ఫోటోలు, వీడియోలు తీసే ప్రయత్నం చేయడంతో పులి కొంత హడలిపోయింది. వారి హంగామాను పెద్దపులి తప్పుగా అర్దం చేసుకుని తనపై దాడి చేస్తున్నారనుకుని దాడికి దిగితే మాత్రం వారికి ప్రాణాపాయం తప్పేది కాదు. ఈ ఘటనలో పులి కంటే కూడా అటుగా వెళ్తున్న ప్రయాణికులే ఆ వన్యప్రాణిని చికాకు పెట్టేలా తమ మానవ నైజం ప్రదర్శించారంటూ పర్యావరణ ప్రేమికులు చురకలేస్తున్నారు.

ఇవి కూడా చదవండి :

Moinabad Farmhouse Drugs Case | డ్రగ్స్‌ కేసులో పైలట్‌ రోహిత్‌రెడ్డి సహా ముగ్గురికి రిమాండ్
Oscar Awards 2026 | 98వ ఆస్కార్ అవార్డులు .. ఉత్త‌మ న‌టుడిగా మైఖేల్‌ బి జోర్డన్‌, ఉత్తమ నటి జెస్సీ బుక్లే