World’s most powerful passports 2024 | అత్యంత శక్తివంతమైన పాస్​పోర్ట్​ ఏ దేశానిదో తెలుసా? మరి మనది?

భారత పాస్​పోర్టు 82వ స్థానంలో ఉంది. వీసా లేకుండా వెళ్లగలిగే దేశాలు 58. వీటిలో ఇండోనేషియా, మలేషియా, థాయ్​లాండ్​ లాంటి పర్యాటక దేశాలు కూడా ఉన్నాయి.

ప్రపంచ పాస్​పోర్టు ర్యాంకులను ప్రతీ ఏటా విడుదల చేసే హెన్లీ పాస్​పోర్ట్​ ఇండెక్స్(Henley Passport Index 2024)​ 2024వ సంవత్సరానికి ర్యాంకులను విడుదల చేసింది. దీని ప్రకారం  2024వ సంవత్సరానికి గానూ సింగపూర్​ పాస్​పోర్ట్​ ప్రథమస్థానంలో నిలిచింది. అంతర్జాతీయ వాయు రవాణా సంఘం (International Air Transport Association- IATA) సమాచారం ఆధారంగా ఈ ర్యాంకులను రూపొందిస్తారు.  ఐటా అత్యంత ఖచ్చితమైన విమాన యాన సమాచారాన్ని కలిగిఉంటుంది. భారత్(Indian Passport)​ ఈసారి 82వ(82nd Rank) స్థానాన్ని సెనెగల్​, తజకిస్తాన్​ దేశాలతో కలిపి పంచుకుంది. భారత పాస్​పోర్ట్​(Indian Passport)తో 58 దేశాలకు(58 Countries) వీసా రహిత ప్రయాణం(Visa-Free Travel) చేయొచ్చు. 2023వ ఏడాదిలో 60 దేశాలకు వీసా రహిత ప్రయాణాలతో 84వ ర్యాంకులో ఉన్న భారత్​, ఈసారి రెండు దేశాలను కోల్పోయి, రెండు స్థానాలు దిగజారింది(India lost 2 countries and 2 ranks).

సింగపూర్​(Singapore) పాస్​పోర్ట్​ అత్యంత ప్రభావవంతమైన పాస్​పోర్ట్​గా ఒకటవ(1st Rank) స్థానంలో నిలిచింది. ఇది 195 దేశాలకు వీసా రహిత ప్రయాణాల(195 Visa-free Countries)ను అనుమతిస్తుంది. ఈ జాబితా ప్రకారం, ఫ్రాన్స్​, ఇటలీ, జర్మనీ, స్పెయిన్​, జపాన్​ సంయుక్తంగా 192 వీసారహిత దేశాలతో రెండో స్థానాన్ని ఆక్రమించగా, 3వ  స్థానంలో ఆస్ట్రియా, ఫిన్​ల్యాండ్​, ఐర్లండ్​, లక్సెంబర్గ్​, నెదర్​ల్యాండ్స్, దక్షిణ కొరియా, స్వీడన్​ దేశాలున్నాయి. వీటి పాస్​పోర్టులు 191 దేశాలకు వీసా రహిత ప్రయాణాలను అనుమతిస్తాయి. న్యూజీల్యాండ్​, నార్వే, బెల్జియం, డెన్మార్క్​, స్విట్జర్లాండ్​లతో కలిసి యూకే 4వ స్థానాన్ని కైవసం చేసుకోగా, ఆస్ట్రేలియా, పోర్చుగల్​ 5వ స్థానానికి చేరుకున్నాయి. ప్రపంచ పోలీసు అమెరికా(USA at 8th Rank) మాత్రం 8వ స్థానానికి పడిపోయింది. గతంలో 7వ స్థానంతో 186 దేశాలకు అనుమతుండగా, ఇప్పుడు కూడా అమెరికా పౌరులు  అదే 186 దేశాలకు వీసారహిత ప్రయాణాలు చేయవచ్చు.

భారత్​ తన 82 వ ర్యాంక్​ పాస్​పోర్ట్​తో 58 దేశాలకు వీసా రహిత ప్రయాణాలు చేయగలిగే అవకాశం కలిగివుంది. పొరుగు దేశమైన పాకిస్తాన్​(Pakistan at 100th Rank) 33 దేశాలకు అనుమతితో 100వ స్థానంలో ఉండగా, అట్టడుగున ఉన్న అఫ్ఘనిస్తాన్​(Last is Afghanistan with 103 Rank)కు 26 దేశాలకు మాత్రమే అనుమతి ఉంది. దీని ర్యాంకు 103.

హెన్లీ అండ్​ పార్ట్​నర్స్​( Henley and Partners) కంపెనీ ఈ పాస్​పోర్ట్​ జాబితాను రూపొందిస్తుంది. గత 19 సంవత్సరాలుగా 227 దేశాలు, ప్రాంతాల(227 countries and territories) వీసా రహిత ప్రయాణాలను నిరంతరంగా పరిశీలిస్తోంది. ఐటా (IATA)ఇచ్చే ప్రత్యేక సమాచారంతో ఈ జాబితాలో ఎప్పటికప్పుడు మార్పులు చోటు చేసుకుంటూఉంటాయి. ఇది వివిధ దేశాల వీసా అనుమతులు(visa policy changes) మారినప్పుడు జరుగుతుంటుంది.