Amrapali | ఆమ్రపాలి ఆదేశాలు బేఖాతర్..!

Amrapali | జిహెచ్ఎంసీ కమిషనర్ ఆమ్రపాలి గత నెలలో థియేటర్లు, మాల్స్, షాపింగ్ కాంప్లెక్స్లను పార్కింగ్ ఫీజు తీసుకోవద్దని ఆదేశాలు జారీ చేసింది. తాజాగా ఆ ఆదేశాలను థియేటర్లు బుట్టదాఖలు చేస్తున్నాయి.

Amrapali | గ్రేటర్​ హైదరాబాద్​ మునిసిపల్​ కార్పొరేషన్​ కమిషనర్​ (GHMC) ఆమ్రపాలి ఐఏఎస్​(Amrapali IAS) గత నెలలో ఒక కీలక ఆదేశం జారీ చేసారు. థియేటర్లు, మాల్స్​, షాపింగ్​ మాల్స్​లో పార్కింగ్​ ఫీజు(No Parking Fees) వసూలు చేయవద్దని ఆ ఆదేశాల ముఖ్యాంశం. కానీ, క్షేత్రస్థాయిలో ఆ ఆదేశాలు ఏ థియేటరూ పాటించడం లేదని తెలుస్తోంది. ఈ విషయమై గత రాత్రి(11 జూన్​ 2024) ఆర్టీసీ క్రాస్​ రోడ్డులోని సంధ్య థియేటర్(Sandhya Theatre)​లో ప్రేక్షకులకు, పార్కింగ్​ నిర్వాహకుల(Parking Staff)కు మధ్య వాగ్వాదం చోటు చేసుకుంది.

సంధ్య థియేటర్​లోని పార్కింగ్​ నిర్వాహకులతో ప్రేక్షకులు ఫీజు వసూలు విషయమై, కమిషనర్​ ఆదేశాల(GHMC Commissioner Orders) గురించి ప్రస్తావించగా, అటువంటి ఆదేశాలేవీ తమకు లేవని, ఫీజు ఇవ్వాల్సిందేనని వారు సినిమాకు వచ్చినవారితో దురుసుగా ప్రవర్తించగా, వారి మధ్య తీవ్ర వాగ్వాదం చోటు చేసుకుంది. నిజానికి కమిషనర్​ జారీ చేసిన ఆదేశాలలో   స్పష్టంగా చెప్పినదానిప్రకారం, థియేటర్​కు, మల్టిప్లెక్స్​కు సినిమా చూడటానికి వచ్చినవారి దగ్గర, షాపింగ్​ కాంప్లెక్స్​లో షాపింగ్​ చేసిన వారి దగ్గర ఎటువంటి పార్కింగ్​ ఫీజలు తీసుకోకూడదని ఉంది. వీటిని చెందనివారు కూడా ఒక అర్థగంట( 30 minutes Free) పాటు పార్కింగ్​ చేసుకోవచ్చని, ఆ తరువాతే ఫీజులు తీసుకోవాలని కూడా చెప్పారు.

Also Read: https://vidhaatha.com/telangana/amrapali-opposes-parking-fees-at-shopping-malls-and-theatres-92492

సంధ్య థియేటర్​లోని పార్కింగ్​ నిర్వాహకులు , ఒక పిల్లర్​కు అతికించిన జిహెచ్​ఎంసీ సర్క్యులర్ (GO MS No.121, dated 20/7/2021)​ ఒకదానిని చూపుతూ, దీని ప్రకారమే తాము పార్కింగ్​ ఫీజు వసూలు చేస్తున్నామని చెప్పగా, ప్రేక్షకులు దానిని పరిశీలించారు. కాగా, అది 3 సంవత్సరాల క్రితం అప్పటి జిహెచ్​ఎంసీ కమిషనర్​గా ఉన్న అరవింద్​ కుమార్​(Arvind Kumar IAS) జారీ చేసిన జిఓ ఎంఎస్​ నెం.121, తేదీ 2‌‌0/07/2021. అందులో ఉన్నదేంటంటే, బయట వేరే పనుల కోసం వచ్చినవారు(Non-Cinegoers) కూడా థియేటర్లో పార్కింగ్​ చేసి వెళ్లిపోవడం వల్ల, థియేటర్​ వారి పార్కింగ్ ప్రాంతం దుర్వినియోగం అవుతోందని, సినిమాకు వచ్చినవారికి పార్కింగ్​ ప్లేస్​ దొరకడం లేదని, వాటి భద్రత(Safety of the Vehicles) తమకు ఇబ్బందిగా మారిందని ఆరోపించిన థియేటర్​ యాజమాన్యాల వాదనతో ఏకీభవిస్తూ, పార్కింగ్​ ఫీజులు వసూలు చేసుకోవచ్చని అప్పటి ఆ ఆదేశం అది. ఆ కాపీ ఫోటోను ఇక్కడ చూడవచ్చు.

అప్పటి ఆ జీఓను చూపుతూ, ఇప్పుడు కూడా థియేటర్​ యజమానులు పార్కింగ్​ ఫీజును యధేచ్చగా వసూలు చేస్తున్నారు. మరి జిహెచ్​ఎంసీ క్షేత్ర సిబ్బంది ఏం తనిఖీలు చేస్తున్నారో గౌరవనీయులైన కమిషనర్​ గారికే ఎరుక. ఆ మాటకొస్తే, అసలు ఆమ్రపాలి ఆదేశాలపై జీఓ విడుదలైందో లేదో కూడా తెలియదు.