Google Startup| రూ. 1000 కోట్లతో స్టార్ట్ అప్ ఫండ్ : సీఎం రేవంత్ రెడ్డి

స్టార్టప్ ల కోసం తెలంగాణ ప్రభుత్వం రూ. 1000 కోట్లతో స్టార్ట్ అప్ ఫండ్ ఏర్పాటు చేస్తుందని సీఎం రేవంత్ రెడ్డి ప్రకటించారు. ఆ ఫండ్స్ ను వినియోగించుకుని స్టార్టప్ లు గూగుల్ స్థాయిలో లేదా 1 బిలియన్ డాలర్ల కంపెనీలుగా ఎదగాలని సూచించారు. టీ హబ్ లో గూగుల్ స్టార్టప్ ను సీఎం రేవంత్ రెడ్డి ప్రారంభించి మాట్లాడారు.

విధాత, హైదరాబాద్ : స్టార్టప్ ల కోసం తెలంగాణ ప్రభుత్వం రూ. 1000 కోట్లతో స్టార్ట్ అప్ ఫండ్( Startup Fund) ఏర్పాటు చేస్తుందని సీఎం రేవంత్ రెడ్డి (Revanth Reddy) ప్రకటించారు. ఆ ఫండ్స్ ను వినియోగించుకుని స్టార్టప్ లు గూగుల్ స్థాయిలో లేదా 1 బిలియన్ డాలర్ల కంపెనీలుగా ఎదగాలని సూచించారు. టీ హబ్ లో గూగుల్ స్టార్టప్ (Google Startup)ను సీఎం రేవంత్ రెడ్డి ప్రారంభించి మాట్లాడారు. హైదరాబాద్ కేవలం స్టార్ట్ అప్ హబ్ గా ఎదగడమే కాదు..ఆ కంపెనీలు యూనికార్న్ కంపెనీలుగా ఎదగాలని కోరుకుంటున్నానన్నారు. హైదరాబాద్ నుంచి కనీసం 100 స్టార్టప్ లు యూనికార్న్స్ కంపెనీలుగా ఎదగాలని ఆశిస్తున్నానని, అంటే కనీసం 1 బిలియన్ డాలర్ల విలువ కలిగిన కంపెనీలుగా ఎదగాలని, 2034 నాటికి వాటిల్లో కనీసం 10 సూపర్ యూనికార్న్ కంపెనీలుగా ఎదగాలి.

అందుకోసం రాష్ట్రంలో ఒక మంచి ఎకోసిస్టమ్‌ను సృష్టించాలనుకుంటున్నామన్నారు .తెలంగాణ ప్రభుత్వం, గూగుల్ మీకు అవసరమైన సహకారం అందించడానికి సిద్దంగా ఉన్నాయన్నారు. ఈ రోజు నుంచి హైదరాబాద్ ప్రోడక్ట్ బేస్డ్ స్టార్ట్ – అప్స్, ఇన్నోవేటీవ్ స్టార్ట్-అప్స్, ఐపీ ఇంటెన్సీవ్ స్టార్ట్ – అప్స్ వీటి పైనే దృష్టి పెట్టాలని సూచించారు.

సమిష్టి కృషితో స్టార్టప్ లక్ష్యాలు సాధించాలి

తెలంగాణ రైజింగ్ విజన్ స్టార్ట్-అప్స్ కోసం మీ ప్రణాళికలు ఏంటని అడిగితే… స్టార్ట్ అప్ ని ఫుట్‌బాల్ ఆటతో పోల్చుతానని సీఎం రేవంత్ రెడ్డి తెలిపారు. నేను ఫుట్ బాల్ ఆట ఆడతాను అని, ఫుట్‌బాల్‌లో సమిష్టి కృషి అవసరం అని, పట్టుదలతో సాధన చేయాలని, చివరకు గెలుపు చాలా ముఖ్యం అన్నారు. స్టార్టప్ కూడా టీమ్ వర్క్ అని, ఫుట్ బాల్ టీమ్ మాదిరిగా సమిష్టి కృషితో స్టార్టప్ లక్ష్యాలు సాధించాలని రేవంత్ రెడ్డి తెలిపారు. గత 25 సంవత్సరాల్లో సాఫ్ట్‌వేర్ సర్వీసెస్, ఫార్మా, లైఫ్ సైన్సెస్ రంగాల్లో. హైదరాబాద్‌లో చాలా స్టార్ట్-అప్స్ పెద్ద కంపెనీలుగా ఎదిగాయన్నారు. హైదరాబాద్‌లో ఉన్న అగ్రస్థాయి స్టార్ట్-అప్స్ ‌లో గూగుల్ ఒకటి అని గుర్తు చేశారు. తెలంగాణ భవిష్యత్ అభివృద్దిని ఆకాంక్షించి ప్రపంచానికి తెలంగాణ బ్రాండ్ ను పరిచయం చేయాలని గత రెండు రోజులుగా తెలంగాణ రైజింగ్ 2047 గ్లోబల్ సమ్మిట్‌ను నిర్వహించాం అని రేవంత్ రెడ్డి తెలిపారు. జాతీయ అంతర్జాతీయ కార్పోరేట్ల సమక్షంలో తెలంగాణ భవిష్యత్ కోసం మన విజన్‌ను ఆవిష్కరించాం. 2034 నాటికి 1 ట్రిలియన్ డాలర్లు ఆర్థిక వ్యవస్థగా, 2047 నాటికి 3 ట్రిలియన్ డాలర్ల ఆర్థికవ్యవస్థగా తెలంగాణను తీర్చిదిద్దాలని లక్ష్యంగా పెట్టుకున్నాం అన్నారు.