చంద్రబాబు ఇలాకాలో జూనియర్ జెండా…

విధాత‌:చంద్రబాబు సొంత నియోజకవర్గం కుప్పంలో రాజకీయ పరిణామాలు వేగంగా మారుతున్నాయి.ఇటీవల జరిగిన స్థానిక ఎన్నికల్లో పార్టీకి ఘోర పరాభవం ఎదురవడంతో అప్పటి వరకూ నియోజకవర్గానికి దూరంగా ఉన్నబాబు హడావిడిగా పరిగెత్తుకు వచ్చారు.కుప్పంపై గెలుపు ధీమాతో.. అసెంబ్లీ ఎన్నికలప్పుడు కనీసం నామినేషన్ కార్యక్రమానికి రాని చంద్రబాబు స్థానిక ఎన్నికల ఫలితాలు పరిగెత్తుకుని వచ్చేలా చేశాయి, గ్రౌండ్ రియాలిటీస్ చూడమన్నాయి. కానీ రెండు రోజుల పర్యటనతో మమ అనిపించారు బాబు. అయితే ఆ పర్యటన చంద్రబాబుకి మరో షాకిచ్చిన మాట […]

విధాత‌:చంద్రబాబు సొంత నియోజకవర్గం కుప్పంలో రాజకీయ పరిణామాలు వేగంగా మారుతున్నాయి.
ఇటీవల జరిగిన స్థానిక ఎన్నికల్లో పార్టీకి ఘోర పరాభవం ఎదురవడంతో అప్పటి వరకూ నియోజకవర్గానికి దూరంగా ఉన్నబాబు హడావిడిగా పరిగెత్తుకు వచ్చారు.
కుప్పంపై గెలుపు ధీమాతో.. అసెంబ్లీ ఎన్నికలప్పుడు కనీసం నామినేషన్ కార్యక్రమానికి రాని చంద్రబాబు స్థానిక ఎన్నికల ఫలితాలు పరిగెత్తుకుని వచ్చేలా చేశాయి, గ్రౌండ్ రియాలిటీస్ చూడమన్నాయి. కానీ రెండు రోజుల పర్యటనతో మమ అనిపించారు బాబు. అయితే ఆ పర్యటన చంద్రబాబుకి మరో షాకిచ్చిన మాట వాస్తవం.
స్థానికులు జూనియర్ ఎన్టీఆర్ ని పార్టీలోకి తీసుకురండి,ఆయనతో ప్రచారం చేయించండి, అప్పుడే పార్టీ నిలబడుతుంది అంటూ..నినాదాలు చేయడంతో బాబు షాకయ్యారు.
కుప్పం మండలం మంకలదొడ్డి పంచాయములకలపల్లి గ్రామంలో జూనియర్ ఎన్టీఆర్ ఫ్యాన్స్ అసోసియేషన్ సభ్యులు ఆయన జెండా ఎగురవేసి తమ అభిమానాన్ని చాటుకున్నారు. స్థానిక టీడీపీ జెండా దిమ్మెపైనే ఎన్టీఆర్ బొమ్మని ఎగరవేయడం గమనార్హం.
ఈ జెండా దెబ్బతో బాబు, చినబాబులో మరోసారి ఆందోళన మొదలైంది.

జూనియర్ ఎన్టీఆర్ రాజకీయాల్లోకి రావాలంటూ పోస్టర్లు, సోషల్ మీడియా పోస్టింగ్ లు సహజమే. కాని వ్యవహారం ఇప్పుడు బాగా ముదిరి జెండా వరకు వెళ్లింది. టీడీపీ జెండానే దించేసి జూనియర్ ఎన్టీఆర్ జెండా కట్టారంటే పరిస్థితి ఎంత వరకు వెళ్లిందో అర్థం చేసుకోవచ్చు. అది కూడా స్వయానా చంద్రబాబు ఇలాకాలో. ఈ వ్యవహారంపై స్పందించకుండా చంద్రబాబు అండ్ టీమ్ తప్పించుకోవచ్చు కానీ, ఈ జెండా రేపోమాపో పెద్ద అజెండాగా మారితే మాత్రం ప్రమాదమే అంటున్నారు విశ్లేష‌కులు. అయితే టీడీపీ వీరాభిమానులు మాత్రం తమకు పార్టీ కావాలి, పార్టీకి నాయకుడిగా ఎన్టీఆర్ ఉండాలి అనుకోవడం ఇక్కడ కొసమెరుపు. వివాదానికి కార‌ణం అవుతున్న జూనియర్ ఎన్టీఆర్ మాత్రం అసలు తనకేం పట్టనట్టు వ్యవహరించడం, దానికింకా సమయం ఉందంటూ ప్రతిసారి మాట దాటవేయడం విచిత్రం.