కోపం ఎలా పోగొట్టుకోవాలి.. ?

విధాత‌: ఎప్పుడూ కోపంతో ఊగిపోయేవాడి దగ్గరకు వెళ్ళడానికి, స్నేహంగా మెలగడానికి, ఆత్మీ యతను పంచుకోవడానికి ఎవ్వరూ ఇష్టపడరు.ఆయనో ఉన్నతాధికారి, ఉపకారం కూడా చెయ్యగలడు. కానీ చాలా కోపిష్టి, ఎప్పుడు కోప్పడతాడో తెలియదు. ఎందుకొచ్చిన గొడవ మరో దారి చూసుకుందాం…అనుకుంటారు.కట్టుకున్న భార్య కూడా భయపడుతుంటుంది. తోబుట్టువులు, స్నేహితులు కూడా ఆయనతో అంతంత మాత్రంగానే ఉంటారు. అది చాలా ప్రమాదకర లక్షణం.'ధన్యాస్తే పురుష శ్రేష్టా యే బుధ్యా కోప -ముత్రితమ్ నిరుంధంతి మహాత్మానో దీపమ గ్నిమివాంభ సా'…. అంటారు.అగ్ని అంటుకున్న […]

విధాత‌: ఎప్పుడూ కోపంతో ఊగిపోయేవాడి దగ్గరకు వెళ్ళడానికి, స్నేహంగా మెలగడానికి, ఆత్మీ యతను పంచుకోవడానికి ఎవ్వరూ ఇష్టపడరు.
ఆయనో ఉన్నతాధికారి, ఉపకారం కూడా చెయ్యగలడు. కానీ చాలా కోపిష్టి, ఎప్పుడు కోప్పడతాడో తెలియదు. ఎందుకొచ్చిన గొడవ మరో దారి చూసుకుందాం…అనుకుంటారు.
కట్టుకున్న భార్య కూడా భయపడుతుంటుంది. తోబుట్టువులు, స్నేహితులు కూడా ఆయనతో అంతంత మాత్రంగానే ఉంటారు. అది చాలా ప్రమాదకర లక్షణం.
‘ధన్యాస్తే పురుష శ్రేష్టా యే బుధ్యా కోప -ముత్రితమ్ నిరుంధంతి మహాత్మానో దీపమ గ్నిమివాంభ సా’…. అంటారు.
అగ్ని అంటుకున్న తరువాత మంటపైకి లేస్తుంది. చుట్టూ ఉన్న వస్తువులన్నింటినీ కాల్చేస్తుంది. అప్పుడు నీళ్ళలాగానే ఉంది కదా అని నెయ్యి పోసారనుకోండి. మంట మరింత పెరిగిపోతుంది. కోపమూ అంతే.. అప్పుడు దాన్ని ఎలా అణచాలి. ఎలా అదుపు చేసుకోవాలి. అంటే…
యధోరగ స్వచం జీర్ణాం స వై పురు షముచ్యతే…
పాము ఒంటికి కుబుసం పట్టు కుంటుంది. కుబుసం ఉన్న పాము చాలా కోపంతో ఉంటుంది. సరిగా కళ్లు కనపడవు. ఒంటికి తొడుగు ఉంటుంది కాబట్టి దానికి రక్షణ ఉంటుంది. కానీ పాము దాన్ని ఉంచుకోదు. దానిని అదెలా విడిచిపెట్టేస్తుందో. అలానే మనిషి కూడా యస్సముత్పత క్రోధం క్షమయైవ నిరస్యతి..
తనకు వచ్చిన కోపాన్ని ఓర్పు ద్వారా పోగొట్టుకోవాలి. ఉన్న ట్టుండి చాలా కోపం వచ్చేసింది. వెంటనేమనం అక్కడి నుండి తప్పుకోవాలి. ఒంటరిగా దూరంగా వెళ్లి మనకు ఎవరి మీద కోపం వచ్చిందో వారిని గురించి సానుకూల ధోరణితో ఆలోచించాలి.. దానికి ఆ క్షణంలో మనసు మొరాయించి తీరుతుంది. ప్రయత్న పూర్వకంగా అలవాటు చేసుకోవాలి.. “ఆయనెంత మంచివాడు. ఎన్ని ఉపకారాలు చేసాడు. మనమీద ఎంత ప్రేమ ఉన్నవాడు. ఎంతో ఆప్యాయత మనం అంటే… ఏదో తప్పు చేసాడు. అంత మాత్రం చేత అంతగా కోప్పడాలా… వద్దు…” అంటూ మీ మన సుకు సర్ది చెప్పుకున్నా రనుకోండి. అగ్ని హోత్రం మీద నీళ్లు చల్లినట్లే, కోపం చప్పున చల్లారిపోతుంది.
కోపం వచ్చినప్పుడు ఒక్కసారి అద్దం ముందు నిలబడి చూసుకోండి. మీ రూపం మీకే వికారంగా కనబడుతుంది.
ఇంత చెడ్డది కదా కోపం, మరి భగవంతుడు కోపాన్ని ఎందుకు సృష్టించినట్లు?
అంటే… కోపం మనిషికి ఉండాల్సిందే. ఎలా ఉండాలి అంటే..
చేతిలో ఒక సాధనంగాఉండాలి. చీకట్లో నడిచి వెడుతు న్నారనుకోండి. ఒక కర్రచేత్తో పట్టుకుని వెడతాం. ఎందుకు? అంటే ప్రమాదకర పరిస్థితుల్లో ఆపదను అడ్డుకోవడానికి, ఆత్మ రక్షణకు..
అలాగే… వ్యవస్థలను చక్క దిద్దడం కోసం, అటువంటి తప్పులు మరలా జరగ కుండా నివారించడం కోసం కోపాన్ని నటించాలి. ఆ కొద్దిసేపు, అవసరం మేరకు దానిని ధరించాలి. ఆ తరువాత పాము కుబుసాన్ని వదిలి పెట్టినట్టు వదిలేయాలి. ఇక దాని జోలికి వెళ్లకూడదు.
అంతకు పూర్వం ఎలా ప్రేమ స్వరూపులుగా ఉన్నారో.. అలాగే అంత ప్రేమగా మెలగాలి
కోపం విషయంలో అందరూ తెలుసుకో వాల్సిన పరమ రహస్యం ఒకటుంది. చాలా కోప్పడిన తరువాత మీరు కోరుకున్న మార్పు శాశ్వతంగా మాత్రం రాదు. అప్పటికి మీ విద్యకు, అధికారానికి పెద్దరికానికి భయపడో, మీ డబ్బుకు భయపడో ఎదుటివారు. ఒకటి రెండు రోజులు మారినట్లు కనిపించ వచ్చు. అది మనసులో వచ్చిన మార్పు కాదు. కోపానికి విరుగుడు ప్రేమతప్ప మరొకటి. లేదనే విషయాన్ని తెలుసుకోవాలి. దానితో శాశ్వత ప్రయోజనాలను ఎన్నిటినో సాధించ గలరు.