మేషం
మేష రాశి వారికి ఈ వారం మిశ్రమ ఫలితాలు ఉంటాయి. అన్ని రంగాల వారికి ఈ వారం పనులన్నీ నెమ్మదిగా సాగుతాయి. వృత్తి వ్యాపార రంగాల వారికి శ్రమతో కూడిన ఫలితాలు ఉంటాయి. ఉద్యోగులు సహోద్యోగుల నుంచి ఇబ్బందులు ఎదుర్కోవచ్చు. కానీ అవన్నీ తాత్కాలికమే! మీ పని తీరుతో అందరిని మెప్పించి పదోన్నతులు పొందుతారు. ఆర్థికంగా నష్టపోయే అవకాశం ఉంది కాబట్టి జాగ్రత్తగా ఉండండి. ఆరోగ్యం సహకరిస్తుంది. దూరపు బంధువులను కలుసుకుంటారు.
వృషభం
వృషభ రాశి వారికి ఈ వారం సామాన్యంగా ఉంటుంది. వృత్తి నిపుణులు, వ్యాపారులు తమ వృత్తి పట్ల అంకిత భావంతో ఉండాలి. ప్రత్యర్థుల నుంచి తీవ్రమైన పోటీ ఉండవచ్చు. సంయమనం పాటిస్తూ సమస్యల పరిష్కారానికి చొరవ చూపిస్తే గౌరవం పెరుగుతుంది. ఉద్యోగంలో మార్పు కోరుకునేవారు సమయానుకూలంగా నడుచుకోవడం అవసరం. దూరప్రయాణాలు చేయాల్సి వస్తుంది. జీవిత భాగస్వామితో సంబంధం దృఢ పరచుకోడానికి ప్రయత్నిస్తారు. అవివాహితులకు వివాహ ప్రయత్నాలు ఫలిస్తాయి. వాహన ప్రమాదాలు జరిగే అవకాశం ఉంది కాబట్టి డ్రైవింగ్ చేసేటప్పుడు జాగ్రత్తగా ఉండాలి.
మిథునం
మిథున రాశి వారికి ఈ వారం అంత అనుకూలంగా లేదు. వ్యక్తిగత జీవితంలో కొన్ని సవాళ్లను ఎదుర్కోవాల్సి రావచ్చు. సమస్యల పరిష్కారానికి కుటుంబ సభ్యుల సలహా తీసుకుంటే మేలు. ప్రణాళికాబద్ధంగా పనిచేస్తే ప్రయోజనకరంగా ఉంటుంది. ఇంట్లోని పెద్దవారి ఆరోగ్యం ఆందోళన కలిగించవచ్చు. ముఖ్యమైన వ్యవహారాల్లో అనుకూలత ఉంటుంది. ఆశించిన ప్రయోజనాలు పొందాలంటే తీవ్రమైన కృషి అవసరం. అనారోగ్య సమస్యలు ఇబ్బంది పెడతాయి.
కర్కాటకం
కర్కాటక రాశి వారికి ఈ వారం సామాన్యంగా ఉంటుంది. సోమరితనంతో ఇతరుల మీద ఆధారపడి చిక్కులు కొని తెచ్చుకుంటారు. చిత్తశుద్ధితో పనిచేస్తే తప్ప విజయం చేకూరదు. వ్యాపారంలో గట్టి పోటీని ఎదుర్కోవలసి ఉంటుంది. ఆర్ధిక పరిస్థితి అయోమయంలో పడుతుంది. అవసరానికి డబ్బు చేతికి అందక ఇబ్బందులు పడతారు. కోపాన్ని అదుపులో ఉంచుకోవాలి. జీవిత భాగస్వామితో కలహాలు ఏర్పడే అవకాశం ఉంది కాబట్టి మాటలు జాగ్రత్తగా మాట్లాడాలి. దైవదర్శనాలు చేయడం, తీర్థయాత్రలకు వెళ్లడం వలన సానుకూల ఫలితాలు ఉంటాయి.
సింహం
సింహ రాశి వారికి ఈ వారం అన్నివిధాలా అనుకూలంగా ఉంటుంది. అన్ని రంగాల వారికి వృత్తిలో సంతృప్తి కరమైన పురోగతి ఉంటుంది. ఊహించిన దానికన్నా ఎక్కువ ఆర్ధిక ప్రయోజనాలు ఉంటాయి. దీర్ఘకాలంగా పెండింగ్‌లో ఉన్న పనులను పూర్తి చేసి ఉన్నతాధికారుల ప్రశంసలు అందుకుంటారు. వ్యాపారులు వ్యూహాత్మకంగా పనిచేసి సంస్థని అభివృద్ధి చేస్తారు. మీ ప్రయత్నాన్ని సీనియర్లు మెచ్చుకుంటారు. సమాజంలో గౌరవ మర్యాదలు పొందుతారు. కుటుంబంలో శుభకార్యాలు,ఆధ్యాత్మిక కార్యక్రమాలు జరుగుతాయి. ఎంతో కాలంగా భూమి, ఇల్లు కొనాలన్నా కోరిక ఈ వారం నెరవేరుతుంది. జీవితభాగస్వామితో బంధాలు దృఢపడతాయి.
కన్య
కన్య రాశి వారికి ఈ వారం శుభకరంగా ఉంటుంది. అదృష్టం వరిస్తుంది. ఈ రాశి వారికి ఈ వారం కెరీర్ పరంగా శుభ ఫలితాలు ఉంటాయి. లక్ష్మీ కటాక్షం ఉంటుంది. ప్రారంభించిన పనులు ఆటంకం లేకుండా దిగ్విజయంగా పూర్తవుతాయి. ఉద్యోగులు ముఖ్యమైన బాధ్యతలు చేపడతారు. వ్యాపారాన్ని వృద్ధి చేసి విజయం సాధిస్తారు. మార్కెట్‌లో మీ విశ్వసనీయత కూడా మెరుగుపడుతుంది. ఉద్యోగంలో మార్పు కోరుకునే వారికి వారం చివరలో పెద్ద కంపెనీ నుంచి ఆఫర్ రావచ్చు. విలాసవంతమైన వస్తువుల కొనుగోలు కోసం అధిక ధనవ్యయం ఉంటుంది.
తుల
తుల రాశి వారికి ఈ వారం అనుకూలంగా ఉంటుంది. అన్ని రంగాల వారికి వృత్తి వ్యాపారాలలో ప్రోత్సాహం, విజయం ఉంటాయి. ముఖ్యంగా ఉద్యోగస్తులు చేపట్టిన ప్రతిపనిలోను విజయాన్ని సాధిస్తారు. ఉన్నతాధికారుల ప్రశంసలు, ప్రమోషన్ పొందుతారు. నూతన బాధ్యతలను చేపడతారు. స్థానచలనం సూచన కూడా ఉంది. వ్యాపారస్తులు వ్యాపార విస్తరణ కోసం దూర ప్రాంతాలకు ప్రయాణాలు చేయాల్సి వస్తుంది. ఈ ప్రయాణాలు భవిష్యత్ లో ప్రయోజనకరంగా ఉంటాయి. ఆరోగ్యం బాగుంటుంది. జీవిత భాగస్వామితో విహార యాత్రలకు వెళతారు.
వృశ్చికం
వృశ్చిక రాశి వారికి ఈ వారం మిశ్రమ ఫలితాలు ఉంటాయి. గత తప్పుల నుంచి పాఠాలు నేర్చుకొని ముందుకు సాగాలి. సవాళ్లు జీవితంలో ఎదగడానికి ఒక అవకాశంగా మలచుకుంటే విజయం మీదే! అందరితో స్నేహపూర్వకంగా, సమయానుకూలంగా నడుచుకుంటే మంచిది. ఖర్చులు విపరీతంగా పెరుగుతాయి. సమిష్టి కృషితోనే విజయాలు సాధిస్తారు. అందరినీ కలుపుకొని పోవడం మంచిది. అధికారంతో దేన్నైనా సాధించవచ్చు అనుకుంటే పొరపాటు. ఇది మిమ్మల్ని ఇబ్బందులకు గురిచేయడమే కాకుండా, మీ ప్రతిష్టను కూడా దెబ్బతీస్తుంది.
ధనుస్సు
ధనుస్సురాశి వారికి ఈ వారం అనుకూలంగా ఉంటుంది. ఊహించిన దానికంటే ఎక్కువ విజయాన్ని, ఆర్ధిక లాభాలను పొందవచ్చు. సమాజంపై గొప్ప ప్రభావాన్ని చూపిన వ్యక్తులతో పరిచయం పెరుగుతుంది. ఈ పరిచయం మీ బంగారు భవిష్యత్తుకు బాటలు వేస్తుంది. వర్కింగ్ మహిళలు వృత్తి పరంగా గొప్ప విజయాలు సాధిస్తారు. కుటుంబంలో, సమాజంలో గౌరవ ప్రతిష్ఠలు పెరుగుతాయి. ప్రేమికులు వివాహ బంధంతో ఒక్కటవుతారు. దూరప్రాంతాల నుంచి శుభవార్తలు అందుకుంటారు.
మకరం
మకర రాశి వారికి ఈ వారం మిశ్రమ ఫలితాలు ఉంటాయి. మెరుగైన ప్రయోజనాలు పొందాలంటే తీవ్ర కృషి అవసరం. పని పట్ల సోమరితనం, నిర్లక్ష్య వైఖరి కారణంగా తీవ్రంగా నష్టపోతారు. వ్యాపారులు తీవ్రమైన పోటీని ఎదుర్కొంటారు. ఆర్ధిక సంబంధిత విషయాలలో ఆలోచించి నిర్ణయాలు తీసుకోవడం మేలు. ఖర్చు చేసేటప్పుడు తెలివిగా వ్యవహరించాలి. స్థిరాస్తులు కొనుగోలు చేసేటప్పుడు కుటుంబ సభ్యుల సలహా మేలు చేస్తుంది. కోపాన్ని అదుపులో ఉంచుకోండి. కుటుంబ వ్యవహారాల్లో హుందాగా ఉంటే మంచిది. ఎవరితోనూ వాదనలకు దిగవద్దు.
కుంభం
కుంభ రాశి వారికి ఈ వారం అనుకూలంగా ఉంటుంది. కుటుంబంలో సంతోషం నెలకొల్పడానికి మీరు చేసే ప్రయత్నాలు సఫలం అవుతాయి. ఉద్యోగులకు అదనపు ఆదాయ వనరులు సమకూరుతాయి. కుటుంబంలో జరిగే శుభకార్యాల్లో పాల్గొంటారు. ఉద్యోగులు ముఖ్యమైన బాధ్యతలు చేపడతారు. వ్యాపారస్తులకు వ్యాపారంలో మంచి పురోగతి ఉంటుంది. ఊహించని లాభాలను కూడా అందుకుంటారు. జీవిత భాగస్వాముల మధ్య పరస్పర అవగాహన విశ్వాసం పెరుగుతాయి. కొన్ని కీలక వ్యహారాల్లో ఆటంకాలు ఎదురవుతాయి.
మీనం
మీన రాశి వారికి ఈ వారం శుభకరంగా ఉంటుంది. అన్ని రంగాల వారికి కృషికి తగిన ఫలితాలు ఉంటాయి. వృత్తివ్యాపారాలలో అడ్డంకులు తొలగిపోతాయి. నిరుద్యోగులకు ఉద్యోగ ప్రాప్తి ఉంది. అవివాహితులకు వివాహం నిశ్చయమవుతుంది. నూతన ఆలోచనావిధానంతో పనిచేసి విశేషమైన ఫలితాలను అందుకుంటారు. ఆర్ధికంగా ఎదుగుతారు. సంపద వృద్ధి చెందుతుంది. భూమి, ఇల్లు వంటి స్థిరాస్తులు కొనుగోలు చేస్తారు. కోర్టు వ్యవహారాల్లో తీర్పు మీకు అనుకూలంగా వస్తుంది. ఆరోగ్య సమస్యలు తగ్గు ముఖం పడతాయి.
