ఎయిడ్స్: మ‌న చేతుల్లోనే నిర్మూల‌న: చందూనాయ‌క్‌

విధాత‌: లైంగిక అంశాలపై తగు జాగ్రత్తలు తీసుకోవడం ద్వారా ఎయిడ్స్ వ్యాధికి కారణమైన హ్యూమన్ ఇమ్యునో డిఫిషియన్సీ వైరస్ (HIV) నుండి తప్పించుకోవచ్చని జిల్లా వైద్య ఆరోగ్య శాఖాధికారి చందు నాయక్ తెలిపారు. ప్రపంచ ఎయిడ్స్ దినోత్సవం సందర్భంగా గురువారం స్థానిక ఆర్ అండ్ బి గెస్ట్ హౌస్ నుండి రాందాస్ చౌరస్తా వరకు ఏర్పాటు చేసిన ఎయిడ్స్ ర్యాలీని డిప్యూటీ డి.ఏం.అండ్ హెచ్.ఓ విజయనిర్మలతో కలిసి జెండా ఊపి ప్రారంభించారు. ఈ సందర్భంగా ఆయ‌న మాట్లాడుతూ […]

విధాత‌: లైంగిక అంశాలపై తగు జాగ్రత్తలు తీసుకోవడం ద్వారా ఎయిడ్స్ వ్యాధికి కారణమైన హ్యూమన్ ఇమ్యునో డిఫిషియన్సీ వైరస్ (HIV) నుండి తప్పించుకోవచ్చని జిల్లా వైద్య ఆరోగ్య శాఖాధికారి చందు నాయక్ తెలిపారు. ప్రపంచ ఎయిడ్స్ దినోత్సవం సందర్భంగా గురువారం స్థానిక ఆర్ అండ్ బి గెస్ట్ హౌస్ నుండి రాందాస్ చౌరస్తా వరకు ఏర్పాటు చేసిన ఎయిడ్స్ ర్యాలీని డిప్యూటీ డి.ఏం.అండ్ హెచ్.ఓ విజయనిర్మలతో కలిసి జెండా ఊపి ప్రారంభించారు.

ఈ సందర్భంగా ఆయ‌న మాట్లాడుతూ ఎయిడ్స్ ను పూర్తిగా నిర్మూలించడం మన చేతుల్లోనే ఉందని, సురక్షితమైన లైంగిక జాగ్రత్తలు తీసుకోవడం ద్వారా ఎయిడ్స్ బారిన పడకుండా ఉంటామన్నారు. ఎయిడ్స్ కు ఇప్పటికి సరైన మందు లేదని, నివారణ ఒక్కటే మార్గమని అన్నారు. అనుకోకుండా HIV వైరస్ బారిన పడినవారు అధైర్య పడకుండా డాక్టరు సలహా మేరకు తగిన మందులు వాడుతూ ఎప్పటిలాగే జీవించవచ్చని సూచించారు.

HIV తో జీవిస్తున్న వారిలో ధైర్యం నింపడానికి మద్దతు ఇచ్చేందుకు, ప్రజలలో అవగాహన, చైతన్యం కలిగించడానికి ప్రపంచ వ్యాప్తంగా డిసెంబర్ 1న ఎయిడ్స్ దినోత్సవగా జరుపుకుంటున్నామని తెలిపారు. ఈ సంవత్సరం ప్రపంచ ఐక్యమత్యం, బాధ్య‌త థీమ్‌తో ఎయిడ్స్ దినోత్సవాన్ని నిర్వహించుకుంటున్నా మని వివ‌రించారు. కార్యక్రమంలో డాక్టర్ నవీన్, మణికంఠ, డిగ్రీ కళాశాల ప్రధానాచార్యులు గణపతి, ఏఎన్ ఎంలు, వైద్య సిబ్బంది, విద్యార్థులు తదితరులు పాల్గొన్నారు.