Qatar helicopter crash| కూలిన ఖతార్ హెలికాప్టర్..ఆరుగురి దుర్మరణం

ఖతార్‌లో మిలిటరీ హెలికాప్టర్‌ ప్రమాదానికి గురై సముద్రంలో కూలిపోయింది. ఈ దుర్ఘటనలో హెలికాప్టర్ లో ప్రయాణిస్తున్న ఆరుగురు మృతి చెందారు. మరో వ్యక్తి గల్లంతు కాగా.. అతడి ఆచూకీ కోసం సహాయక దళాలు గాలింపు చర్యలు చేపట్టాయి.

విధాత : ఖతార్‌లో మిలిటరీ హెలికాప్టర్‌ ప్రమాదానికి గురై సముద్రంలో కూలిపోయింది. ఈ దుర్ఘటనలో హెలికాప్టర్ లో ప్రయాణిస్తున్న ఆరుగురు మృతి చెందారు. మరో వ్యక్తి గల్లంతు కాగా.. అతడి ఆచూకీ కోసం సహాయక దళాలు గాలింపు చర్యలు చేపట్టాయి. నీటిలో నుంచి ఆరుగురు బాధితుల మృతదేహాలను వెలికితీశారు.

సాంకేతిక లోపంతో హెలికాప్టర్‌ కూలినట్లు ఖతార్‌ రక్షణ మంత్రిత్వ శాఖ తెలిపింది. సాంకేతిక లోపం అకస్మాత్తుగా జరగడం వల్ల, సిబ్బంది స్పందించి ప్రమాదాన్ని నివారించడానికి చాలా తక్కువ సమయం లభించిందని అధికారులు భావిస్తున్నారు. ప్రస్తుతం, సాంకేతిక వైఫల్యానికి ఖచ్చితంగా కారణమేమిటో తెలుసుకోవడానికి అధికారులు పూర్తిస్థాయి దర్యాప్తును ప్రారంభించారు.

నిపుణులు శిథిలాలను, హెలికాప్టర్ నిర్వహణ రికార్డులను పరిశీలించి ప్రమాదానికి దారితీసినని కారణాలపై దర్యాప్తు కొనసాగిస్తున్నారు. బాధితుల కుటుంబాలకు అవసరమైన అన్ని సహాయ సహకారాలు అందిస్తామని ఖతార్ ప్రభుత్వం హామీ ఇచ్చింది.