MLC Kavitha | బడ్జెట్లో బీసీ సంక్షేమానికి 20 వేల కోట్లు కేటాయించండి

బీసీ సంక్షేమానికి ఈ బడ్జెట్లో రూ.20 వేల కోట్లు కేటాయించాలని డిప్యూటీ సీఎం మ‌ల్లు భట్టి విక్రమార్కకు బీఆర్ఎస్ ఎమ్మెల్సీ కల్వకుంట్ల కవిత విజ్ఞప్తి చేశారు

• డిప్యూటీ సీఎం భట్టికి బీఆర్ఎస్ ఎమ్మెల్సీ కవిత లేఖ

MLC Kavitha | విధాత‌: బీసీ సంక్షేమానికి ఈ బడ్జెట్లో రూ.20 వేల కోట్లు కేటాయించాలని డిప్యూటీ సీఎం మ‌ల్లు భట్టి విక్రమార్కకు బీఆర్ఎస్ ఎమ్మెల్సీ కల్వకుంట్ల కవిత విజ్ఞప్తి చేశారు. ఈ మేరకు సోమవారం ఆయ‌న‌కు లేఖ రాశారు. మహాత్మా జ్యోతిరావు ఫూలే బీసీ సబ్ ప్లాన్‌కు చట్టబద్ధత కల్పిస్తామని ఎన్నికల మ్యానిఫెస్టోలో కాంగ్రెస్ పార్టీ చేర్చిందని గుర్తు చేశారు.

బీసీ సంక్షేమానికి రానున్న ఐదేళ్లలో రూ.లక్ష కోట్లు కేటాయిస్తామని, ఎంబీసీల సంక్షేమానికి ప్రత్యేక మంత్రిత్వ శాఖ ఏర్పాటు చేస్తామని ఎన్నిక‌ల స‌మ‌యంలో కాంగ్రెస్ ఇచ్చిన‌ హామీని ప్రస్తావించారు. ప్రతి జిల్లా కేంద్రంలో రూ. 50 కోట్ల వ్యయంతో ప్రొఫెసర్ జయశంకర్ బీసీ ఐక్యత భవనాలను నిర్మిస్తామన్నార‌ని తెలిపారు. వీటి అమ‌లు కోసం ఈ ఏడాది బడ్జెట్లో రూ.20 వేల కోట్లు కేటాయించాలని కవిత కోరారు.