బంగారం కొనాలనుకుంటున్నారా..? హైదరాబాద్‌లో నేటి ధరలు ఇవే..!

Gold Rates | బంగారం కొనుగోలుదారులకు బంగారం ధరలు ఊరటనిస్తున్నాయి. మొన్నటి వరకు పెరుగుతూ వచ్చిన ధరలు స్థిరంగా కొనసాగుతున్నాయి. వరుసగా రెండోరోజు మంగళవారం బులియన్‌ మార్కెట్‌లో పసిడి ధరలు నికలడగా ఉన్నాయి. 22 క్యారెట్ల గోల్డ్‌ రూ.57,800 ఉండగా.. 24 క్యారెట్ల పసిడి తులానికి రూ.63,050 పలుకుతున్నది. దేశంలోని వివిధ నగరాల్లో బంగారం ధరలను పరిశీలిస్తే.. చెన్నైలో 22 క్యారెట్ల బంగారం రూ.58,300 ఉండగా.. 24 క్యారెట్ల బంగారం రూ.63,600 వద్ద కొనసాగుతున్నది.

ముంబయిలో 22 క్యారెట్ల బంగారం రూ.57,800 ఉండగా.. 24 క్యారెట్ల పుత్తడి రూ.63,050 వద్ద ట్రేడవుతున్నది. ఢిల్లీలో 22 క్యారెట్ల పుత్తడి రూ.57,950 ఉండగా.. 24 క్యారెట్ల బంగారం రూ.63,200 వద్ద నిలకడగా ఉన్నది. హైదరాబాద్‌లో 22 క్యారెట్ల పసిడి రూ.57,800 ఉండగా.. 24 క్యారెట్ల బంగారం రూ.63,050 పలుకుతున్నది. ఏపీలోని విజయవాడ, తిరుపతి, విశాఖపట్నం నగరాల్లోనూ ఇవే ధరలు కొనసాగుతున్నాయి.

మరో వైపు వెండి ధరల సైతం నిలకడగా ఉన్నది. ప్రస్తుతం హైదరాబాద్‌లో కిలోకు రూ.77వేలు పలుకుతున్నది. వాస్తవానికి ప్రపంచవ్యాప్తంగా జరిగే వివిధ పరిణామాలపైనే ధరలు ఆధారపడి ఉంటాయి. ఈక్రమంలోనే అంతర్జాతీయంగా ధరలు పెరిగినా, తగ్గినా ఆ ప్రభావం భారత మార్కెట్లపై సైతం ఉంటుంది. ద్రవ్యోల్బణం, సెంట్రల్‌ బ్యాంకుల నిర్ణయాలు, వడ్డీ రేట్లలో మార్పులు, మార్కెట్లలో బంగారానికి ఉన్న డిమాండ్‌ తదితర కారణాల నేపథ్యంలో బంగారం ధరలు మారుతూ వస్తుంటాయి.