విధాత: తెలంగాణకు చెందిన ప్రముఖ డాక్యుమెంటరీ చిత్రాల నిర్మాణ సంస్థ డీఎస్ఎన్ ఫిల్మ్స్(DSN Films) ప్రతిష్టాత్మక పబ్లిక్ రిలేషన్స్ కౌన్సిల్ ఆఫ్ ఇండియా (PRCI ) ఆన్యూవల్ ఎక్స్ లెన్స్ అవార్డ్స్ 2022 లో ఐదు అవార్డులు గెలుచుకుంది.
పబ్లిక్ రిలేషన్స్ కౌన్సిల్ ఆఫ్ ఇండియా కోల్‌క‌త్తాలో నవంబర్ 12న నిర్వహించిన గ్లోబల్ కమ్యూనికేషన్ కాంక్లేవ్ లో DSN ఫిల్మ్స్ ప్రైవేట్ లిమిటెడ్ CEO & MD, అంతర్జాతీయ డాక్యుమెంటరీ ఫిల్మ్ అవార్డ్ గ్రహీత దూలం సత్యనారాయణ ఈ అవార్డులను అందుకున్నారు.
తెలంగాణ ప్రభుత్వం కోసం తాము రూపొందించిన ఫిల్మ్స్‌కు అవార్డులు ప్రకటించిన జ్యూరీ, పీఆర్సీఐ (PRCI)కి దూలం సత్యనారాయణ ధన్యవాదాలు తెలిపారు. ఈ సంద‌ర్భంగా ఆయ‌న మాట్లాడుతూ డీఎస్ఎన్ ఫిల్మ్స్ సాధిస్తున్న విజయాలకు ముఖ్యమంత్రి చంద్రశేఖర్‌ రావు, మంత్రి కేటీఆర్ గార్ల నిరంతర మద్దతు, ప్రోత్సాహమే కారణమని అన్నారు.
ఒక తెలంగాణ బిడ్డగా రాష్ట్రంలో జరుగుతున్న అభివృద్ధి, సంక్షేమ కార్యక్రమాలను ప్రజల్లోకి చేర వేసే పాత్ర పోషిస్తున్నందుకు సంతోషంగా ఉందన్నారు. తమ సంస్థ రూపొందించిన వీడియోలతో తెలంగాణలో ఉన్న టూరిజం , ఇతర అంశాలు దేశం దృష్టిని ఆకర్షించినందుకు గర్వంగా ఉందన్నారు. ఇంతటి గొప్ప అవకాశం ఇచ్చిన ప్రభుత్వానికి, సహకరించిన అధికారులకు ధన్యవాదాలు తెలిపారు.
DSN FILMS గెలుచుకున్న అవార్డులు: –
1.క్రిస్టల్ అవార్డు.. కళలు, సంస్కృతి, క్రీడల ప్రచారం : బుద్ధవనం (ఆధ్యాత్మిక పర్యాటక చిత్రం)
2. గోల్డ్ అవార్డు – విజనరీ లీడర్‌షిప్ క్యాంపెయిన్ ఆఫ్ ది ఇయర్ : సీఎం కేసీఆర్ నేతృత్వంలో ప్రగతిశీల తెలంగాణ
3. గోల్డ్ అవార్డ్ – ట్రావెల్, లీజర్, హాస్పిటాలిటీ క్యాంపెయిన్: తెలంగాణ టూరిజం సోమశిల టూరిజం సర్క్యూట్
4. గోల్డ్ అవార్డు – హెల్త్ కేర్ కమ్యూనికేషన్ ఫిల్మ్స్ : తెలంగాణలో కోవిడ్-19 అవగాహన ప్రచారం
5. కాంస్య అవార్డు – ప్రభుత్వ కమ్యూనికేషన్ ఫిల్మ్స్: రైతు బంధు & రైతు భీమా
