Realme 12 Pro Plus | చైనాకు చెందిన ప్రముఖ సెల్‌ఫోన్ల తయారీ కంపెనీ రియల్మీ ఇటీవల కొత్త సిరీస్‌ను భారత్‌లో లాంచ్ చేసింది. రియల్మీ 12ప్రో సిరీస్ మొబైల్స్‌ విక్రయాలు వచ్చే నెలలో ప్రారంభం కానున్నాయి. సిరీస్లోని గ్యాడ్జెట్స్, వాటి ఫీచర్స్, ధరల వివరాలు మీ కోసం.. రియల్మీ కొత్త స్మార్ట్ఫోన్స్లో కర్వ్డ్ డిస్ప్లే, టాప్ సెంటర్డ్ పంచ్ హోల్ కటౌట్ డిజైన్‌తో వస్తున్నది. పవర్ బటన్, వాల్యూ బటన్ రైట్ సైడ్లో ఉంటుంది. టైప్-సీ పోర్ట్, సిమ్ ట్రే, ప్రైమరీ మైక్రోఫోన్, స్పీకర్ కింది భాగంలో ఇవ్వగా.. రియర్‌లో సర్క్యులర్ కెమెరా మాడ్యూల్‌లో వస్తుంది.
ఈ రియల్మీ 12 ప్రో, ప్రో ప్లస్‌ గ్యాడ్జెట్స్లో 6.7 ఇంచ్ కర్వ్డ్ ఎడ్జ్ అమోలెడ్ ఫుల్ హెచ్డీ ప్లస్‌ డిస్ప్లే ఉంటుంది. రియల్మీ 12 ప్రోలో 50ఎంపీ ప్రైమరీ, 8ఎంపీ అల్ట్రా-వైడ్, 32ఎంపీ టెలిఫొటో లెన్స్తో కూడిన ట్రిపుల్ రియర్‌ కెమెరా సెటప్‌తో వస్తుంది. 12 ప్రో ప్లస్‌ మోడల్‌లో 50ఎంపీ ప్రైమరీ, 8ఎంపీ అల్ట్రా వైడ్, 64ఎంపీ పెరిస్కోప్ టెలిఫొటో కెమెరా రియర్‌లో వస్తుండగా.. సెల్ఫీ, వీడియో కాల్స్ కోసం రెండు మోడల్స్‌లో 16ఎంపీ, 32ఎంపీ కెమెరా సెటప్‌ ఫ్రంట్‌లో ఉంటుంది. రియల్మీ 12 ప్రోలో స్నాప్డ్రాగన్ 6 జెన్ 1, రియల్మీ 12ప్రో ప్లస్‌లో స్నాప్డ్రాగన్ 7ఎస్ జెన్ 2 ప్రాసెసర్స్‌ ఉంటాయి.
ఆండ్రాయిడ్ 14 ఆధారిత రియల్మీ యూఐ 5.0పై పని చేయనున్నాయి. 5000 ఎంఏహెచ్ బ్యాటరీ, 67వాట్ ఫాస్ట్ ఛార్జింగ్ సపోర్ట్ లభిస్తుంది. రియల్మీ 12 ప్రోప్లస్‌ 8జీబీ ర్యామ్- 128జీబీ స్టోరేజ్ ధర రూ.29,999గా నిర్ణయించింది. 8జీబీ ర్యామ్- 256జీబీ స్టోరేజ్ ధర రూ.31,999, 12జీబీ ర్యామ్- 256జీబీ స్టోరేజ్ వేరియంట్ ధర రూ.33,999గా ఉంటుంది. మొబైల్స్‌ సబ్మెరైన్ బ్లూ, నావిగేటర్ కలర్స్ అందుబాటులో ఉంటాయి. ఫ్లిప్కార్ట్, రియల్మీ అఫీషియల్ వెబ్సైట్లో ఫిబ్రవరి 6న ఈ గ్యాడ్జెట్స్ సేల్స్ మొదలవనున్నాయి. ఐసీఐసీఐ బ్యాంక్ ట్రాన్సాక్షన్స్పై రూ.2వేల వరకు డిస్కౌంట్‌ లభించనున్నది.