అమ్మ లేకుండా.. ఒంట‌రిగా ఆఫీసుల‌కు ర‌మ్మ‌నేవారు: ఆమని

విధాత: శుభసంకల్పం, శుభలగ్నం, మావిచిగురు ఇలా ఎన్నో క్లాసికల్ చిత్రాల్లో నటించింది ఆమని. కె విశ్వనాథ్, ఎస్.వి.కృష్ణారెడ్డి, ఇవివి సత్యనారాయణ, బాపు వంటి దిగ్గజ దర్శకులు తెరకెక్కించిన చిత్రాలన్నింటిలో నటించింది. అగ్ర హీరోల సరసన కథానాయికగా మెప్పించి దశాబ్ద కాలం ఓ వెలుగు వెలిగింది. ఇటీవల మరలా కంబ్యాక్ చేసి సెకండ్ ఇన్నింగ్స్ లోనూ బాగానే అవకాశాలు అందుకుంటుంది. టీవీ కాన్సెప్ట్స్ కూడా ఆమెని బిజీగా చేస్తున్నాయి. తాజాగా ఆమని.. తన కెరీర్ ఆరంభంలో ఎదుర్కొన్న ఇబ్బందులను […]

విధాత: శుభసంకల్పం, శుభలగ్నం, మావిచిగురు ఇలా ఎన్నో క్లాసికల్ చిత్రాల్లో నటించింది ఆమని. కె విశ్వనాథ్, ఎస్.వి.కృష్ణారెడ్డి, ఇవివి సత్యనారాయణ, బాపు వంటి దిగ్గజ దర్శకులు తెరకెక్కించిన చిత్రాలన్నింటిలో నటించింది. అగ్ర హీరోల సరసన కథానాయికగా మెప్పించి దశాబ్ద కాలం ఓ వెలుగు వెలిగింది.

ఇటీవల మరలా కంబ్యాక్ చేసి సెకండ్ ఇన్నింగ్స్ లోనూ బాగానే అవకాశాలు అందుకుంటుంది. టీవీ కాన్సెప్ట్స్ కూడా ఆమెని బిజీగా చేస్తున్నాయి. తాజాగా ఆమని.. తన కెరీర్ ఆరంభంలో ఎదుర్కొన్న ఇబ్బందులను ఓ ఇంటర్వ్యూలో బయటపెట్టింది.

కెరీర్ ప్రారంభంలో సినిమా అవకాశాల కోసం నేను ఆఫీసుల చుట్టూ కాళ్లు అరిగేలా తిరిగాను. అక్కడ చాలా రకాల పరిస్థితులు చూశాను. నేను బయటకు ఎక్కడికి వెళ్లినా వెంట మా అమ్మ ఉండేవారు. ఏ సినిమా ఆఫీసుకు వెళ్లిన ఆమె వచ్చేవారు. అలా అమ్మ వెంట రావడం సినీ ఆఫీసుల్లో కొందరికి నచ్చేది కాదు. అమ్మ లేకుండా ఆఫీసుకు ఒంటరిగా రమ్మన్న వాళ్ళు ఉన్నారు.

నేను కూడా అంతే ధీటుగా సమాధానం ఇచ్చేదాన్ని. ఆమె లేకుండా నేను రాను అని ఖ‌రాకండీగా చెప్పేసే దాన్ని. ఎవరు ఏ ఉద్దేశ్యంతో మాట్లాడుతున్నారనేది తెలియడానికి కొంత సమయం పట్టింది. అప్పుడే నాన్న చెప్పిన మాటలు గుర్తొచ్చాయి.

ఆయన మొదటి నుంచి సినిమాల వైపుకు వెళ్ళొద్దని చెప్పేవారు. చెల్లీ పాత్రలు, కూతురు పాత్రలు ఆఫర్ చేసేవారు. ఒక సినిమాలో చెల్లెలుగా నటిస్తే అలాగే వ‌రుస‌గా అలాంటి పాత్రలే వస్తాయని తెలుసు. అందువలన హీరోయిన్‌గా కాకుండా వేరే పాత్రలు చేయనని చెప్పేదాన్ని. అలా హీరోయిన్ కావ‌డానికి రెండేళ్ల సమయం పట్టిందని.. ఆమని సంచలన విషయాలను బయటపెట్టింది.