తల ఇరుక్కుపోయినా.. బాటిల్ వదల్లేదు! మందుబాబు వీడియో వైరల్‌

ఓ వీడియోతో మరింత ప్రాచుర్యంలోకి వచ్చింది. మద్యం కోసం ఆత్రంగా  ఓ వ్యక్తి చేసిన వినూత్న ప్రయత్నం సోషల్ మీడియా వేదికగా ఇప్పుడు దేశవ్యాప్తంగా వైరల్ అవుతోంది.

Viral Video | “జాన్ జాయే పర్​ దారూ న జాయే!” — ఇప్పుడు ఈ డైలాగ్ ఓ వీడియోతో మరింత ప్రాచుర్యంలోకి వచ్చింది. మద్యం కోసం ఆత్రంగా  ఓ వ్యక్తి చేసిన వినూత్న ప్రయత్నం సోషల్ మీడియా వేదికగా ఇప్పుడు దేశవ్యాప్తంగా వైరల్ అవుతోంది. మద్యం తాగే ఆశతో ఇనుప గ్రిల్​ అడ్డంగా ఉన్న షాపులో నుండి బాటిల్ తీసేందుకు ప్రయత్నించిన యువకుడు, తల గ్రిల్‌లో ఇరుక్కుని నవ్వులు పుట్టిస్తున్నాడు.

పూర్తి వివరాల ప్రకారం, మద్యం మత్తులో ఉన్న వ్యక్తి ఓ మద్యం షాపు కౌంటర్‌లోంచి బాటిల్ దొంగతనంగా తీసేందుకు ప్రయత్నించాడు. చేతికి అందడం లేదు. ఇంకాస్తా ముందుకెళ్తే పనైపోతుందనుకుని, తలకాయను గ్రిల్​ లోపలికి నెట్టాడు. మొత్తానికి బాటిల్​ అందుకున్నాడు గానీ, వెనక్కివద్దామనుకుంటే ఆ వెధవాయ్​ తలకాయ్​ గ్రిల్​లో నుండి రావడంలేదు. అటు తల బయటపడకుండా ఇరుక్కుపోయిన పరిస్థితి.. ఇటు చేతుల్లో బాటిల్‌ పట్టుకొని విడిచిపెట్టలేని పరిస్థితిని  చూసిన వారు నవ్వాపుకోలేకపోయారు.

ఈ వీడియోలో, అతడిని రక్షించేందుకు చుట్టూ ఉన్న వారు ప్రయత్నించినా — అతను బాటిల్‌ను మాత్రం వదలకపోవడం అందరినీ ఆశ్చర్యపరిచింది. వీడి ఆత్రం తగలెయ్య అనుకుని, కొన్ని నిమిషాల పాటు తీవ్రంగా ప్రయత్నించిన తరువాతే అతన్ని విడుదల చేయగలిగారు. మీరూ ఈ వీడియో చూసి నవ్వుకోండి..!

इस चक्कर में सब चकरा गए
😝😝😂😂🤣🤣 pic.twitter.com/bR1HeomdU7

— मनप्रीत कौर❤मन💕 (@mannkaurr1) July 8, 2025

ఈ వీడియోకు సోషల్ మీడియాలో అనేక మంది స్పందించారు. “Apex level of Darubaj ” అంటూ ఓ యూజర్ కామెంట్ చేయగా, ఇంకొకరు “బాటిల్ కోసం ప్రాణం కూడా ఇస్తాడు” అంటూ హాస్యంగా స్పందించారు.