Prabhas | షూటింగ్ సెట్‌లో గాయపడ్డ గ్లోబల్ స్టార్ ప్రభాస్ .. ‘ఫౌజీ’ యాక్షన్ సీన్‌లో ప్రమాదం, ఆరోగ్యం నిలకడగానే ఉందన్న చిత్రబృందం

Prabhas | గ్లోబల్ స్టార్ ప్రభాస్ వరుస పాన్ ఇండియా ప్రాజెక్టులతో బిజీగా ఉన్న ఈ సమయంలో ఆయనకు షూటింగ్ సెట్లో స్వల్ప గాయం అయినట్లు వార్తలు రావడంతో అభిమానుల్లో ఆందోళన నెలకొంది. ప్రస్తుతం దర్శకుడు హను రాఘవపూడి తెరకెక్కిస్తున్న ‘ఫౌజీ’ (వర్కింగ్ టైటిల్) సినిమా చిత్రీకరణ వేగంగా సాగుతోంది.

Rebel Star Prabhas: From Baahubali to Saaho, Salaar, and Kalki 2898 AD

Prabhas | గ్లోబల్ స్టార్ ప్రభాస్ వరుస పాన్ ఇండియా ప్రాజెక్టులతో బిజీగా ఉన్న ఈ సమయంలో ఆయనకు షూటింగ్ సెట్లో స్వల్ప గాయం అయినట్లు వార్తలు రావడంతో అభిమానుల్లో ఆందోళన నెలకొంది. ప్రస్తుతం దర్శకుడు హను రాఘవపూడి తెరకెక్కిస్తున్న ‘ఫౌజీ’ (వర్కింగ్ టైటిల్) సినిమా చిత్రీకరణ వేగంగా సాగుతోంది. ఈ క్రమంలో ఓ కీలక యాక్షన్ సన్నివేశం చిత్రీకరణ సమయంలో ఈ ఘటన చోటుచేసుకున్నట్లు సమాచారం. చిత్ర యూనిట్ అందించిన వివరాల ప్రకారం, ఒక భారీ యుద్ధ సన్నివేశంలో భాగంగా ప్రభాస్ గుర్రపు స్వారీ చేస్తుండగా గుర్రం ఒక్కసారిగా అదుపు తప్పడంతో ఆయన కిందపడినట్లు తెలిసింది.

ప్ర‌భాస్ చేతి భాగంలో స్వల్ప గాయాలు అయినప్పటికీ, అవి తీవ్రమైనవి కావని, కేవలం ముంద‌స్తు జాగ్ర‌త్త‌గా ఆ రోజు షూటింగ్‌ను నిలిపివేసినట్లు తెలుస్తోంది. వెంటనే వైద్యుల పర్యవేక్షణలో చికిత్స తీసుకున్న ప్రభాస్ ప్రస్తుతం పూర్తిగా కోలుకుంటున్నారని సన్నిహిత వర్గాలు వెల్లడించాయి. ఈ సినిమా చారిత్రక నేపథ్యంతో రెండవ ప్రపంచ యుద్ధం కాలాన్ని ప్రతిబింబించేలా రూపొందుతున్నట్లు టాలీవుడ్ వర్గాల్లో ప్రచారం జరుగుతోంది. ఇందులో ప్రభాస్ ఓ సైనికుడి పాత్రలో కనిపించనున్నారని, అందుకే గుర్రపు స్వారీలు, యుద్ధ సన్నివేశాలు, భారీ యాక్షన్ సీక్వెన్స్‌లు ఎక్కువగా ఉంటాయని సమాచారం. హను రాఘవపూడి తన ప్రత్యేకమైన మేకింగ్ స్టైల్‌తో ప్రభాస్‌ను కొత్త లుక్‌లో చూపించబోతున్నారని అభిమానులు ఆసక్తిగా ఎదురుచూస్తున్నారు.

ఇటీవల విడుదలైన ‘రాజాసాబ్’ చిత్రం ఆశించిన స్థాయిలో విజయం సాధించకపోవడంతో, ఇప్పుడు అభిమానులంతా ‘ఫౌజీ’ ప్రాజెక్ట్‌పై భారీ అంచనాలు పెట్టుకున్నారు. ఈ సినిమాతో ప్రభాస్ మళ్లీ బాక్సాఫీస్ వద్ద భారీ కంబ్యాక్ ఇస్తారని ట్రేడ్ వర్గాలు కూడా భావిస్తున్నాయి. ప్రస్తుతం ప్రభాస్ ఆరోగ్యం నిలకడగానే ఉందని, ఒక రోజు విశ్రాంతి తీసుకున్న అనంతరం మళ్లీ షూటింగ్‌లో పాల్గొననున్నారని యూనిట్ స్పష్టం చేసింది. ఈ చిత్రంలో ప్రభాస్ సరసన ఇమాన్వీ ఇస్మాయిల్ హీరోయిన్‌గా నటిస్తోంది. త్వరలోనే సినిమాకు సంబంధించిన అధికారిక టైటిల్, ఫస్ట్ లుక్, టీజర్‌పై స్పష్టత వచ్చే అవకాశముంది. సోషల్ మీడియా వేదికగా అభిమానులు ప్రభాస్ త్వరగా కోలుకుని పూర్తి ఆరోగ్యంతో సెట్స్‌లోకి అడుగుపెట్టాల‌ని కోరుతున్నారు.