2023లో ఇంగ్లిష్‌ నిఘంటువులో చేరిన కొత్త పదాలు ఇవే..

మనసులోని భావాన్ని వ్యక్తపరిచేందుకు మన సాధనం భాష. మాటల ద్వారానే చాలా విషయాలను చెబుతూ ఉంటాం. భాష కాలానికి తగినట్టుగా మారుతూ వస్తుంది. అది ఏ భాష అయినా అందులో మార్పులు అనేవి కాలానికి తగినట్టుగా జరుగుతూనే ఉంటాయి

• ఆక్స్ఫర్డ్ డిక్షనరీలో 650 కొత్త ఆంగ్ల పదాలు

లండన్ : మనసులోని భావాన్ని వ్యక్తపరిచేందుకు మన సాధనం భాష. మాటల ద్వారానే చాలా విషయాలను చెబుతూ ఉంటాం. భాష కాలానికి తగినట్టుగా మారుతూ వస్తుంది. అది ఏ భాష అయినా అందులో మార్పులు అనేవి కాలానికి తగినట్టుగా జరుగుతూనే ఉంటాయి. యాసతో కూడిన భాష ఒక విధంగా మనుషులు ఎక్కడి వారు ఏ ప్రాంతానికి చెందినవారు అనేది తెలియజేస్తే తెలుగు, తమిళం, ఇంగ్లిష్‌ ఇలా ఇతర భాషలలో మాట్లాడగలగడం ఇంకాస్త గొప్ప కళ. ఇతర భాషలలోనూ మార్పులు ఎప్పటికప్పుడు వస్తూనే ఉన్నాయి. ఇప్పటి రోజుల్లో మారుతున్న సాంకేతికతకు తగినట్టుగా మనల్ని మనము మలుచుకునే విధానంలో ఇతర భాషలను నేర్చుకుని, అందులో అనర్గళంగా మాట్లాడగలడం అనేది కెరియర్ పరంగా సపోర్టుగా నిలుస్తుంది.

ప్రతి సంవత్సరం ఇంగ్లిష్‌ భాషలో కొత్త పదాలు చేరుతూ ఉంటాయి. ఇలా 2023లోనూ కొన్ని పదాలు వచ్చి చేరాయి. ఏదైనా పదానికి అర్థం కావాలంటే డిక్షనరీ సహాయంతో సరైన పదాన్ని వెతుకుతాం. 2023లో ఆక్స్‌ఫర్డ్‌ ఇంగ్లిష్‌ డిక్షనరీకి 650 కొత్త ఆంగ్ల పదాలు జోడించారు. యాస పదాల నుండి వృత్తిపరమైన శీర్షికలు, క్రీడా విన్యాసాల వరకు మన చుట్టూ ఉన్న ప్రపంచం అభివృద్ధి చెందుతున్నప్పుడు దానిని వివరించే మార్గాలు దానిలోని అనుభవాలు కూడా అభివృద్ధి చెందుతాయి. దీని వెనక చాలామంది కృషి దాగి ఉంటుంది. కొత్త పదం వెలుగులోకి వచ్చిందంటే దాని వెనుక ప్రపంచాన్ని చుట్టి వచ్చే ఎందరో ఉంటారు. వీరు ప్రపంచంలో పర్యటిస్తూ రిమోట్‌గా పనిచేస్తారు.

వీరి ద్వారానే చాలా పదాలు వెలుగు చూస్తూ ఉంటాయి. ఈ విధంగానే ఇంగ్లీషులో అనేక కొత్త పదాలు ఇతర భాషల నుండి ప్రేరణ పొందాయనడంలో ఆశ్చర్యం లేదు. సంవత్సరంలో కొత్త పదాలు ఆంగ్ల పదాల కోసం వార్షిక పోటీ జరుగుతుంది. జనాదరణ పొందిన సాంస్కృతిక ప్రాముఖ్యం గల పదం కోసం జరిగిన పరిశోధనలు, వాటి సంఖ్య వంటి అంశాల ఆధారంగా నిఘంటువులు ఆ సంవత్సరపు పదాన్ని ప్రకటిస్తాయి. డిక్షనరీని బట్టి సంవత్సరం పదం మారుతుంది.

2023లో అత్యంత జనాదరణ పొందిన రెండు పదాలు ఆక్స్‌ఫర్డ్‌ డిక్షనరీలో చేర్చుతున్నట్టు ప్రకటించారు. గోబ్లిన్ మోడ్ గోబ్లిన్ అనేది యూరోపియన్ జానపద కథల నుండి వచ్చిన కల్పిత జీవి. ఇది కొంటెగా, గజిబిజిగా ఉంటుంది కాబట్టి సోమరితనం స్వయం తృప్తి కలిగిన వ్యక్తిని గురించి చెప్పాల్సి వస్తే గోబ్లిన్ మోడ్ అని చెబుతారు. మొట్టమొదట 2019లో యాస పదం ఎక్కువగా ఉపయోగించారు. అయితే కరోనా లాక్ డౌన్ సమయంలో చాలాకాలం పాటు ఇంటి లోపల ఉండి గోబ్లిన్ లాగా ఉండడాన్ని బట్టి గోబ్లిన్ అనే పదం ప్రాచుర్యంలోకి వచ్చింది. కేంబ్రిడ్జ్ నిఘంటువు హోమర్ హోమర్ అనేది హోమ్ రన్‌కు సంక్షిప్తంగా ఉంటుంది. అంటే ఒక ఆటగాడు బేస్‌బాల్‌లో బంతిని కొట్టడం, ఆ బంతిని తిరిగి తీసుకునే ముందు అన్ని బేసుల చుట్టూ పరిగెత్తడం, పాయింట్ స్కోర్ చేయడం, 2023లో కేంబ్రిడ్జి డిక్షనరీలో అత్యధికంగా శోధించబడిన పదాలలో హోమర్ ఒకటి. ఇది వర్దిల్ గేమ్‌లో గెలిచిన పదం ఒక్కరోజులోనే హోమర్ పదాన్ని 65 వేల సార్లు సెర్చ్ చేశారట.