1926 |
విధాత: గాల్లో రివ్వున దూసుకుపోయే విమానం ఎక్కాలంటే ఇప్పటికీ కొంతమందికి బెరుకే. అలాంటిది విమానం వచ్చిన తొలినాళ్లలో ఏకంగా గాల్లో ప్రయాణిస్తున్న ఒక విమానం (plane) నుంచి మరో విమానంపైకి మారాలంటే ఎంత ధైర్యం ఉండాలి? అలాంటి అరుదైన ఫీట్ చేసింది ఓ యువతి. అది ఎందుకనేది ఇంకా ఆసక్తికరం.
ప్రస్తుతం వైరల్ అవుతున్న వీడియోలో.. గాల్లో ఉన్న ఓ యుద్ధ విమానం ల్యాండింగ్ గేర్ (చక్రం) ఊడిపోగా..దానిని సరిచేయడానికి ఈ యువతిని పంపుతారు. తన నడుముకు కొత్త చక్రాన్ని బిగించి ఓ చిన్నపాటి విమానంలో గాల్లోకి తీసుకెళ్తారు. దాని రెక్కల మీద కాలు జారి పోకుండా నుంచుని ఉంటే.. పక్క నుంచి ల్యాండింగ్ గేర్ దెబ్బతిన్న విమానం వస్తుంది. మెల్లగా దాని రెక్కలపై ఎక్కి.. నడుచుకుంటూ ఆ ల్యాండింగ్ గేర్ దగ్గర ఉన్న రాడ్డుపై కూర్చుని ఊడి పోయిన టైర్ స్థానంలో కొత్త టైర్ను బిగించేస్తుంది.
అనంతరం ఆ విమానం ఎమర్జెన్సీ ల్యాండింగ్ అవుతుంది. 1926లో షూట్ చేసిన ఈ వీడియోను వరల్డ్ ఆఫ్ హిస్టరీ అనే ఎకౌంట్ ట్వీట్ చేసింది. దీనిపై యూజర్లు పలు విధాలుగా స్పందిస్తున్నారు. నేనైతే ఏ వయసులోనూ ఇలాంటి పని చేయలేనని పేర్కొనగా.. ఈమెకు ఎన్ని గుండెలో అని మరొకరు వ్యాఖ్యానించారు. మరి కొంతమంది ఇది కావాలని చేసిన విన్యాసమని అభిప్రాయపడ్డారు.
The brave woman who jumped from one plane to another in the air to changed the landing gear of the plane, 1926.pic.twitter.com/nqVJtM1EJq
— World Of History (@UmarBzv) July 7, 2023