విధాత: కాంగ్రెస్ నేత రాహుల్ గాంధీ (Rahul Gandhi)కి గుజరాత్‌లోని సూరత్ కోర్టులో చుక్కెదురైంది. 2019లో కర్ణాటకలో ఆయన మోదీ ఇంటి పేరు గలవారిపై చేసిన వ్యాఖ్యలకు సంబంధించిన కేసులో క్రింది కోర్టు తనకు రెండేళ్లు జైలుశిక్ష విధించడం సరికాదంటూ రాహుల్ గాంధీ దాఖలు చేసిన పిటిషన్‌ను సూరత్ సెషన్స్‌ కోర్టు తిరస్కరించింది.
Surat court dismisses Rahul Gandhi’s appeal for stay on conviction in defamation case
Read @ANI Story | https://t.co/wQmOw2wcvA#SuratCourt #RahulGandhi #Defamationcase pic.twitter.com/A1LP1maNKN
— ANI Digital (@ani_digital) April 20, 2023
కాగా.. ఈ కేసుపై ట్రయల్‌ కోర్టు పారదర్శకంగా విచారణ చేపట్టకుండా కఠినంగా వ్యవహరించిందని రాహుల్ అభ్యంతరం వ్యక్తం చేశారు. ఇది రెండేళ్లు జైలుశిక్ష విధించాల్సినంత పెద్ద కేసు కాదంటూ సెషన్స్‌ కోర్టును రాహుల్ ఆశ్రయించారు. శిక్షను నిలిపివేయాలని లేకపోతే తన పరువు, ప్రతిష్ఠకు నష్టం కలుగుతుందని అప్పీలు పిటిషన్ దాఖలు చేశారు. రాహుల్ పిటిషన్‌పై గత గురువారం వాదనలు విన్న న్యాయమూర్తి ఆర్‌పీ మొగేరా ఇవాళ తీర్పును వెలువరించారు.