BSNL | మీది బిఎస్​ఎన్​ఎల్​ మొబైలా..? అయితే జాగ్రత్త..!

బిఎస్​ఎన్​ఎల్​ మొబైల్​ చందాదారులను సైబర్​ నేరగాళ్లు ప్రస్తుతం లక్ష్యంగా చేసుకున్నారు. కేవైసీ అప్​డేట్​ లేకపోవడం వల్ల మీ కనెక్షన్​ను వెంటనే సస్పెండ్​ చేస్తున్నట్లు మెసేజ్​లు వస్తున్నాయి.

భారత ప్రభుత్వ రంగ బిఎస్​ఎన్​ఎల్​ మొబైల్​(BSNL Mobile subscribers) చందాదారులు కొంచెం జాగ్రత్తగా మసలుకోవాలని బిఎస్​ఎన్​ఎల్​ తన వినియోగదారులను ఒక ప్రకటనలో హెచ్చరించింది. వాట్సప్​ (Whatsapp)ద్వారా ఒక తప్పుడు నోటీస్​(Fake Notice)ను పంపుతూ, మోసగాళ్లు (Fraudsters)వినియోగదారులను తప్పుదోవ పట్టించి డబ్బులు దోచేస్తున్నారు. వారు వాట్సప్​లో పంపుతున్నమెసేజ్​ ఇలా ఉంటుంది. “మీ బిఎస్​ఎన్​ఎల్​ సిమ్​ కేవైసీని టెలికాం రెగ్యులేటరీ అథారిటీ ఆఫ్​ ఇండియా సస్పెండ్​ చేసింది. అందువల్ల మీకు మొబైల్​ సేవలు 24 గంటల్లోగో నిలిచిపోతాయి. వెంటనే ఈ నెంబర్​కు కాల్​ చేయండి”. (Your BSNL Sim KYC has been suspended by Telecom Regulatory Authority of India. Your Sim card will be blocked within 24 hours. Call immediately). ఆ మెసేజ్​ వస్తున్న నెంబర్​ 88220 76791. ఇది బిఎస్​ఎన్​ఎల్​ నెంబర్​ కాకపోవడం గమనార్హం.

ఈ నోటీస్​లో వెంటనే సంప్రదించాల్సిందిగా కేవైసీ ఎగ్జిక్యూటివ్​(KYC Executive) నెంబర్​ అని చెపుతూ, ఒక నెంబర్​ కూడా ఇస్తున్నారు. చందాదారులు ఆ నెంబర్​కు కాల్​ చేయగానే రకరకాలుగా భయపెడుతూ, మీ సిమ్​ను అన్​బ్లాక్​(Unblock) చేయడానికి కొంత సొమ్ము ఇమ్మని(Asks to make Payment) ఒత్తిడి తెస్తారు. వినియోగదారులు ఆ డబ్బులు పంపగానే అక్కడికి ఆ మోసం పూర్తవుతుంది.

నిజానికి ఇదంతా పూర్తిగా పచ్చి మోసం. బిఎస్​ఎన్​ఎల్​ ఎవరికీ ఎలాంటి నోటీసు పంపలేదు, పంపదు కూడా. డబ్బులు దోచుకోవడానికి సైబర్​ మోసగాళ్లు ఎంచుకున్న ఒకానొక మార్గం. ఈ విషయమై బిఎస్​ఎన్​ఎల్​ వినియోగదారులు మోసపోవద్దని, అటువంటి మెసేజ్​లకు స్పందించకూడదని బిఎస్​ఎన్​ఎల్​ ఒక ప్రకటనలో(BSNL issued an official warning to its users) తన చందాదారులను హెచ్చరించింది.

మరిన్నివార్తలకు ఇక్కడ చదవండి..

Calcutta trainee doctor murder case । వాడు మనిషి కాదు.. నరరూప రాక్షసుడు.. సున్నిత మనస్కులు ఈ వార్తను చదవొద్దు

ALSO READ : NASA | జాబిల్లిపై పరుగులు తీయనున్న రైళ్లు..! ప్రత్యేక టెక్నాలజీతో నడింపేందుకు ప్లాన్‌ చేసిన నాసా..!