హైదరాబాద్, సెప్టెంబర్ 27, 2025: తెలంగాణ ప్రభుత్వం భారీగా IAS, IPS అధికారుల బదిలీలు, పోస్టింగ్లు చేపట్టింది. ఈ ఉత్తర్వులు నిన్న, సెప్టెంబర్ 26న జారీ చేసారు. మొత్తం ఆరుగురు IAS, 23 మంది IPSలకు కొత్త బాధ్యతలు అప్పగించారు. ఈ బదిలీల్లో హైదరాబాద్ పోలీస్ కమిషనర్గా వీసీ సజ్జనార్, రాజన్న సిరిసిల్ల కలెక్టర్గా ఎం హరిత, ఇంటెలిజెన్స్ చీఫ్గా విజయ్ కుమార్ వంటి కీలక బదిలీలు జరిగాయి. ఈ మార్పులు ప్రభుత్వ విధానాల అమలు, చట్టవ్యవస్థలో మెరుగుదలకు దోహదపడతాయని ప్రభుత్వం పేర్కొంది.
సెప్టెంబర్ 26న రాత్రి జారీ చేసిన ఉత్తర్వుల ప్రకారం, హైదరాబాద్ సిటీ పోలీస్ కమిషనర్ సీవీ ఆనంద్ను హోం శాఖ ప్రత్యేక ప్రధాన కార్యదర్శిగా నియమించారు. ఆయన స్థానంలో TSRTC MDగా ఉన్న 1996 బ్యాచ్ IPS అధికారి వీసీ సజ్జనార్ సిటీ కమిషనర్గా వచ్చారు. సజ్జనార్ ఇంతకుముందు సైబరాబాద్ సీపీ, ఇంటెలిజెన్స్ విభాగంలో కీలక పాత్రలు పోషించారు. అలాగే, విజిలెన్స్ అండ్ ఎన్ఫోర్స్మెంట్ DGగా శిఖా గోయల్, ఇంటెలిజెన్స్ ADGPగా విజయ్ కుమార్, ఆర్టీసీ MDగా వై ఏ నాగిరెడ్డి వంటి నియామకాలు జరిగాయి.
IAS బదిలీలు: కీలక మార్పులు
తెలంగాణలో IAS బదిలీల్లో రాజన్న సిరిసిల్ల కలెక్టర్ సందీప్ కుమార్ ఝా, హైకోర్టు తీవ్ర విమర్శలకు గురైన తర్వాత ట్రాన్స్పోర్ట్, రోడ్స్ & బిల్డింగ్స్ శాఖకు ప్రత్యేక కార్యదర్శిగా బదిలీ అయ్యారు. ఆయన స్థానంలో 2013 బ్యాచ్ IAS ఎం హరితను సిరిసిల్ల కలెక్టర్ & DMగా నియమించారు. హరితకు అదనంగా ఫైనాన్స్ శాఖలో స్పెషల్ సెక్రటరీ బాధ్యతలు కూడా అప్పగించారు.
ఇతర IAS నియామకాలు:
- సయ్యద్ అలీ ముర్తుజా రిజ్వీ (1999 బ్యాచ్): కమర్షియల్ ట్యాక్స్ & ఎక్సైజ్ PSగా ఉండగా, జనరల్ అడ్మినిస్ట్రేషన్ PS (పోల్) FACగా.
- ఎం రఘునందన్ రావు (2002 బ్యాచ్): అగ్రికల్చర్ & కో-ఆపరేషన్ సెక్రటరీ నుంచి కమర్షియల్ ట్యాక్స్ కమిషనర్గా, అదనంగా ట్రాన్స్పోర్ట్ కమిషనర్ FAC.
- కే సురేంద్ర మోహన్ (2006 బ్యాచ్): ట్రాన్స్పోర్ట్ కమిషనర్ నుంచి అగ్రికల్చర్ & కో-ఆపరేషన్ సెక్రటరీగా, అదనంగా కో-ఆపరేషన్ కమిషనర్, మార్కెటింగ్ డైరెక్టర్ FACలు కొనసాగుతాయి.
సందీప్ కుమార్ ఝా (2014 బ్యాచ్): రాజన్న సిరిసిల్ల కలెక్టర్ నుంచి ట్రాన్స్పోర్ట్, రోడ్స్ & బిల్డింగ్స్ స్పెషల్ సెక్రటరీగా నియామకమయ్యారు. ఈ మార్పు హైకోర్టు ఆదేశాల ఉల్లంఘనలు, వివాదాల నేపథ్యంలో జరగడం గమనార్హం.
IPS బదిలీలు: పోలీస్ విభాగంలో భారీ మార్పులు
IPS బదిలీల్లో 23 మంది అధికారులకు కొత్త పోస్టింగులు. హైదరాబాద్ సీపీగా సజ్జనార్ నియామకం ప్రధాన ఆకర్షణ. సజ్జనార్ 1996 బ్యాచ్ అధికారి, ముందు సైబరాబాద్ సీపీ (2018-2021), TSRTC MD (2021 నుంచి)గా పనిచేశారు. 2019 ఎన్కౌంటర్ కేసుల్లో ప్రసిద్ధి చెందారు.
కీలక IPS నియామకాలు:
- సీవీ ఆనంద్ (1991 బ్యాచ్): హైదరాబాద్ సీపీ నుంచి హోం శాఖ స్పెషల్ చీఫ్ సెక్రటరీగా.
- శిఖా గోయల్ (1994 బ్యాచ్): సైబర్ సెక్యూరిటీ బ్యూరో డైరెక్టర్ నుంచి విజిలెన్స్ & ఎన్ఫోర్స్మెంట్ DG, జనరల్ అడ్మిన్ PSగా; సైబర్ FAC కొనసాగుతుంది.
- రవి గుప్తా (1990 బ్యాచ్): హోం స్పెషల్ చీఫ్ సెక్రటరీ నుంచి సెంటర్ ఫర్ గుడ్ గవర్నెన్స్ ఎగ్జిక్యూటివ్ వైస్ చైర్మన్ & DGగా.
- చారు సిన్హా (1996 బ్యాచ్): CID ADGP నుంచి ACB DG FACగా.
- అనిల్ కుమార్ (1996 బ్యాచ్): హోం గార్డ్స్ ADGP నుంచి గ్రేహౌండ్స్ & ఆక్టోపస్ ఆపరేషన్స్ ADGPగా.
- విజయ్ కుమార్ (1997 బ్యాచ్): ఇంటెలిజెన్స్ ADGPగా.
- వై ఏ నాగిరెడ్డి (1997 బ్యాచ్): ఫైర్ సర్వీసెస్ DG నుంచి TSRTC MDగా.
- విక్రమ్ సింగ్ మాన్ (1998 బ్యాచ్): హైదరాబాద్ లా అండ్ ఆర్డర్ అదనపు సీపీ నుంచి ఫైర్ సర్వీసెస్ DGగా.
- ఎం స్టీఫెన్ రవీంద్ర (1999 బ్యాచ్): గ్రేహౌండ్స్ ADGP నుంచి సివిల్ సప్లైస్ కమిషనర్ & CAFCS PSగా.
- ఎం శ్రీనివాసులు (2006 బ్యాచ్): CID IG నుంచి హైదరాబాద్ క్రైమ్స్ అదనపు సీపీగా.
- తస్ఫీర్ ఇక్బాల్ (2008 బ్యాచ్): చార్మినార్ జోన్ DIG నుంచి హైదరాబాద్ లా అండ్ ఆర్డర్ జాయింట్ సీపీగా.
- ఎస్ఎం విజయ్ కుమార్ (2012 బ్యాచ్): వెస్ట్ జోన్ DCP నుంచి సిద్దిపేట సీపీగా.
- జీ వినీత్ (2017 బ్యాచ్): మధాపూర్ DCP నుంచి నారాయణపేట SPగా.
- బి అనురాధ (2017 బ్యాచ్): వెస్ట్ జోన్ DCP నుంచి రాచకొండ LB నగర్ జోన్ DCPగా.
- చి ప్రవీణ్ కుమార్ (2017 బ్యాచ్): రాచకొండ LB నగర్ DCP నుంచి ACB జాయింట్ డైరెక్టర్గా.
- యోగేష్ గౌతం (2018 బ్యాచ్): నారాయణపేట SP నుంచి సైబరాబాద్ రాజేంద్రనగర్ DCPగా.
- చి శ్రీనివాస్ (2018 బ్యాచ్): రాజేంద్రనగర్ DCP నుంచి హైదరాబాద్ వెస్ట్ జోన్ DCPగా.
- రితిరాజ్ (2018 బ్యాచ్): ACB జాయింట్ డైరెక్టర్ నుంచి మధాపూర్ DCPగా.
- సింధు శర్మ (2014 బ్యాచ్): ఇంటెలిజెన్స్ SP నుంచి ACB జాయింట్ డైరెక్టర్గా.
ఈ బదిలీలతో పోలీస్ వివిధ విభాగాల్లో కొత్త నాయకత్వం ఏర్పడింది.
ప్రతిపక్షాల విమర్శలు: ఎన్నికల దిశగా ఎంపికలు?
స్థానిక సంస్థల ఎన్నికలు దగ్గర్లో ఈ బదిలీలు జరగటంతో BRS, BJP నుంచి కాంగ్రెస్ ప్రభుత్వంపై ఆరోపణలు వస్తున్నాయి. ప్రభుత్వ అనుకూల అధికారులతో ఎన్నికల్లో మోసం చేయాలన్న ఆలోచనతోనే ఈ బదిలీలంటూ అని ప్రతిపక్ష నాయకులు విమర్శిస్తున్నారు. అయితే, ముఖ్యమంత్రి రేవంత్ రెడ్డి అధికారుల సామర్థ్యం, పటిష్టమైన విధానాల అమలుకే ఈ మార్పులని స్పష్టం చేశారు.
ఈ బదిలీలు చట్టవ్యవస్థ, వ్యవసాయం, రవాణా విభాగాల్లో కొత్త ఊపు తీసుకొస్తుందని నిపుణులు అంచనా. హైదరాబాద్లో క్రైమ్ కంట్రోల్, సైబర్ సెక్యూరిటీలో మరింత శ్రద్ధ పెరిగే అవకాశం.
మరిన్ని అప్డేట్స్ కోసం vidhaatha.com ను ఫాలో చేయండి.