ఫ్లాష్ ఫ్లాష్‌: కైకాల సత్యనారాయణ పరిస్థితి విషమం.. హెల్త్ బులెటిన్ విడుదల

విధాత‌: కైకాల సత్యనారాయణ (88) ఆరోగ్య పరిస్థితి విషమంగా ఉందని అపోలో వైద్యులు వెళ్ల‌డించారు మల్టీ ఆర్గాన్స్ ఫెయిల్ అయ్యాయని చికిత్సకు ఆశించినంత మేర స్పందించడం లేదని స్ప‌ష్టం చేశారు. రెస్పిరేటరీపై ఉంచామ‌న్నారు. నెల రోజులుగా ట్రీట్మెంట్ ఇస్తున్నా గ్రోత్ లేదని.. సికింద్రాబాద్ నుంచి నిన్న ఉదయం జూబ్లీహిల్స్ అపోలోకి మార్చారు. దీంతో టాలీవుడ్ లో ఆందోళన నెలకొంది. కైకాల సత్యనారాయణ త్వ‌ర‌గా కోలుకోవాలని పలువురు నటీనటులు, అభిమానులు కోరుకుంటున్నారు. అయితే గత కొన్ని రోజుల క్రితం […]

విధాత‌: కైకాల సత్యనారాయణ (88) ఆరోగ్య పరిస్థితి విషమంగా ఉందని అపోలో వైద్యులు వెళ్ల‌డించారు మల్టీ ఆర్గాన్స్ ఫెయిల్ అయ్యాయని చికిత్సకు ఆశించినంత మేర స్పందించడం లేదని స్ప‌ష్టం చేశారు. రెస్పిరేటరీపై ఉంచామ‌న్నారు. నెల రోజులుగా ట్రీట్మెంట్ ఇస్తున్నా గ్రోత్ లేదని.. సికింద్రాబాద్ నుంచి నిన్న ఉదయం జూబ్లీహిల్స్ అపోలోకి మార్చారు.

దీంతో టాలీవుడ్ లో ఆందోళన నెలకొంది. కైకాల సత్యనారాయణ త్వ‌ర‌గా కోలుకోవాలని పలువురు నటీనటులు, అభిమానులు కోరుకుంటున్నారు. అయితే గత కొన్ని రోజుల క్రితం సత్యనారాయణ ఇంట్లో కాలు జారిపడగా… సికింద్రాబాద్ లోని ఓ ప్రైవేట్ ఆస్పత్రిలో చికిత్స తీసుకున్న సంగతి తెలిసిందే.

1959 లో సిపాయి కూతురు సినిమాతో వెండి తెరపై అడుగు పెట్టారు కైకాల సత్యనారాయణ. హీరో, విలన్, క్యారెక్టర్ ఆర్టిస్టు ఇలా ఏ పాత్రలో నటించినా ఆ పాత్రకు జీవం పోసి.. నవరస నట సార్వభౌమగా తెలుగు చలనచిత్ర పరిశ్రమలో ఖ్యాతిగాంచారు. తనదైన నటనలో అభిమానులను అలరించడమే కాదు.. తెలుగు సినీ పరిశ్రమలో తనకంటూ ఓ పేజీని లిఖించుకున్నారు.

గత 60 ఏండ్లుగా సినీ రంగంలో ఉన్న కైకాల గత కొంతకాలం క్రితం వరకూ తండ్రి, తాత పాత్రలను పోషించారు. సుదీర్ఘ సినీ కెరీర్ లో సుమారు 777 సినిమాల్లో వివిధ పాత్రల్లో నటించారు.ఇంకా చెప్పాలంటే తెలుగు చలన చిత్ర పరిశ్రమలో ఎస్వీఆర్ తర్వాత ఆ రేంజ్ లో వైవిధ్య పాత్రల్లో నటించింది ఒక్క కైకాల మాత్రమే.. పౌరాణిక, సాంఘిక, చారిత్రక, జానపద చిత్రాల్లో హాస్య, విలన్, హీరో గా నటించిన కైకాల సత్యనారాయణ కాలక్రమంలో నేటి తరానికి తండ్రి, తాత పాత్రల్లో కూడా నటించారు.

అప్పట్లో ఎన్టీఆర్ హీరోగా ద్విపాత్రాభినయం చేస్తే.. అందులో ఒక పాత్రలో సత్యనారాయణ నటించేవారు. ఎన్టీఆర్ కు కైకా ల సత్యానారాయణకు మంచి అనుబంధం ఉండేదని పలుమార్లు సత్యనారాయణ గుర్తు చేసుకున్నారు. కృష్ణా జిల్లా గుడ్ల వల్లేరు మండలం కౌతరం గ్రామంలో 1935 జూలై 25న కైకాల జన్మించారు. 1960లో సత్యనారాయణ నాగేశ్వరమ్మని పెళ్లి చేసుకున్నారు. ఈ దంపతులకు ఇద్దరు కూతుళ్ళు, ఇద్దరు కొడుకులు.