Trisha-Nayan | త్రిష – నయనతార కోల్డ్ వార్ ముగిసిందా .. వారి ఆస్తులు గురించి తెలిస్తే ఆశ్చ‌ర్య‌పోవ‌ల్సిందే..!

Trisha-Nayan | సౌత్ సినీ ఇండస్ట్రీలో అత్యధిక క్రేజ్ కలిగిన హీరోయిన్లలో త్రిష కృష్ణన్ మరియు నయనతార పేర్లు ఎప్పటికీ ముందుంటాయి. దాదాపు రెండు దశాబ్దాలుగా వరుస హిట్ చిత్రాలతో ప్రేక్షకులను అలరిస్తున్న ఈ ఇద్దరు స్టార్ నటీమణులు నాలుగు పదుల వయసులోనూ అదే జోరుతో సినిమాలు చేస్తూ దూసుకుపోతున్నారు.

Trisha-Nayan | సౌత్ సినీ ఇండస్ట్రీలో అత్యధిక క్రేజ్ కలిగిన హీరోయిన్లలో త్రిష కృష్ణన్ మరియు నయనతార పేర్లు ఎప్పటికీ ముందుంటాయి. దాదాపు రెండు దశాబ్దాలుగా వరుస హిట్ చిత్రాలతో ప్రేక్షకులను అలరిస్తున్న ఈ ఇద్దరు స్టార్ నటీమణులు నాలుగు పదుల వయసులోనూ అదే జోరుతో సినిమాలు చేస్తూ దూసుకుపోతున్నారు. అయితే గత కొంతకాలంగా వీరిద్దరి మధ్య కోల్డ్ వార్ నడుస్తోందన్న ప్రచారం జోరుగా సాగింది.ఇటీవల ఆ ప్రచారాలకు చెక్ పడేలా ఇద్దరూ కలిసి వెకేషన్ ఎంజాయ్ చేసిన ఫోటోలు సోషల్ మీడియాలో వైరల్ కావడం విశేషం. ఈ ఫోటోలతో వారి మధ్య ఎలాంటి మనస్పర్థలు లేవని అభిమానులు భావిస్తున్నారు. దీంతో త్రిష, నయనతారల వ్యక్తిగత జీవితం, సినీ ప్రయాణం, ఆస్తులు వంటి విషయాలపై నెటిజన్స్ ఆసక్తి పెంచుకున్నారు.

త్రిష కృష్ణన్ సినీ ప్రయాణం

మే 4, 1983న చెన్నైలో జన్మించిన త్రిష, చిన్నప్పటి నుంచే చదువులోనూ, కళలలోనూ రాణించింది. సేక్రెడ్ హార్ట్ స్కూల్‌లో చదివిన ఆమె, ఎథిరాజ్ కాలేజ్ ఫర్ ఉమెన్ నుంచి BBA గ్రాడ్యుయేషన్ పూర్తి చేసింది. కాలేజీ రోజులలోనే మోడలింగ్ రంగంలో అడుగుపెట్టి అనేక ప్రకటనల్లో నటించింది. 1999లో మిస్ మద్రాస్ టైటిల్ గెలుచుకున్న త్రిష, అదే ఏడాది ‘జోడి’ సినిమాలో చిన్న పాత్రలో కనిపించింది. 2002లో వచ్చిన “మౌనం పేసియాదే” చిత్రంతో హీరోయిన్‌గా పరిచయమై, తెలుగులో “వర్షం” సినిమాతో భారీ విజయాన్ని అందుకుంది. తెలుగు, తమిళ, కన్నడ భాషల్లో వరుస హిట్స్ అందుకుంటూ స్టార్ హీరోయిన్‌గా నిలిచింది.

కొంతకాలం విరామం తర్వాత “పొన్నియన్ సెల్వన్” చిత్రంతో సాలిడ్ రీఎంట్రీ ఇచ్చిన త్రిష మళ్లీ బిజీగా మారింది. 20 ఏళ్ల కెరీర్‌లో 50కి పైగా చిత్రాల్లో నటించిన ఆమె, ఒక్కో సినిమాకు సుమారు రూ.5 కోట్ల వరకు పారితోషికం తీసుకుంటున్నట్టు సమాచారం. బ్రాండ్ ఎండార్స్‌మెంట్స్ ద్వారా కూడా మంచి ఆదాయం పొందుతోంది. రియల్ ఎస్టేట్ పెట్టుబడులు, లగ్జరీ కార్లు కలిపి ఆమె ఆస్తులు రూ.80–85 కోట్ల మధ్య ఉన్నట్టు సినీ వర్గాల అంచనా.

నయనతార స్టార్‌డమ్

డయానా మరియం కురియన్ అనే అసలు పేరుతో నవంబర్ 18, 1984న బెంగళూరులో జన్మించిన నయనతార, ఆంగ్ల సాహిత్యంలో పట్టా పొందింది. 2003లో మలయాళ చిత్రం “మనస్సినక్కరే” తో సినీరంగ ప్రవేశం చేసి, ఆ తర్వాత తమిళం, తెలుగు చిత్రాల్లో వరుస అవకాశాలు అందుకుంది. తన నటనతో త్వరగానే “లేడీ సూపర్ స్టార్” గా పేరు సంపాదించింది.

75కి పైగా చిత్రాల్లో నటించిన నయనతార, 2023లో “జవాన్” సినిమాతో బాలీవుడ్‌లోకి అడుగుపెట్టింది. ఒక్కో చిత్రానికి సుమారు రూ.10 కోట్ల వరకు రెమ్యూనరేషన్ తీసుకుంటోందని సమాచారం. 2021లో భర్త విఘ్నేష్ శివన్తో కలిసి “రౌడీ పిక్చర్స్” అనే నిర్మాణ సంస్థను ప్రారంభించింది. సినిమా నిర్మాణంతో పాటు స్కిన్, కాస్మోటిక్స్ వ్యాపారాల్లోనూ పెట్టుబడులు పెట్టింది. వివిధ ఆస్తులు, లగ్జరీ వాహనాలు, వ్యాపారాల విలువ కలిపి ఆమె సంపద రూ.200 కోట్లకు పైగానే ఉందని టాక్.

అభిమానుల్లో కొత్త చర్చ

ఇటీవలి వెకేషన్ ఫోటోలతో త్రిష–నయనతారల మధ్య ఉన్నదనుకున్న విభేదాలపై ఫుల్ స్టాప్ పడినట్టే కనిపిస్తోంది. రెండు దశాబ్దాలుగా ఇండస్ట్రీలో టాప్ హీరోయిన్లుగా నిలిచిన ఈ ఇద్దరూ వ్యక్తిగతంగా కూడా స్నేహంగా ఉండటం అభిమానులను ఆనందానికి గురిచేస్తోంది. ఇప్పుడు వారి కొత్త సినిమాల కోసం ఫ్యాన్స్ ఆసక్తిగా ఎదురుచూస్తున్నారు.