Dhurandhar 2 | ‘ధురంధర్ 2’ కలెక్షన్ల సునామీ .. మూడు గంటల నాన్సెన్స్ సినిమా అంటూ ఓవైసీ కామెంట్

Dhurandhar 2 | బాలీవుడ్ ఎనర్జిటిక్ స్టార్ రణ్‌వీర్ సింగ్, ప్రతిభావంతుడైన దర్శకుడు ఆదిత్య ధర్ కాంబినేషన్‌లో తెరకెక్కిన ధురంధర్ 2 బాక్సాఫీస్ వద్ద కలెక్షన్ల తుఫాన్ సృష్టిస్తోంది. మార్చి 19న విడుదలైన ఈ చిత్రం, కేవలం 8–9 రోజుల్లోనే ప్రపంచవ్యాప్తంగా రూ.1100 కోట్లకు పైగా గ్రాస్ వసూళ్లు సాధించి ట్రేడ్ వర్గాలను ఆశ్చర్యానికి గురిచేస్తోంది.

Dhurandhar 2 | బాలీవుడ్ ఎనర్జిటిక్ స్టార్ రణ్‌వీర్ సింగ్, ప్రతిభావంతుడైన దర్శకుడు ఆదిత్య ధర్ కాంబినేషన్‌లో తెరకెక్కిన ధురంధర్ 2 బాక్సాఫీస్ వద్ద కలెక్షన్ల తుఫాన్ సృష్టిస్తోంది. మార్చి 19న విడుదలైన ఈ చిత్రం, కేవలం 8–9 రోజుల్లోనే ప్రపంచవ్యాప్తంగా రూ.1100 కోట్లకు పైగా గ్రాస్ వసూళ్లు సాధించి ట్రేడ్ వర్గాలను ఆశ్చర్యానికి గురిచేస్తోంది.

రెండో వారంలోకి అడుగుపెట్టినప్పటికీ, థియేటర్ల వద్ద ప్రేక్షకుల సందడి ఏమాత్రం తగ్గలేదు. దేశవ్యాప్తంగా అనేక సెంటర్లలో ఇప్పటికీ ‘హౌస్‌ఫుల్’ బోర్డులు కనిపించడం ఈ సినిమా క్రేజ్‌కు నిదర్శనం. గతంలో భారీ విజయాలు సాధించిన జవాన్, పఠాన్ చిత్రాల రికార్డులను ఇప్పటికే అధిగమించిన ఈ మూవీ, ఇప్పుడు బాహుబలి 2: ది కన్క్లూజన్, పుష్ప 2: ది రూల్ వంటి భారతీయ సినీ గర్వకారణాల లైఫ్‌టైమ్ కలెక్షన్లను లక్ష్యంగా పెట్టుకుని దూసుకెళ్తోంది.

హిందీ వ‌ర్షెన్‌లోనే రూ.700 కోట్లు

ప్రస్తుత వేగం చూస్తుంటే ఈ చిత్రం త్వరలోనే రూ.2000 కోట్ల క్లబ్‌లో చేరే అవకాశం ఉందని ట్రేడ్ విశ్లేషకులు అంచనా వేస్తున్నారు. ఇప్పటికే హిందీ వెర్షన్‌లోనే రూ.700 కోట్లకు పైగా వసూళ్లు రాబట్టగా, తెలుగు రాష్ట్రాల్లో రోజుకు సుమారు రూ.2.5 కోట్ల కలెక్షన్లతో స్థిరంగా కొనసాగుతోంది.

ఈ సినిమాలో జస్కీరత్ సింగ్ రంగీ అలియాస్ హమ్జా అనే గూఢచారి పాత్రలో రణ్‌వీర్ సింగ్ తన ఎనర్జిటిక్ నటనతో ప్రేక్షకులను ఆకట్టుకుంటున్నారు. ఆదిత్య ధర్ టేకింగ్, యాక్షన్ ఎలిమెంట్స్ ప్రేక్షకులను సీట్ల అంచున కూర్చోబెడుతున్నాయి.

తీవ్ర విమ‌ర్శ‌లు..

ఇక ఒకవైపు కలెక్షన్ల వర్షం కురుస్తుంటే, మరోవైపు ఈ చిత్రం రాజకీయ వివాదాలకు కూడా కేంద్రంగా మారింది. హైదరాబాద్ ఎంపీ, అసదుద్దీన్ ఒవైసీ ఈ సినిమాపై తీవ్ర విమర్శలు చేశారు. ఈ చిత్రాన్ని “మూడు గంటల నాన్సెన్స్”గా అభివర్ణిస్తూ, సినిమాలో మితిమీరిన హింస, అభ్యంతరకర అంశాలపై ఆయన అభ్యంతరం వ్యక్తం చేశారు. ముఖ్యంగా కొన్ని వర్గాల ప్రతిరూపాన్ని చూపించిన తీరు సరైనది కాదని ఆయన వ్యాఖ్యానించారు.

ఇండియన్ పార్లమెంట్ దాడి, ముంబై దాడుల వంటి వాస్తవ సంఘటనల ప్రేరణతో తెరకెక్కిన ఈ చిత్రంలో ఆర్. మాధవన్, అర్జున్ రాంపాల్, సంజయ్ దత్ వంటి ప్రముఖులు కీలక పాత్రలు పోషించారు. విమర్శలు, వివాదాలు ఉన్నప్పటికీ, ‘ధురంధర్ 2’ మాత్రం బాక్సాఫీస్ వద్ద తన దూకుడు తగ్గించకుండా 2026లో అత్యధిక వసూళ్లు సాధించిన చిత్రంగా నిలిచే దిశగా పయనిస్తోంది. లాంగ్ రన్‌లో భారతీయ సినీ చరిత్రలోనే అత్యధిక కలెక్షన్లు సాధించే చిత్రంగా నిలిచే అవకాశాలు ఉన్నాయని ట్రేడ్ వర్గాలు భావిస్తున్నాయి.