విధాత: మతిమరుపు (Forgetfulness), జ్ఞాపకశక్తి క్రమంగా తగ్గిపోవడాన్నే డిమెన్షియా అంటాం. వయసు పెరుగుతున్న కొద్దీ ఇది సర్వసాధారణంగా కనిపిస్తుంటుంది. అల్జీమర్స్ వ్యాధి రావడానికి కూడా ఇది సూచనే. అల్జీమర్స్ వచ్చినట్టయితే నెమ్మది నెమ్మదిగా చాలా చిన్న విషయాలు కూడా మర్చిపోతుంటారు. అల్జీమర్స్ వల్ల మెమరీ తగ్గిపోవడమే కాకుండా ఇతరత్రా మెదడు పనితీరు కూడా కుంటుపడవచ్చు. చివరికి రోజువారీ జీవితంలో పనుల విషయంలో కూడా కుటుంబ సభ్యులపై ఆధారపడే స్థితికి వస్తారు. మొహం కడుక్కోవడం, స్నానం చేయడం, దుస్తులు […]
విధాత: మతిమరుపు (Forgetfulness), జ్ఞాపకశక్తి క్రమంగా తగ్గిపోవడాన్నే డిమెన్షియా అంటాం. వయసు పెరుగుతున్న కొద్దీ ఇది సర్వసాధారణంగా కనిపిస్తుంటుంది. అల్జీమర్స్ వ్యాధి రావడానికి కూడా ఇది సూచనే. అల్జీమర్స్ వచ్చినట్టయితే నెమ్మది నెమ్మదిగా చాలా చిన్న విషయాలు కూడా మర్చిపోతుంటారు. అల్జీమర్స్ వల్ల మెమరీ తగ్గిపోవడమే కాకుండా ఇతరత్రా మెదడు పనితీరు కూడా కుంటుపడవచ్చు. చివరికి రోజువారీ జీవితంలో పనుల విషయంలో కూడా కుటుంబ సభ్యులపై ఆధారపడే స్థితికి వస్తారు.
మొహం కడుక్కోవడం, స్నానం చేయడం, దుస్తులు ధరించడం, అటూ ఇటూ నడవడం, ఫ్రెండ్స్ ని కలవడం వంటి పనులకు కూడా ఎవరో ఒకరి సహాయం కావాల్సి వస్తుంది. అల్జీమర్స్ కి ఇప్పటివరకూ పూర్తి చికిత్స ఏమీ లేదు. కొంతవరకు దీన్ని నివారించడం సాధ్యమవుతుంది. మన జీవనశైలిలో మార్పులు చేసుకోవడం ద్వారా డిమెన్షియా రిస్క్ తగ్గించవచ్చు. డిమెన్షియా, అల్జీమర్స్ వ్యాధి నివారణకు ప్రముఖ న్యూరాలజిస్ట్ డాక్టర్ సుధీర్ కుమార్ అందిస్తున్న సూచనలు.
ఇది న్యూరో టాక్సిక్.. బ్రెయిన్ కి విషం లాంటిది. అందుకే మెదడు ఆరోగ్యంగా ఉంచుకోవాలంటే మద్యానికి దూరంగా ఉండండి. ఆల్కహాల్ మాత్రమే కాదు.. పొగ తాగడం కూడా మెదడును దెబ్బతీసే వ్యసనమే. స్మోకింగ్ వల్ల ఊపిరితిత్తులే కాదు.. శరీరంలోని అన్ని అవయవాలూ దెబ్బతింటాయి. మెదడు ప్రభావితం అయి, డిమెన్షియా రిస్కు పెరుగుతుంది. అందుకే పొగతాగడం వెంటనే మానేయండి. కొత్తగా అలవాట్లు చేసుకోకండి.