Jamun Fruit | నేరేడు పండ్లు గుండెకు ఔషధం..! మరి గర్భిణులు తినొచ్చా..?
Jamun Fruit | ప్రతి ఒక్కరూ సంపూర్ణ ఆరోగ్యంగా ఉండాలంటే.. ప్రకృతి సిద్ధంగా లభించే పండ్లు, కూరగాయలు తప్పనిసరిగా తినాల్సిందే. అయితే ప్రకృతిలో సహజంగా లభించే పండ్లలో అల్ల నేరేడు పండు ఒకటి. ఇప్పుడు మార్కెట్లో, రోడ్లపై ఎక్కడ చూసినా ఆ పండ్లే దర్శనమిస్తున్నాయి. కొంచెం నలుపు రంగులో ఉండే నేరేడు పండ్లు నిగనిగలాడుతూ.. మనల్ని ఆకర్షిస్తుంటాయి. ఇంకేముంది ఆ పండ్లను కొనుక్కొని ఆరగించేస్తుంటాం.. అయితే ఈ పండులో అనేక పోషకాలు ఉన్నాయి. గుండె, మెదడు పనితీరుకు […]
Jamun Fruit | ప్రతి ఒక్కరూ సంపూర్ణ ఆరోగ్యంగా ఉండాలంటే.. ప్రకృతి సిద్ధంగా లభించే పండ్లు, కూరగాయలు తప్పనిసరిగా తినాల్సిందే. అయితే ప్రకృతిలో సహజంగా లభించే పండ్లలో అల్ల నేరేడు పండు ఒకటి. ఇప్పుడు మార్కెట్లో, రోడ్లపై ఎక్కడ చూసినా ఆ పండ్లే దర్శనమిస్తున్నాయి. కొంచెం నలుపు రంగులో ఉండే నేరేడు పండ్లు నిగనిగలాడుతూ.. మనల్ని ఆకర్షిస్తుంటాయి. ఇంకేముంది ఆ పండ్లను కొనుక్కొని ఆరగించేస్తుంటాం.. అయితే ఈ పండులో అనేక పోషకాలు ఉన్నాయి. గుండె, మెదడు పనితీరుకు చక్కటి ఔషధంగా పని చేస్తుంది. కొన్ని రకాల రోగాలను నియంత్రించే శక్తి నేరేడు పండు సొంతం.. పండే కాదు.. ఆ ఆకులు, బెరడు కూడా ఎంతో మేలు చేస్తాయి. అల్ల నేరేడు పండు వల్ల కలిగే లాభాలు, నష్టాలు ఏంటో తెలుసుకుందాం..
లాభాలు..
నేరేడు పండ్లు శరీరానికి చలువను ఇస్తాయి.
దీర్ఘకాలిక వ్యాధులతో బాధపడేవారు ఈ పండ్లను తినడం వల్ల రోగ నిరోధక శక్తి పెరుగుతుంది.
మూత్ర సంబంధ సమస్యల నుంచి ఉపశమనాన్ని కలిగిస్తుంది.
కడుపులో పేరుకుపోయిన మలినాలను బయటకు పంపేందుకు ఎంతో దోహదం చేస్తాయి.
కాలేయం పనితీరు మెరుగవుతుంది.
మెదడుకు, గుండెకు మంచి ఔషధంగా పని చేస్తాయి.
నీరసంతో బాధపడే వారు ఈ పండ్లు తినడంతో తక్షణమే శక్తి వస్తుంది.
వెన్ను నొప్పి, నడుం నొప్పి, మోకాళ్ల నొప్పులు నయం అయ్యే అవకాశం ఉంది.
నేరేడు పండును రోజుకొకటి చొప్పున తింటే వైద్యుల నుంచి దూరంగా ఉండవచ్చునని నిపుణులు చెబుతున్నారు.
నష్టాలు..
నేరేడు పండ్లను ఖాళీ కడుపుతో అస్సలు తినకూడదు.
అతిగా తినడం వల్ల శ్వాస సమస్యలు సంభవిస్తాయి.
శరీరంలో వాత దోషాన్ని తీవ్రతరం చేస్తాయి.
గర్భిణులు, పాలిచ్చే తల్లులు డాక్టర్ సలహా లేకుండా నేరేడు తినడం మంచిది కాదు.
నేరేడు పండ్లు తిన్నప్పుడు వాంతులు, వికారం వంటి సమస్యలు ఎదురవుతుంటాయి. అలాంటివాళ్లు కూడా దూరంగా ఉండాలి.