Guduru Narayana Reddy | రేరా నియామకాలలో అర్హత లేని వారికి అందలం: నారాయణ రెడ్డి

Guduru Narayana Reddy | ఇలాంటి నియామకాలతో ప్రజలకు భారీ నష్టం.. ఇది బి.ఆర్.ఎస్ ప్రభావానికి లొంగిపోయే అథారిటీ జనానికి న్యాయం చేసే విదంగా రేరా ఉండాలి.. బీజేపీ రాష్ట్ర నాయకులు గూడూరు. విధాత: తెలంగాణ రియల్ ఎస్టేట్ రెగ్యులేటరీ అథారిటీ (టిఎస్ రెరా) చైర్మన్‌గా సీఎం కేసీఆర్ అర్హత లేని వ్యక్తిని నియమించడాన్ని బీజేపీ నేత, రాష్ట్ర కార్యవర్గ సభ్యులు గూడూరు నారాయణ రెడ్డి తప్పుబట్టారు. రేరా చైర్మన్‌గా నియమించేందుకు రెరా చట్టం, 2016 నిర్దేశించిన […]

Guduru Narayana Reddy |

• ఇలాంటి నియామకాలతో ప్రజలకు భారీ నష్టం..
• ఇది బి.ఆర్.ఎస్ ప్రభావానికి లొంగిపోయే అథారిటీ
• జనానికి న్యాయం చేసే విదంగా రేరా ఉండాలి..
• బీజేపీ రాష్ట్ర నాయకులు గూడూరు.

విధాత: తెలంగాణ రియల్ ఎస్టేట్ రెగ్యులేటరీ అథారిటీ (టిఎస్ రెరా) చైర్మన్‌గా సీఎం కేసీఆర్ అర్హత లేని వ్యక్తిని నియమించడాన్ని బీజేపీ నేత, రాష్ట్ర కార్యవర్గ సభ్యులు గూడూరు నారాయణ రెడ్డి తప్పుబట్టారు. రేరా చైర్మన్‌గా నియమించేందుకు రెరా చట్టం, 2016 నిర్దేశించిన నిబంధనలను రాష్ట్ర ప్రభుత్వం ఉల్లంఘించిందని ఆయన ఆదివారం నాడు విడుదల చేసిన ఒక ప్రకటనలో ఆరోపించారు.

రేరా చట్టం ప్రకారం, రాష్ట్ర ప్రభుత్వ కార్యదర్శి లేదా కేంద్ర ప్రభుత్వ అదనపు కార్యదర్శి లేదా కేంద్ర ప్రభుత్వంలో ఏదైనా సమానమైన పదవిని కలిగి ఉంటే తప్ప, చైర్‌పర్సన్‌గా నియమించరాదని. లేదా అదే విధంగా, రాష్ట్ర ప్రభుత్వ కార్యదర్శి పదవిని లేదా రాష్ట్ర ప్రభుత్వం లేదా కేంద్రాలలో ఏదైనా సమానమైన పదవిని కలిగి ఉంటే తప్ప, సభ్యులుగా నియమించబడరాదని నిబంధన ఉన్నదని ఆయన అన్నారు.

కేంద్ర ప్రభుత్వంలో అదనపు కార్యదర్శి లేదా రాష్ట్ర ప్రభుత్వంలో సమానమైన పదవి లేదా కేంద్రంలో రాష్ట్ర ప్రభుత్వ కార్యదర్శి పదవిలో ఉన్న వ్యక్తిని రాష్ట్ర రెరా ఛైర్మన్‌గా నియమించాలని చట్టంలో ఉన్నదని ఆయన పేర్కొన్నారు. అయితే, రెరా చట్టం, 2016 నిబంధనలను ఉల్లంఘిస్తూ రాష్ట్ర ప్రభుత్వంలో సంయుక్త కార్యదర్శిగా పని చేసిన ఎన్ సత్యనారాయణను టీఎస్ రెరా చైర్మన్‌గా రాష్ట్ర ప్రభుత్వం నియమించిందని అర్హత లేని, అసమర్థ వ్యక్తిని రెరా ఛైర్మన్ గా నియమించి రాష్ట్ర ప్రభుత్వం ఆ సంస్థను నామమాత్రంగా మార్చేసిందన్నారు.

ప్రస్తుత చైర్మన్‌ను బీఆర్‌ఎస్ నేతలు సువువుగా ప్రభావితం చేస్తారని, హైదరాబాద్ మరియు చుట్టుపక్కల రియల్ ఎస్టేట్ వ్యాపారాన్ని నియంత్రించడంలో ప్రస్తుత ఛైర్మన్ స్వతంత్రంగా వ్యవహరించలేరని ఆయన అన్నారు. రియల్ ఎస్టేట్ వ్యాపారం కొన్ని సందర్భాల్లో మాఫియా కార్యకలాపాలు లాంటిదని, వాటిని ఎదుర్కోవడానికి సమర్థవంతమైన చైర్మన్, సభ్యులతో కూడిన పటిష్టమైన రెగ్యులేటరీ అథారిటీ అవసరమని ఆయన అన్నారు.

అనర్హులను నియమించడం ద్వారా రాష్ట్ర ప్రభుత్వం TSRERA అధికారాన్ని తగ్గించిందని ఆయన అన్నారు. దీంతో గృహ కొనుగోలుదారుల ప్రయోజనాలను కాపాడాలనే లక్ష్యంతో రాజీ పడినట్లు అయిందని ఆయన ఆరోపించారు. హైదరాబాద్‌తో పాటు చుట్టుపక్కల ప్రాంతాల్లో ఏటా వందలాది రియల్‌ ఎస్టేట్‌ వెంచర్లు ప్రారంభం అవుతాయని గూడూరు చెప్పారు. కొంత మంది డెవలపర్లు రియల్ ఎస్టేట్ వ్యాపారం ద్వారా డబ్బు సంపాదించడానికి అడ్డగోలుగా వ్యవహరిస్తారని అన్నారు. ఇల్లు మరియు ప్లాట్ కొనుగోలుదారులు ప్రీ-లాంచ్ ఆఫర్‌లు మరియు ఇతరుల పేరుతో మోసగించబడ్డారని అన్నారు.

మోసపూరిత డెవలపర్ల చేతుల్లో వేలాది మంది ప్రజలు వందల కోట్ల రూపాయలను కోల్పోయారు. దీంతో హైదరాబాద్‌లోని రియల్‌ ఎస్టేట్‌ వ్యాపారానికి చెడ్డ పేరు వచ్చిందని అందువల్ల TSRERA యొక్క ఛైర్మన్‌గా అర్హతగల మరియు సమర్థవంతమైన వ్యక్తిని నియమించాల్సిన అవసరం ఉందని తద్వారా వ్యాపారంలో మోసాలను మొగ్గలోనే తొలగించవచ్చునని మరియు కొనుగోలుదారుల ప్రయోజనాలు రక్షించబడతాయని ఆయన అన్నారు.