భారత్‌లోకి మార్కెట్‌లోకి తైవా‌న్‌ కంపెనీ..! ఎలక్ట్రిక్‌ స్కూటర్‌ను లాంచ్‌ చేయబోతున్న గొగొరో..

ఇప్పుడిప్పుడే దేశంలో ఎలక్ట్రానిక్‌ వాహనాల వినియోగం పెరుగుతున్నది. దీంతో దిగ్గజ ఆటో మొబైల్‌ కంపెనీలన్నీ ఈవీలపై దృష్టిపెడుతున్నాయి

విధాత‌: ఇప్పుడిప్పుడే దేశంలో ఎలక్ట్రానిక్‌ వాహనాల వినియోగం పెరుగుతున్నది. దీంతో దిగ్గజ ఆటో మొబైల్‌ కంపెనీలన్నీ ఈవీలపై దృష్టిపెడుతున్నాయి. ఈ క్రమంలో అంతర్జాతీయ కంపెనీలు భారత మార్కెట్‌లోకి ప్రవేశించేందుకు ఆసక్తి చూపుతున్నాయి. తైవాన్‌కు చెందిన గొగొరో కంపెనీ సైతం భారత్‌లో ఎలక్ట్రిక్‌ స్కూటర్‌ను లాంచ్‌ చేయబోతున్నది. కంపెనీ స్కూటర్‌కు గొగొరో క్రాస్‌ ఓవర్‌ ఈవీ పేరు పెట్టింది. ఈ ఏడాది డిసెంబర్‌లోనే స్కూటర్‌ను లాంచ్‌ చేయబోతున్నట్లు తెలుస్తున్నది. ఫీచర్‌, ధర ఎలా ఉండబోతుందో ఆ వివరాలు మీ కోసం..

మొదలైన మ్యానుఫ్యాక్చరింగ్‌

మహారాష్ట్ర ఔరంగాబాద్‌లో గొగొరో కంపెనీ ఫ్లాంట్‌ను ఏర్పాటు చేసి ఇందులో క్రాస్‌ ఓవర్‌ ఈవీ స్కూటర్‌ను మ్యానుఫ్యాక్చరింగ్‌ చేస్తున్నట్లు తెలుస్తున్నది. మొదట బీ2బీ పార్ట్​నర్స్​కి ఉత్పత్తిని సరఫరా చేయనున్నది. అయితే, వచ్చే ఏడాది అంటే 2024 తొలి త్రైమాసికంలో డెలివరీలు మొదలయ్యే ఛాన్స్ ఉన్నది. అయితే, క్రాస్​ఓవర్​ ఎలక్ట్రిక్​ స్కూటర్​లో టూ వీలర్​ ‘ఎస్​యూవీ’గా గుర్తింపు పొందింది. యుటిలిటీ, అడాప్టెబులిటీని దృష్టిలో పెట్టుకుని ఈ మోడల్​ని తయారు చేసినట్లు కంపెనీ పేర్కొంది.

కొత్త ఎలక్ట్రిక్​ స్కూటర్​లో ఎలాంగేటెడ్​ ఎల్​ఈడీ హెడ్​లైట్​, ష్రౌడ్​ ఉంటాయి. 12 ఇంచ్​ వీల్స్​ వస్తుండగా.. ఫ్రెంట్​లో టెలిస్కోపిక్​ ఫోర్క్స్​, రేర్​లో డ్యూయెల్​ షాక్​ అబ్సార్బర్స్​ ఉంటాయి. రెండు వీల్స్‌కు డిస్క్​ బ్రేక్స్​ ఉండడం విశేషం. కొత్త ఈవీ కర్బ్‌ కర్బ్‌ వెయిట్‌ 126 కేజీలు ఉంటుంది. గ్రౌండ్‌ క్లియరెన్స్‌ వచ్చే 142 ఎంఎం కాగా.. వీల్‌బేస్‌ 1,400 ఎంఎం. ఇక స్కూటర్​లోని ప్యాసింజర్​ సీట్​ని ఫోల్డ్​ చేసుకొని వీలున్నది. పూర్తిగా తీసివేసే సౌలభ్యం సైతం ఉన్నది. ఫ్రెంట్​, రేర్​ లగేజ్​ ర్యాక్స్​, టాప్​ కేసెస్​ వంటి ఎక్స్​ట్రా యాక్ససరీస్​ని కూడా ఇచ్చే అవకాశాలున్నాయి.

వంద కిలోమీటర్ల రేంజ్‌

ఈ స్కూటర్​లో 1.6 కేడబ్ల్యూహెచ్​ బ్యాటరీతో వస్తుందని టాక్‌. ఇదే నిజమైతే మోడల్​ రేంజ్​ దాదాపు 100 కిలోమీటర్లుగా ఉండబోతున్నది. భారత్‌ మార్కెట్‌లోకి విస్తరించేందుకు కంపెనీ ప్రణాళిక సిద్ధం చేసింది. ఇందులో భాగంగా మహారాష్ట్రలో 1.5 బిలియన్‌ డాలర్ల పెట్టుబడికి సిద్ధమంది. స్విగ్గీ, జొమాటోటో కంపెనీ పార్ట్‌నర్‌షిప్‌ను ఏర్పాటు చేసుకున్నంది. ఢిల్లీ- ఎన్​సీఆర్​లో బ్యాటరీ స్వాపింగ్​ స్టేషన్స్​ని కూడా గొగొరో ఏర్పాటు చేయబోతున్నది. 2024 మధ్య నాటికి ఫుల్​-స్కేల్​ బ్యాటరీ ప్రొడక్షన్​ని చేపట్టాలని నిర్ణయించింది. అయితే, క్రాస్‌ ఓవర్‌ స్కూటర్‌ ఫీచర్స్‌, ధర తదితర వివరాలు తెలియరాలేదు. రాబోయే రోజుల్లో కంపెనీ స్పష్టత ఇచ్చే అవకాశం ఉన్నది.