Gold Rates | కొనుగోలుదారులకు పండగే..! వరుసగా మూడోరోజు తగ్గిన బంగారం ధర..!

బంగారం కొనుగోలుదారులకు పండగలాంటి వార్తే. వరుసగా మూడురోజులుగా బంగారం ధరలు పడిపోతున్నాయి.

Gold Rates | బంగారం కొనుగోలుదారులకు పండగలాంటి వార్తే. వరుసగా మూడురోజులుగా బంగారం ధరలు పడిపోతున్నాయి. అసలే పెళ్లిళ్ల సీజన్‌ నేపథ్యంలో బంగారం ధరలు తగ్గుతూ వస్తుండడంతో కొనుగోలుదారులకు భారీగా ఊరటనిచ్చిట్లవుతున్నది. బులియన్‌ మార్కెట్‌లో గరువారం స్వల్పంగా ధరలు దిగివచ్చాయి. 22 క్యారెట్ల బంగారంపై రూ.10 తగ్గి తులానికి రూ.56,990కి తగ్గింది. 24 క్యారెట్ల గోల్డ్‌ తులానికి రూ.62,170 పలుకుతున్నది.

దేశంలోని వివిధ నగరాల్లో బంగారం ధరలను పరిశీలిస్తే.. చెన్నైలో 22 క్యారెట్ల బంగారం రూ.57,490 ఉండగా.. 24 క్యారెట్ల బంగారం రూ.62,720కి తగ్గింది. ముంబయిలో 22 క్యారెట్ల బంగారం రూ.56,590 ఉండగా.. 24 క్యారెట్ల పుత్తడి రూ.62,170కి చేరింది. ఢిల్లీలో 22 క్యారెట్ల పుత్తడి రూ.57,140 ఉండగా.. 24 క్యారెట్ల బంగారం రూ.62,300కి దిగివచ్చింది. ఇక హైదరాబాద్‌లో 22 క్యారెట్ల పసిడి రూ.56,990 ఉండగా.. 24 క్యారెట్ల గోల్డ్‌ రూ.62,170 పలుకుతున్నది.

ఏపీలోని విజయవాడ, తిరుపతి, విశాఖపట్నం నగరాల్లోనూ ఇవే ధరలు కొనసాగుతున్నాయి. మరో వైపు వెండి సైతం స్వల్పంగా తగ్గింది. ప్రస్తుతం హైదరాబాద్‌లో కిలోకు రూ.75,400 వద్ద ట్రేడవుతున్నది. వాస్తవానికి ప్రపంచవ్యాప్తంగా జరిగే వివిధ పరిణామాలపైనే ధరలు ఆధారపడి ఉంటాయి. ఈ క్రమంలోనే అంతర్జాతీయంగా ధరలు పెరిగినా, తగ్గినా ఆ ప్రభావం భారత మార్కెట్లపై సైతం ఉంటుంది. ద్రవ్యోల్బణం, సెంట్రల్‌ బ్యాంకుల నిర్ణయాలు, వడ్డీ రేట్లలో మార్పులు, మార్కెట్లలో బంగారానికి ఉన్న డిమాండ్‌ తదితర కారణాల నేపథ్యంలో బంగారం ధరలు మారుతూ వస్తుంటాయి.