విడాకుల వార్తలపై హీరో శ్రీకాంత్ సీరియస్

శ్రీ‌కాంత్, ఊహ విడాకులంటూ వెబ్‌సైట్స్‌, యూట్యూబ్ చాన‌ల్స్‌లో వైర‌ల్‌ సెన్స్‌ ఆప‌క‌పోతే చ‌ర్య‌లు తీవ్ర‌మ‌ని హెచ్చ‌రిక‌ సైబ‌ర్ క్రైమ్ విభాగం చ‌ర్య‌లు తీసుకోవాల‌ని వేడుకోలు విధాత‌: హీరో శ్రీకాంత్, ఊహలు విడాకులు తీసుకోబోతున్నట్లుగా కొన్ని వెబ్‌సైట్స్, యూట్యూబ్ ఛానల్స్‌లో వచ్చిన, వస్తున్న వార్తలపై శ్రీకాంత్ సీరియస్ అయ్యారు. ఇలాంటి రూమర్స్ పుట్టించేవారిపై సైబర్ క్రైమ్‌కి రిపోర్ట్ చేయబోతున్నట్లుగా ఆయన వెల్లడించారు. ఈ న్యూసెన్స్ ఆపకపోతే.. పరిస్థితులు తీవ్రంగా ఉంటాయని హెచ్చరించారు. ఈ రూమర్స్‌పై హీరో శ్రీకాంత్ స్పందిస్తూ.. […]

• శ్రీ‌కాంత్, ఊహ విడాకులంటూ వెబ్‌సైట్స్‌, యూట్యూబ్ చాన‌ల్స్‌లో వైర‌ల్‌
• సెన్స్‌ ఆప‌క‌పోతే చ‌ర్య‌లు తీవ్ర‌మ‌ని హెచ్చ‌రిక‌
• సైబ‌ర్ క్రైమ్ విభాగం చ‌ర్య‌లు తీసుకోవాల‌ని వేడుకోలు

విధాత‌: హీరో శ్రీకాంత్, ఊహలు విడాకులు తీసుకోబోతున్నట్లుగా కొన్ని వెబ్‌సైట్స్, యూట్యూబ్ ఛానల్స్‌లో వచ్చిన, వస్తున్న వార్తలపై శ్రీకాంత్ సీరియస్ అయ్యారు. ఇలాంటి రూమర్స్ పుట్టించేవారిపై సైబర్ క్రైమ్‌కి రిపోర్ట్ చేయబోతున్నట్లుగా ఆయన వెల్లడించారు. ఈ న్యూసెన్స్ ఆపకపోతే.. పరిస్థితులు తీవ్రంగా ఉంటాయని హెచ్చరించారు.

ఈ రూమర్స్‌పై హీరో శ్రీకాంత్ స్పందిస్తూ.. ‘‘ఎవరు పుట్టిస్తున్నారు? ఎందుకు చేస్తున్నారు ఇలాంటి నిరాధారమైన, పనికిమాలిన వార్తలను…!? గతంలో నేను చనిపోయినట్లుగా ఒక పుకారు పుట్టించి నా కుటుంబ సభ్యులను తీవ్ర ఆందోళనకు గురి చేశారు. ఇప్పుడు తాజాగా మేము ఆర్థిక ఇబ్బందుల కారణంగా విడాకులు తీసుకుంటున్నాం అంటూ ఒక న్యూసెన్స్ క్రియేట్ చేశారు.

కొన్ని వెబ్ సైట్స్, యూట్యూబ్స్‌లో వచ్చిన ఈ ఫేక్ న్యూస్‌ను కొంత‌మంది ఫ్రెండ్స్ ఊహకు ఫార్వర్డ్ చేయడంతో తను కంగారుపడుతూ ఆ పోస్టులను నాకు చూపించింది. ఇలాంటివి ఏమాత్రం నమ్మవద్దు, ఆందోళన పడవద్దు… అని తనను ఓదార్చాను . అయితే ఏవో కొన్ని చిల్లర వెబ్‌సైట్స్, యూ ట్యూబ్ చానల్స్ వాళ్లు చేసిన ఈ పని సోషల్ మీడియాలో విపరీతంగా స్ప్రెడ్ అవ్వడంతో బంధుమిత్రులందరూ ఫోన్ చేసి అడుగుతుంటే వివరణ ఇచ్చుకోవడం పెద్ద న్యూసెన్స్‌గా అనిపిస్తుంది.

ప్రస్తుతం నేనూ, ఊహ నిన్న చెన్నై వచ్చి ఇక్కడి నుండి దైవ దర్శనానికి అరుణాచలం వెళ్తున్నాం. ఇలాంటి తరుణంలో ఈ పుకారు మా కుటుంబానికి చాలా చిరాకు తెప్పిస్తుంది. ఇది ఇంకా ఇంకా స్ప్రెడ్ అవ్వకుండా ఉండటం కోసం ఈ ప్రెస్ నోట్ రిలీజ్ చేస్తున్నాను. నా మీదనే కాకుండా చాలామంది ప్రముఖుల మీద ఇలాంటి నిరాధారమైన పుకార్లు స్ప్రెడ్ చేస్తున్న వెబ్‌సైట్స్, యూట్యూబ్ ఛానల్స్ మీద సైబర్ క్రైమ్ డిపార్ట్మెంట్ కఠిన చర్యలు తీసుకోవాలని కోరుకుంటున్నాను’’ అని వైర‌ల్ అవుతున్న రూమర్స్‌‌కు ఆయన క్లారిటీ ఇచ్చారు.