చీర ఒక స్త్రీత్వపు ఛాయ.. ఫెమినిటీకి చిహ్నం

విధాత‌: చీర ఫెమినిటికి చిహ్నం. అమ్మవారి నుంచి అప్పలమ్మ వరకు ఎవరి రూపమైనా చీరలో అద్భుతంగా ఉంటుంది. ఎలాంటి కత్తిరింపు లేని ఆరేడు గజాల వస్త్రం చీర. క్రియేటివ్ గా ఒంటికి చుట్టి చీరగా మలచిన తీరు అత్యద్భుతం. శతాబ్దాలుగా ఫ్యాషన్ అవుట్ కానీ ఒకే ఒక గార్మెంట్ చీర. నేత చీర, నూలుచీర, పవర్లూమ్, హండ్లూమ్, ఏరకమైన వస్త్రాన్నైనా చీరగా మలిచేస్తోంది నేటి ఫ్యాషన్ ప్రపంచం. ఇప్పుడు చీర అంటే ఒక ఆర్ట్ పీస్. హ్యాండ్ […]

విధాత‌: చీర ఫెమినిటికి చిహ్నం. అమ్మవారి నుంచి అప్పలమ్మ వరకు ఎవరి రూపమైనా చీరలో అద్భుతంగా ఉంటుంది. ఎలాంటి కత్తిరింపు లేని ఆరేడు గజాల వస్త్రం చీర. క్రియేటివ్ గా ఒంటికి చుట్టి చీరగా మలచిన తీరు అత్యద్భుతం. శతాబ్దాలుగా ఫ్యాషన్ అవుట్ కానీ ఒకే ఒక గార్మెంట్ చీర.

నేత చీర, నూలుచీర, పవర్లూమ్, హండ్లూమ్, ఏరకమైన వస్త్రాన్నైనా చీరగా మలిచేస్తోంది నేటి ఫ్యాషన్ ప్రపంచం. ఇప్పుడు చీర అంటే ఒక ఆర్ట్ పీస్. హ్యాండ్ మేడ్ embroidery చేసినా, మగ్గం ఉపయోగించి చేసిన పని కావచ్చు, మిషన్ మీద చేసిన మిషన్ వర్క్ కావచ్చు చక్కని క్రాఫ్ట్ చీర.

చీర నేతకు వాడినవి కేవలం దారపు పోగులు కాదు అవి స్త్రీల మనోభావాలు. అందుకే చీర సొగసు మరే డ్రెస్ కు రాదు. చీర పేరు మోసిన ఆర్టిస్ట్ వేసిన చక్కని చిత్రం చీరంటే. దారాలు వస్త్రాన్ని కట్టి టై అండ్ డై చేసినా, బ్లాక్స్ వాడి ప్రింట్ చేసినా, కుంచెలు వాడి కలంకారీ బొమ్మలు వేసినా, టెక్నాలజి ఉపయోగించి డిజిటల్ ప్రింట్స్ చేసినా కళా ప్రతిభకు నిలువెత్తు రూపం చీరంటే.

సరికొత్త చీర ఊహించాను సరదాల సరిగంచు నేయించినాను.. అని ఒకయాన అంటే చుట్టూ చెంగావి చీర కట్టావే చిలకమ్మ అని ఇంకోకాయన పాటందుకుంటాడు. ఒంటికి చుట్టిన చీర, ఎదపై పారేడే పైట, పాదాలు తాకే కుచ్చిళ్ళు ఆమె నడకలో భాగమై హొయలు పోతాయి. జీరాడే పైట గాలి ఎన్ని హృదయాలు కొల్ల గొడుతుందో? ఎన్ని మనసులు దోస్తుందో? మోడ్రన్ సొబగులు ఎంత ఊరించినా చీర మీద మమకారం చంపుకోలేరు మన మహిళలు. మన వారి డ్రీమ్ గర్ల్ ఎవరైనా సరే చీరలోనే కనిపిస్తుంది.

ఇది ఎన్నో కలల కలనేత ప్రతి వన్నెల రాశికి సిరి జోత…

చీర హుందాతనం
చీర శృంగారం
చీర కళ
చీర కల
చీర ప్రేమ
చీర లాలన
చీరంటే ఏదో ఒక డ్రెస్ కాదు.. చీరంటే ఒక ఉద్వేగం… మనసును తాకే ఉల్లాసం. అమ్మ పవిట కొంగు పోయిన తరానికి ఒక కల్పవృక్షం. కొంగున ముడేసిన చిల్లర నుంచి, మనసు కలత బారి కళ్ళు చెమ్మగిల్లితే కన్నీరు తుడిచే ఆత్మీయ స్పర్శ వరకు.. ఎన్నని చెప్పగలం? ఏమని వర్ణించ గలం? ప్రపంచ స్త్రీలకు భారతీయ సంస్కృతి అందించిన గొప్ప కానుక చీర. డిసెంబర్ 21 ప్రపంచ చీరల దినోత్సవం సందర్భంగా చీర కట్టే ప్రతి స్త్రీకి, చీరలో తన స్త్రీ నీ ఆరాధించే ప్రతి పురుషుడికి శుభాకాంక్షలు.
Happy world saree day