పేకాటలో పట్టుబడ్డ బీఆర్ఎస్ ఎమ్మెల్సీ నవీన్ రావు తండ్రి

బీఆర్ఎస్ ఎమ్మెల్సీ కుర్మయ్యగారి నవీన్ రావు తండ్రి కొండలరావు పేకాట ఆడుతూ రెడ్ హ్యాండెడ్ గా పట్టుబడ్డారు. కొండలరావుతో పాటు 11 మందిని ఎస్ఓటీ బాలానగర్ పోలీసులు అదుపులోకి తీసుకున్నారు

• పోలీసుల అదుపులో మరో 11మంది ప్రముఖులు

హైదరాబాద్: బీఆర్ఎస్ ఎమ్మెల్సీ కుర్మయ్యగారి నవీన్ రావు తండ్రి కొండలరావు పేకాట ఆడుతూ రెడ్ హ్యాండెడ్ గా పట్టుబడ్డారు. కొండలరావుతో పాటు 11 మందిని ఎస్ఓటీ బాలానగర్ పోలీసులు అదుపులోకి తీసుకున్నారు. అనంతరం కూకట్ పల్లి పోలీసులకు అప్పగించారు. కాగా, ఆదివారం కూకట్‌పల్లిలోని ఓ గెస్ట్ హౌస్‌లో పేకాట శిబిరంపై పోలీసులు దాడి చేసి రెండున్నర లక్షల నగదు తో పాటు 11 మంది మొబైల్ ఫోన్లు స్వాధీనం చేసుకున్నారు. పట్టుబడ్డ 11 మందిలో పలువురు ప్రముఖులు ఉన్నారు. ఎమ్మెల్సీ నవీన్ రావు తండ్రి కొండలరావు తో పాటు ఓ జీహెచ్ఎంసీ కార్పొరేటర్ ఉన్నట్లు సమాచారం. ఈ ఘటనపై పోలీసులు దర్యాప్తు చేస్తున్నారు.