నకిలీ యూనివర్సిటీ లు ఉన్నాయి జాగ్రత్త

విధాత‌:దేశంలోని నకిలీ యూనివర్సిటీ జాబితాను యూనివర్సిటీ గ్రాంట్స్‌ కమిషన్‌ (యూజీసీ) విడుదల చేసింది. వివిధ రాష్ట్రాల్లో మొత్తం 24 నకిలీ యూనివర్సిటీలున్నాయి. ఈ సంస్థలు ఇచ్చే డిగ్రీలు పైచదువులకు, ప్రభుత్వ ఉద్యోగాలకు పనికిరావు. అందువల్ల విద్యార్థులు వీటికి దూరంగా ఉండటం మంచిది. విద్యార్థులు, తల్లిదండ్రులు, సాధారణ ప్రజానీకం, మీడియా సంస్థల నుంచి అందిన ఫిర్యాదుల ఆధారంగా యూజీసీ ఆయా సంస్థలను నకిలీ యూనివర్సిటీలుగా ప్రకటించింది. మరో రెండు సంస్థలు… భారతీయ శిక్షా పరిషత్‌ (లక్నో), ఇండియన్‌ ఇనిస్టిట్యూట్‌ […]

విధాత‌:దేశంలోని నకిలీ యూనివర్సిటీ జాబితాను యూనివర్సిటీ గ్రాంట్స్‌ కమిషన్‌ (యూజీసీ) విడుదల చేసింది. వివిధ రాష్ట్రాల్లో మొత్తం 24 నకిలీ యూనివర్సిటీలున్నాయి. ఈ సంస్థలు ఇచ్చే డిగ్రీలు పైచదువులకు, ప్రభుత్వ ఉద్యోగాలకు పనికిరావు. అందువల్ల విద్యార్థులు వీటికి దూరంగా ఉండటం మంచిది. విద్యార్థులు, తల్లిదండ్రులు, సాధారణ ప్రజానీకం, మీడియా సంస్థల నుంచి అందిన ఫిర్యాదుల ఆధారంగా యూజీసీ ఆయా సంస్థలను నకిలీ యూనివర్సిటీలుగా ప్రకటించింది.

మరో రెండు సంస్థలు… భారతీయ శిక్షా పరిషత్‌ (లక్నో), ఇండియన్‌ ఇనిస్టిట్యూట్‌ ఆఫ్‌ ప్లానింగ్‌ అండ్‌ మేనేజ్‌మెంట్‌ (ఐఐపీఎం, న్యూఢిల్లీ) నిబంధనలకు వ్యతిరేకంగా కొనసాగుతున్నాయని యూజీసీ పేర్కొంది.

వీటికి సంబంధించి కోర్టులో కేసులు ఉన్నట్టు కేంద్ర విద్యాశాఖ మంత్రి ధర్మేంద్ర ప్రధాన్‌ సోమవారం లోక్‌సభలో వెల్లడించారు. నకిలీ యూనివర్సిటీలపై చర్యలు తీసుకోవాలని కోరుతూ ఆయా రాష్ట్రాలకు యూజీసీ లేఖలు రాస్తుందని మంత్రి తెలిపారు. ఉత్తర ప్రదేశ్‌లో అత్యధికంగా 8, తర్వాత ఢిల్లీలో 7 నకిలీ యూనివర్సిటీలు ఉన్నాయి. ఈసారి ఏపీ నుంచి ఒక విద్యాసంస్థ నకిలీ యూనివర్సిటీల జాబితాలో చేరింది.

ఉత్తర ప్రదేశ్‌లోని నకిలీ యూనివర్సిటీలు

1. వారణాసేయ సంస్కృత విశ్వవిద్యాలయ, వారణాసి
2. మహిళా గ్రామ్‌ విద్యాపీఠ్‌, అలహాబాద్‌
3. గాంధీ హిందీ విద్యాపీఠ్‌, అలహాబాద్‌
4. నేషనల్‌ యూనివర్సిటీ ఆఫ్‌ ఎలకో్ట్ర కాంప్లెక్స్‌ హోమియోపతి, కాన్పూర్‌
5. నేతాజీ సుభాష్‌ చంద్రబోస్‌ ఓపెన్‌ యూనివర్సిటీ, అలీగఢ్‌
6. ఉత్తర ప్రదేశ్‌ విశ్వవిద్యాలయ, మధుర
7. మహారాణా ప్రతాప్‌ శిక్షా నికేతన్‌ విశ్వవిద్యాలయ, ప్రతా్‌పగఢ్‌
8. ఇంద్రప్రస్థ శిక్షా పరిషత్‌, నోయిడా

ఢిల్లీలోని నకిలీ యూనివర్సిటీలు

1. కమర్షియల్‌ యూనివర్సిటీ లిమిటెడ్‌
2. యునైటెడ్‌ నేషన్స్‌ యూనివర్సిటీ
3. ఒకేషనల్‌ యూనివర్సిటీ
4. ఏడీఆర్‌ సెంట్రిక్‌ జ్యురిడికల్‌ యూనివర్సిటీ
5. ఇండియన్‌ ఇనిస్టిట్యూట్‌ ఆఫ్‌ సైన్స్‌ అండ్‌ ఇంజనీరింగ్‌
6. విశ్వకర్మ ఓపెన్‌ యూనివర్సిటీ ఫర్‌ సెల్ఫ్‌ ఎంప్లాయ్‌మెంట్‌
7. ఆధ్యాత్మిక్‌ విశ్వవిద్యాలయ (స్పిరిచ్యువల్‌ యూనివర్సిటీ)

ఇతర రాష్ట్రాల్లోని నకిలీ యూనివర్సిటీలు

1. ఇండియన్‌ ఇనిస్టిట్యూట్‌ ఆఫ్‌ అల్టర్నేటివ్‌ మెడిసిన్‌, కోల్‌కతా
2. ఇనిస్టిట్యూట్‌ ఆఫ్‌ అల్టర్నేటివ్‌ మెడిసిన్‌ అండ్‌ రిసెర్చ్‌, కోల్‌కతా
3. నవభారత్‌ శిక్షా పరిషత్‌, రూర్కెలా
4. నార్త్‌ ఒరిస్సా యూనివర్సిటీ ఆప్‌ అగ్రికల్చర్‌ అండ్‌ టెక్నాలజీ, ఒడిషా
5. శ్రీ బోధి అకాడమీ ఆఫ్‌ హయ్యర్‌ ఎడ్యుకేషన్‌, పుదుచ్చేరి
6. క్రిస్ట్‌ న్యూ టెస్టమెంట్‌ డీమ్డ్‌ యూనివర్సిటీ, ఆంధ్ర ప్రదేశ్‌
7. రాజా అరబిక్‌ యూనివర్సిటీ, నాగపూర్‌
8. సెయింట్‌ జాన్స్‌ యూనివర్సిటీ, కేరళ
9. బదగాన్వి సర్కార్‌ వరల్డ్‌ ఓపెన్‌ యూనివర్సిటీ ఎడ్యుకేషన్‌ సొసైటీ, కర్ణాటక