ఉత్తుత్తి ఉద్యోగాల డూబు రెడ్డి డాబు కాలెండ‌ర్.. రాగల ఆనంద్ గౌడ్

2ల‌క్ష‌ల 30 వేల‌కు పైగా ప్ర‌భుత్వ ఉద్యోగాలు భ‌ర్తీ చేస్తామ‌ని జ‌గ‌న్‌రెడ్డి హామీ అధికారంలోకొచ్చి రెండేళ్ల‌య్యాక వేల‌ ఉద్యోగాల‌కు నోటిఫికేష‌న్ అంటూ ప్ర‌క‌ట‌న‌ జ‌న‌వ‌రి1న జాబు క్యాలెండ‌ర్ అంటూ గొప్ప‌లు..రెండేళ్లు దాటాక జూన్‌లో ఫేక్ లెక్క‌ల‌తో క్యాలెండ‌ర్‌ ఆర్టీసీని ప్ర‌భుత్వంలో విలీనం చేసుకుని..54 వేలు ఉద్యోగాలు కొత్త‌గా ఇచ్చిన‌ట్టు మోస‌పు ప్ర‌క‌ట‌న‌ వైసీపీ కార్య‌క‌ర్త‌ల‌కు వాలంటీర్లు, వార్డు/గ్రామ‌స‌చివాల‌యల్లో వేసుకుని జాబులిచ్చిన‌ట్టు డాబులు విధాత:ఇవ్వ‌ని ఉద్యోగాలు ఇచ్చిన‌ట్టు, కార్య‌క‌ర్త‌ల‌కు ఇచ్చిన వ‌లంటీర్ పోస్టుల్ని ఉద్యోగాల్లో చూపిస్తూ ఉత్తుత్తి ఉద్యోగాలను […]

2ల‌క్ష‌ల 30 వేల‌కు పైగా ప్ర‌భుత్వ ఉద్యోగాలు భ‌ర్తీ చేస్తామ‌ని జ‌గ‌న్‌రెడ్డి హామీ

• అధికారంలోకొచ్చి రెండేళ్ల‌య్యాక వేల‌ ఉద్యోగాల‌కు నోటిఫికేష‌న్ అంటూ ప్ర‌క‌ట‌న‌
• జ‌న‌వ‌రి1న జాబు క్యాలెండ‌ర్ అంటూ గొప్ప‌లు..రెండేళ్లు దాటాక జూన్‌లో ఫేక్ లెక్క‌ల‌తో క్యాలెండ‌ర్‌
• ఆర్టీసీని ప్ర‌భుత్వంలో విలీనం చేసుకుని..54 వేలు ఉద్యోగాలు కొత్త‌గా ఇచ్చిన‌ట్టు మోస‌పు ప్ర‌క‌ట‌న‌
• వైసీపీ కార్య‌క‌ర్త‌ల‌కు వాలంటీర్లు, వార్డు/గ్రామ‌స‌చివాల‌యల్లో వేసుకుని జాబులిచ్చిన‌ట్టు డాబులు

విధాత:ఇవ్వ‌ని ఉద్యోగాలు ఇచ్చిన‌ట్టు, కార్య‌క‌ర్త‌ల‌కు ఇచ్చిన వ‌లంటీర్ పోస్టుల్ని ఉద్యోగాల్లో చూపిస్తూ ఉత్తుత్తి ఉద్యోగాలను జాబు క్యాలెండ‌ర్ అంటూ విడుద‌ల చేసింది ఫేక్ మాట‌ల డూబురెడ్డి విడుద‌ల చేసిన డాబు క్యాలెండ‌ర్ అని తెలుగు యువత రాష్ట్ర ప్ర‌ధాన కార్య‌ద‌ర్శి రాగల ఆనంద్ గౌడ్ ఆరోపించారు.

★ శుక్ర‌వారం విడుద‌ల చేసిన ప్ర‌క‌ట‌న‌లో ప్ర‌భుత్వం ఇచ్చిన జాబు క్యాలెండ‌ర్ ప్ర‌క‌ట‌న‌లో అవాస్త‌వాలు, త‌ప్పుడు స‌మాచారంని బ‌ట్ట‌బ‌య‌లు చేశారు.

★ ల‌చ్చ‌ల జాబులంటూ డాబులు ప‌లికిన డూబురెడ్డీ సీఎం అయ్యాక 2 ల‌క్ష‌ల 30 ప్ర‌భుత్వ ఉద్యోగాలు భ‌ర్తీ చేస్తాన‌ని వంద‌ల్లో కూడా ఉద్యోగాలు భ‌ర్తీ చేయ‌లేద‌ని పేర్కొన్నారు.

★ ప్ర‌తీ ఏటా జ‌న‌వ‌రి 1న జాబు క్యాలెండ‌ర్ విడుద‌ల చేస్తాన‌ని, ఎన్నిక‌ల స‌భ‌ల‌లో గొంతు చించుకుని అరిచి మ‌రీ చెప్పిన జ‌గ‌న్‌రెడ్డి.. అధికారంలోకొచ్చి రెండేళ్లు దాటిపోయినా ఆ ఊసే ఎత్త‌కుండా రెండేళ్ల త‌రువాత ఇప్పుడు త‌ప్పుడు లెక్క‌ల‌తో జాబు క్యాలెండ‌ర్ విడుద‌ల చేయ‌డం మ‌డ‌మ తిప్ప‌డంలో త‌న‌కు ఎవ‌రూ సాటిలేర‌ని జ‌గ‌న్‌రెడ్డి నిరూపించుకున్నార‌ని ఆరోపించారు.

యాడ్స్‌లోనూ క్విడ్‌ప్రో లెక్క‌లే!

★ ఇచ్చిన‌ ఉద్యోగాలు ఏమీ లేక‌పోయినా ఇచ్చిన‌ట్టు బిల్డ‌ప్ ఇస్తూ కోట్ల రూపాయ‌లు మీడియాకి ప్ర‌క‌ట‌న‌లు ఇచ్చుకున్నార‌ని, ఇందులోనూ అన్నీ క్విడ్‌ప్రోకో దొంగ లెక్క‌లేనా అని జ‌గ‌న్‌రెడ్డిని నారా లోకేష్ నిల‌దీశారు.

★ 2 ల‌క్ష‌ల 30 వేల ప్ర‌భుత్వ ఉద్యోగాలు అని యాడ్ ఇచ్చి, అందులో వంద‌ల్లో స‌ర్కారీ కొలువులు, మిగిలిన‌వ‌న్నీ వైసీపీ కార్య‌క‌ర్త‌ల‌కిచ్చిన‌ ఔట్‌సోర్సింగ్‌, కాంట్రాక్ట్ నౌక‌రీల‌ను క‌లిపేశార‌న్నారు.

★ వ‌లంటీర్ల‌ది ఉద్యోగం కాదు సేవ అని సెల‌విచ్చిన సీఎం వారికి బ‌హిరంగ‌లేఖ రాశార‌ని, మ‌రి ఇప్పుడు జాబు క్యాలెండ‌ర్‌లో 2 ల‌క్ష‌ల 59 వేలకు పైగా ఉద్యోగాలు క‌ల్పించామ‌ని ఎలా పేర్కొంటార‌ని నిల‌దీశారు.

★ అప్ప‌టి చీఫ్ సెక్ర‌ట‌రీ నీలం స‌హానీ గ్రూప్-1&2 పోస్టులు 907, పోలీస్ శాఖ‌లో 7740 ఖాళీలున్నాయ‌ని ప్ర‌క‌టిస్తే, డూబురెడ్డి డాబు కేలండ‌ర్‌లో గ్రూప్-1&2 పోస్టులు 36, పోలీస్‌శాఖ‌లో 450 పోస్టులున్నాయి.

★ చీఫ్ సెక్ర‌ట‌రీ ప్ర‌క‌ట‌నకి చీఫ్ మినిస్ట‌ర్ ప్ర‌క‌ట‌ని మ‌ధ్య వేల ఉద్యోగాలు ఎవ‌రు ఎత్తుకెళ్లార‌ని ప్ర‌శ్నించారు.

★ సీఎం ప్ర‌క‌టించిన గ్రూప్-1&2 36 పోస్టులూ ఆల్రెడీ ఏ2, ఏ1 బాబాయ్‌, స‌ల‌హాల‌రెడ్డి అమ్మేశార‌ని తాడేప‌ల్లి కాంపౌండ్ నుంచే గుస‌గుస‌లు వినిపిస్తున్నాయ‌ని ఆరోపించారు.

★ ఆల్రెడీ ఆర్టీసీలో ప‌నిచేస్తోన్న 54 వేల మంది ఉద్యోగుల్ని ప్ర‌భుత్వంలో విలీనం చేయ‌డం ద్వారా కొత్త‌గా ఉద్యోగాలు క‌ల్పించిన‌ట్టు ప్ర‌క‌టించుకోవ‌డం వైసీపీ క‌ప‌ట ప్ర‌క‌ట‌న‌ల‌కు అద్దం ప‌డుతోంద‌న్నారు.

★ ల‌క్ష‌ల ఉద్యోగాలు క‌ల్పించామ‌ని, ఇస్తున్నామ‌ని ప్ర‌క‌టించిన ప్ర‌భుత్వం వాస్త‌వంగా 10 వేల జాబ్ నోటిఫికేష‌న్లు మాత్ర‌మే ఇచ్చింద‌న్నారు.

★ వార్డు/గ్రామ‌ సచివాలయంలో 1ల‌క్ష 20 వేల పైబ‌డి ఉద్యోగాలు ఇచ్చామని
ప్ర‌క‌టించుకున్న ప్ర‌భుత్వం, దీని వల్ల 30 వేల‌మందికిపైగా మీసేవపై ఆధార‌ప‌డి బ‌తుకుతున్ననిరుద్యోగుల్ని రోడ్డున ప‌డేయ‌లేదా అని ప్ర‌శ్నించారు.

పెంపుల‌న్నీ జ‌గ‌న్ నాట‌కం

★ ఉద్యోగుల సంక్షేమం కోసం అంటూ జ‌గ‌న్‌రెడ్డి ప్ర‌క‌టించిన జీతాలు, వేత‌నాల పెంపులో అంతా అవాస్త‌వాలేన‌ని నారా లోకేష్ మండిప‌డ్డారు.

★ అంగన్వాడీల జీతం 7100 నుండి 10500 కి పెంచింది తెలుగుదేశం ప్ర‌భుత్వం అయితే జ‌గ‌న్ రెడ్డి దీనికి ఓ 500 క‌లిపి త‌న ఖాతాలో వేసుకున్నార‌ని ఆరోపించారు.

★ హోమ్ గార్డ్స్ జీతం 9000 నుండి 18000 కి పెంచింది టిడిపి హ‌యాంలోనే అని పేర్కొన్నారు.

★ వీఆర్ఏల‌ జీతం 6000 నుండి10500కి పెంచింది 2014-19లో ప్ర‌భుత్వం కాదా అని నిల‌దీశారు.

★ RTC ఉద్యోగులకు, AP NGO ల కు 43% ఫిట్మెంట్ ప్ర‌క‌టించిన ఘ‌న‌త టిడిపిదేన‌న్నారు.

★ పోలీసుల‌కు వీక్లీ ఆఫ్‌లు ఇచ్చామ‌ని ఘ‌నంగా ప్ర‌క‌టించిన సంగ‌తి దిశ‌చ‌ట్టం పాలాభిషేకంలాంటిదేన‌ని ఎద్దేవ చేశారు.

★ పోలీసుల్ని వైకాపా కార్య‌క‌ర్త‌ల కంటే ఘోరంగా వాడుకుంటూ ప్ర‌తిప‌క్షంపై క‌క్ష‌సాధింపుల‌కు వారిని వినియోగిస్తున్న జ‌గ‌న్‌రెడ్డి వ‌ల్ల‌ ఏ ఒక్క పోలీసు అయినా వీక్లీ ఆఫ్ తీసుకున్న‌వారున్నారా అని లోకేష్ ప్ర‌శ్నించారు.

★ గ‌త ప్ర‌భుత్వ హ‌యాంలో 104 డ్రైవ‌ర్లకి జీతం ఇవ్వ‌కుండా ప‌నిచేయించుకున్న‌ట్టు, జ‌గ‌న్‌రెడ్డి త‌న ఇంట్లోంచి సొమ్ము తెచ్చి నెల‌కి 26 వేలు ఇస్తున్న‌ట్టు కోట్ల రూపాయ‌ల ప్ర‌జాధ‌నంతో యాడ్స్ ఇవ్వ‌డానికి క‌నీసం సిగ్గుప‌డ‌ని ప్ర‌భుత్వం తీరు అంతా జ‌గ‌న్ నాట‌కంగా మారింద‌ని విమ‌ర్శించారు.

★ నిజంగా ఉద్యోగులకు మేలు చేసిన‌వాడైతే కోట్ల రూపాయ‌లు యాడ్స్ ఇచ్చుకోవాల్సిన అవ‌స‌రం ఏముంద‌ని ప్ర‌శ్నించారు.

★ అధికారంలోకొచ్చిన ఏడు రోజుల్లోగా సీపీఎస్ ర‌ద్దు చేస్తాన‌ని ఫేక్ హామీనిచ్చి సీఎం గ‌ద్దెనెక్కిన జ‌గ‌న్‌రెడ్డి 700 రోజులు దాటినా సీపీఎస్ ర‌ద్దు ఊసేలేక‌పోవడం దారుణం.

★ డిఏ,పిఆర్సీ గురించి కనీసం ప్రస్తావన లేకపోవడం ఉద్యోగుల ప‌ట్ల‌, వారి సంక్షేమం ప‌ట్ల వైసీపీ స‌ర్కారు చూపిస్తున్న‌ది స‌వ‌తిత‌ల్లి ప్రేమ అని తేట‌తెల్ల‌మైంద‌న్నారు.

★ వైసీపీకి దొంగ ఓట్లేయించే వైసీపీ కార్య‌క‌ర్త‌ల్ని వ‌లంటీర్లుగా వేసుకోవ‌డం వివ‌క్ష లేక‌పోవ‌డ‌మా?

★ వార్డు, గ్రామ‌స‌చివాల‌య ఉద్యోగ భ‌ర్తీ ప‌రీక్ష పేప‌రు అమ్మేయ‌డం అవినీతికి తావులేకుండా భ‌ర్తీ చేసిన‌ట్టా?

★ ఉద్యోగాలు అమ్ముకోవ‌డం మీ భాష‌లో అత్యంత పార‌ద‌ర్శ‌క‌తా?

★ జే గ్యాంగ్ ప్రాణాంత‌క మ‌ద్యం బ్రాండ్లు ప్రెసిడెంట్ మెడ‌ల్ అమ్మే ఉద్యోగాలూ గౌర‌వ‌నీయ‌మైన ప్ర‌భుత్వ ఉద్యోగాలా? అని జ‌గ‌న్‌రెడ్డి ప్ర‌భుత్వాన్ని తెలుగు యువత రాష్ట్ర ప్రధాన కార్యదర్శి రాగల ఆనంద్ గౌడ్ నిల‌దీశారు.

1) గ్రూప్ 1 పరీక్షలలో అవకతవకలపై విచారణకు కోర్టు ఆదేశించినందున, ఉద్యోగ క్యాలెండర్ ఇవ్వడం ద్వారా ఈ సమస్య నుంచి ప్రజల దృష్టిని మళ్లించడానికి ప్రభుత్వం ప్రయత్నిస్తోంది.
2) పోస్టులను నింపడంలో, పరీక్షలు నిర్వహించడంలో ఎపిపిఎస్సి తగిన ప్రక్రియను పాటించలేదు. APPSC ని సంస్కరించకుండా, ఈ కొత్త ఉద్యోగాలను ఎటువంటి పక్షపాతం లేకుండా నింపుతుందని ఏంటి గారంటీ? ఈ పోస్టులను వైసిపి కార్యకర్తలతో నింపడానికి ప్రభుత్వం ప్రయత్నిస్తోంది. వైసిపి ప్రభుత్వం AP-PSC ని YCP సర్వీస్ కమిషన్‌గా మార్చేస్తోంది.
3) గ్రూప్ 1 పరీక్షల్లోని అవకతవకలకు వ్యతిరేకంగా హైకోర్టులో కేసు ఎదుర్కొన్న వెంటనే, ప్రభుత్వం ఈ ఇంటర్వ్యూ షెడ్యూల్‌తో తొందరపడింది. మూల్యాంకన ప్రక్రియలో అవకతవకలను గుర్తించిన తరువాత పరీక్షా ప్రక్రియపై హైకోర్టు స్టే ఇచ్చింది. వీటికి సమాధానం చెప్పకుండా ఇప్పుడు కొత్త షెడ్యూలుతో ప్రజల్ని మభ్యపెడుతోంది.
4) జగన్ నిజంగా ఉద్యోగాల గురించి ఆందోళన చెందుతుంటే, గత రెండేళ్లుగా ప్రభుత్వం అసలేం చేసింది ?? ఈ ఉద్యోగాలను దాఖలు చేయడంలో ఎపిపిఎస్సి అనుసరించిన ప్రక్రియను ప్రశ్నిస్తూ హైకోర్టులో కేసు వేశారు. కాబట్టి కొత్తగా ప్రకటించిన ఈ ఉద్యోగాలను సరైన పారదర్శకంగా నింపడం గురించి మీరు ఆశావాదులకు ఎలా భరోసా ఇవ్వగలరు ??
5) మీరు 6 లక్షల ఉద్యోగాలు ఇచ్చారని చెప్తున్నారు. మీ పాలనలో ఆంధ్రప్రదేశ్‌లోకి వచ్చిన కొత్త కంపెనీల జాబితాను ఇవ్వగలరా? ఆంధ్రప్రదేశ్‌లో ఇలా ఎన్నో కంపెనీలు వైదొలగడంతో రాష్ట్రంలో 5 లక్షలకు పైగా ఉద్యోగాలు నాశనమయ్యాయి. ఈ అంశంపై చర్చకు టిడిపి సిద్ధంగా ఉంది. దీనిపై మమ్మల్ని ఎదుర్కొనే ధైర్యం వైసిపికి ఉందా ??
6) వైసిపి ప్రభుత్వం ఎపిపిఎస్‌సిని భ్రష్టుపట్టించగలిగితే, రాష్ట్రంలోని ఇతర నియామక సంస్థలను భ్రష్టుపట్టించరు అని గారంటీ ఏంటి?
7) ప్రస్తుతం AP లో నిరుద్యోగిత రేటు 13.5% !! వైసిపి ఇప్పటికే ప్రైవేటు రంగంలో ఉద్యోగాలను నాశనం చేసింది. ఇప్పుడు వారు ప్రభుత్వ రంగంలో ఉన్న ఉద్యోగాలను కూడామెరిట్ అభ్యర్థులకు దూరం చేస్తున్నారు.