Canada | కెనడాలో ఘ‌నంగా అన్నమయ్య సంకీర్తన ఉత్సవాలు

Canada | విధాత‌: 'వీధుల వీధుల విభుడేగేనిదె' అనే అన్నమయ్య కృతిలో ఉన్నట్టు కెనడా (Canada)వ్యాప్తంగా ఆరు ప్రావిన్స్‌ల నుండి 108 విలక్షణమైన అన్నమయ్య కృతులతో 11 గంటల పాటు అన్నమయ్య సంకీర్తనలు (Annamayya Sankeerthanalu)  ఘనంగా జరిగాయి. తెలుగుతల్లి కెనడా లక్ష్మీ రాయవరపు బృందం ఆధ్వర్యంలో జరిగిన ఈ కార్యక్రమానికి ప్రఖ్యాత తెలుగు సినిమా కథ, పాటల రచయిత సుద్దాల అశోక్ తేజ, యస్ పి వసంత లక్ష్మీ ముఖ్య అతిథులుగా విచ్చేశారు. ఉమా సలాది […]

Canada |

విధాత‌: ‘వీధుల వీధుల విభుడేగేనిదె’ అనే అన్నమయ్య కృతిలో ఉన్నట్టు కెనడా (Canada)వ్యాప్తంగా ఆరు ప్రావిన్స్‌ల నుండి 108 విలక్షణమైన అన్నమయ్య కృతులతో 11 గంటల పాటు అన్నమయ్య సంకీర్తనలు (Annamayya Sankeerthanalu) ఘనంగా జరిగాయి. తెలుగుతల్లి కెనడా లక్ష్మీ రాయవరపు బృందం ఆధ్వర్యంలో జరిగిన ఈ కార్యక్రమానికి ప్రఖ్యాత తెలుగు సినిమా కథ, పాటల రచయిత సుద్దాల అశోక్ తేజ, యస్ పి వసంత లక్ష్మీ ముఖ్య అతిథులుగా విచ్చేశారు.

ఉమా సలాది దీప ప్రజ్వలన చేయగా పాణంగిపల్లి విజయలక్ష్మి ప్రార్థన గీతంతో సభ మొదలైంది. అశోక్ తేజ మాట్లాడుతూ.. జీవితంలో ప్రతి సందర్భంలోనూ అతి చిన్న పదాలతో జనాలు నాల్కల మీద తిరిగే రచనలు వ్రాసిన అన్నమయ్య తన వంటి ఎందరో రచయితలకి మార్గ దర్శకులయ్యారని, అన్నమయ్య పుట్టిన తిథిలోనే తను కూడా పుట్టారని తెలియజేస్తూ, అన్నమయ్య గురించి చేసిన ప్రసంగంలో ఎన్నో ఆసక్తి కరమైన విషయాలు తెలియజేశారు. ఇలాంటి కార్యక్రమాలు నిర్వహణ ద్వారా తెలుగుతల్లి కెనడా భావి తరాలకు మంచి సంస్కృతి, సంస్కారాన్ని అందిస్తుందని అశోక్‌ అన్నారు.

తెలుగు తల్లి కెనడా తరఫున వారి భార్య శ్రీమతి నిర్మల గారి చేతుల మీదుగా సత్కారం పొందడం చాలా ఆనందం కలగజేసింది. ఈ కొత్త రకం సత్కారం ఏర్పాటు చేసిన తెలుగు తల్లి కమిటీ అభినందించారు. ఎస్పీ వసంత లక్ష్మీ మాట్లాడుతూ.. ఎప్పుడు విదేశాలకి ప్రయాణం చెయ్యలేదని ఈనాడు కెనడా వచ్చిన అనుభూతి కలిగిందని చెప్పారు. చక్కని ఆత్మీయమైన మాటలతో, పాటతో వారు అందరినీ అలరింపజేశారు.

తెలుగు తల్లి కెనడా లక్ష్మీ రాయవరపు గొప్ప జాతీయవాది. తెలుగు జాతి అభిమాని. లక్ష్మీ మాట్లాడుతూ.. మన తెలుగు భాషలో ఎన్నో గొప్ప భక్తి గీతాలు, మహాభారతం, రామాయణం, భాగవతం ఎన్నో ఉన్నాయి. అన్నమయ్యకు పదకవితా పితామహుడు అని బిరుదు ఉంది.

తిరుమల శ్రీ వేంకటేశ్వరస్వామి, అహోబిలంలోని నరసింహస్వామిని కీర్తిస్తూ 32 వేలకు పైగా కీర్తనలు రచించారు. అన్నమయ్య పాటలు, పదాలు, పద్యాలలో భక్తి, సాహిత్యం, పెనవేసికొని ఉంటాయి. తెలుగు భాషకి అత్యున్నత వైభవం అన్నమయ్య కృతులు దేశ విదేశాలకు పరిచయం చేయాలనే సంకల్పం.

తెలుగు తల్లి కెనడా సంస్థకు సహకరిస్తున్న పత్రిక కమిటీని, వివాహ వేదిక కమిటీని, యూట్యూబ్ కమిటీని , పిల్లల మాసపత్రిక గడుగ్గాయి కమిటీని పరిచయం చేస్తూ తెలుగుతల్లి కెనడా లక్ష్మీ రాయవరపు ప్రతి సంవత్సరం ఈ వేడుకలు వివిధ ప్రదేశాలలో జరుగుతున్నప్పటికీ, దేశవ్యాప్తంగా ఒక వేదిక మీద జరగడం గత సంవత్సరం మొదలు పెట్టారు.

త్యాగరాజ ఉత్సవాల్లో గుర్తింపు పొందిన ఒక సీనియర్ గాయని\ గాయకునికి జీవన సాఫల్య పురస్కారం అందించడం ఎంతో అదృష్టం గా భావిస్తున్నామని తెలుగుతల్లి కెనడా నిర్వాహకులు పేర్కొన్నారు.

తెలుగు తల్లి కెనడా వెబ్ మాసపత్రికతో పాటు ప్రతినెలా అనేక సాంస్కృతిక కార్యక్రమాలు నిర్వహించడం ద్వారా దేశంలో ఉన్న ప్రతిభావంతులైన వారందరినీ ఒక చోట చేర్చడం తన లక్ష్యమని తెలుగుతల్లి కెనడా వ్యవస్థాపకులు లక్ష్మీ రాయవరపు తెలిపారు. అతిథులకు భాస్కర వర్మ వందన సమర్పణతో మొదటి సభ ముగిసి, 10 గంటల పాటు 108 విలక్షణమైన అన్నమయ్య కీర్తనలు 4 నృత్యాలు, వీణా వాదనలతో కెనడా ప్రతిభ చూపరులను కదలకుండా కట్టి పడేసింది. భారత, కెనడా, అమెరికా దేశాల నుంచి పలువురు ప్రముఖ నాయకులు హర్షం వ్యక్తం చేశారు.