Gold Rates | నిలకడగా బంగారం ధరలు.. నేడు హైదరాబాద్‌లో ధరలు ఇలా..!

బంగారం, వెండి ధరలు బులియన్‌ మార్కెట్‌లో నిలకడగా కొనసాగుతున్నాయి. 22 క్యారెట్ల పసిడి తులం రూ.58వేలు ఉండగా.. 24 క్యారెట్ల బంగారం రూ.63,270 పలుకుతున్నది

Gold Rates | బంగారం, వెండి ధరలు బులియన్‌ మార్కెట్‌లో నిలకడగా కొనసాగుతున్నాయి. 22 క్యారెట్ల పసిడి తులం రూ.58వేలు ఉండగా.. 24 క్యారెట్ల బంగారం రూ.63,270 పలుకుతున్నది. దేశంలోని వివిధ నగరాల్లో బంగారం ధరలను పరిశీలిస్తే.. చెన్నైలో 22 క్యారెట్ల బంగారం రూ.58,500 ఉండగా.. 24 క్యారెట్ల బంగారం రూ.63,820 వద్ద స్థిరంగా ఉన్నది. ముంబయిలో 22 క్యారెట్ల బంగారం రూ.58వేలు ఉండగా.. 24 క్యారెట్ల పుత్తడి రూ.63,270 వద్ద నిలకడగా కొనసాగుతున్నది.

ఢిల్లీలో 22 క్యారెట్ల పుత్తడి రూ.58,150 ఉండగా.. 24 క్యారెట్ల బంగారం రూ.63,420 వద్ద స్థిరంగా ఉన్నది. హైదరాబాద్‌లో 22 క్యారెట్ల పసిడి రూ.58వేలు ఉండగా.. 24 క్యారెట్ల గోల్డ్‌ రూ.63,270 పలుకుతున్నది. ఏపీలోని విజయవాడ, తిరుపతి, విశాఖపట్నం నగరాల్లోనూ ఇవే ధరలు కొనసాగుతున్నాయి. మరో వైపు వెండి ధరలు సైతం స్థిరంగా ఉన్నాయి. కిలో ధర రూ.76,500 ఉండగా.. హైదరాబాద్‌లో బంగారం ధర కిలోకు రూ.78వేల వద్ద కొనసాగుతున్నది.

వాస్తవానికి ప్రపంచవ్యాప్తంగా జరిగే వివిధ పరిణామాలపైనే ధరలు ఆధారపడి ఉంటాయి. ఈ క్రమంలోనే అంతర్జాతీయంగా ధరలు పెరిగినా, తగ్గినా ఆ ప్రభావం భారత మార్కెట్లపై సైతం ఉంటుంది. ద్రవ్యోల్బణం, సెంట్రల్‌ బ్యాంకుల నిర్ణయాలు, వడ్డీ రేట్లలో మార్పులు, మార్కెట్లలో బంగారానికి ఉన్న డిమాండ్‌ తదితర కారణాల నేపథ్యంలో బంగారం ధరలు మారుతూ వస్తుంటాయి.