వరుసగా రెండోరోజు తగ్గిన బంగారం..! తులం ఎంతున్నదంటే..!

మహిళలకు బంగారం ధరలు ఊరటిస్తున్నాయి. మొన్నటి వరకు అమాంతం పెరిగిన ధరలు ప్రస్తుతం దిగివస్తున్నాయి

Gold Rates | మహిళలకు బంగారం ధరలు ఊరటిస్తున్నాయి. మొన్నటి వరకు అమాంతం పెరిగిన ధరలు ప్రస్తుతం దిగివస్తున్నాయి. వరుసగా రెండోరోజు బుధవారం బులియన్‌ మార్కెట్‌లో బంగారం ధరలు తగ్గుముఖం పట్టాయి. 22 క్యారెట్ల గోల్డ్‌పై రూ.100 తగ్గి తులానికి రూ.57,700కి చేరింది. ఇక 24 క్యారెట్ల పసిడిపై రూ.100 పతనమై తులానికి రూ.62,950కి తగ్గింది. అదే సమయంలో వెండి స్వల్పం పెరిగింది. ఇక దేశంలోని వివిధ నగరాల్లోనూ బంగారం ధరలను పరిశీలిస్తే.. చెన్నైలో 22 క్యారెట్ల బంగారం రూ.58,200 ఉండగా.. 24 క్యారెట్ల పసిడి రూ.63,490 పలుకుతున్నది.

ముంబయిలో 22 క్యారెట్ల బంగారం రూ.57,700 ఉండగా.. 24 క్యారెట్ల గోల్డ్‌ రూ.62,950కి దిగివచ్చింది. దేశ రాజధాని ఢిల్లీ నగరంలో 22 క్యారెట్ల పుత్తడి రూ.57,850 ఉండగా.. 24 క్యారెట్ల బంగారం రూ.63,100కి చేరింది. హైదరాబాద్‌లో 22 క్యారెట్ల పసిడి రూ.57,700 ఉండగా.. 24 క్యారెట్ల బంగారం రూ.62,950 పలుకుతున్నది. ఏపీలోని విజయవాడ, తిరుపతి, విశాఖపట్నం నగరాల్లోనూ ఇవే ధరలు కొనసాగుతున్నాయి. మరో వైపు వెండి షాకిచ్చింది. రూ.200 పెరిగి కిలో ధర రూ.76,600 ఎగిసింది. ప్రస్తుతం హైదరాబాద్‌లో కిలో ధర రూ.78వేలుగా ఉన్నది.