SSMB28 | మహేష్ బాబు- త్రివిక్రమ్ ‘అమ్మ ఒడి’.. YCP క్యాడర్‌లో జోష్

విధాత‌: ఆంధ్రప్రదేశ్ రాజకీయాల్లో సినిమా ఫ్లేవర్ కాస్త ఎక్కువే ఉంటుంది. సినిమాల్లో పొలిటికల్ డైలాగ్స్ వాడడం.. నేరుగా సినిమా యాక్టర్లు పాలిటిక్స్‌లోకి రావడం ఇదంతా కొన్నేళ్లుగా ఉన్నదే. ఇప్పుడు కూడా బాలయ్య బాబు తన సినిమాల్లో పొలిటికల్ డైలాగ్స్ ఉండేలా చూసుకుంటాడు. ఇదంతా ఓకే గానీ ఇప్పుడు సూపర్ స్టార్ మహేష్ బాబు.. త్రివిక్రమ్ శ్రీనివాస్ డైరెక్షన్‌లో వచ్చే (SSMB28) కొత్త సినిమాకు సీఎం జగన్ అమలు చేస్తున్న పాపులర్ పథకానికి లింక్ కుదిరినట్లు చెబుతున్నారు. వాస్తవానికి […]

విధాత‌: ఆంధ్రప్రదేశ్ రాజకీయాల్లో సినిమా ఫ్లేవర్ కాస్త ఎక్కువే ఉంటుంది. సినిమాల్లో పొలిటికల్ డైలాగ్స్ వాడడం.. నేరుగా సినిమా యాక్టర్లు పాలిటిక్స్‌లోకి రావడం ఇదంతా కొన్నేళ్లుగా ఉన్నదే. ఇప్పుడు కూడా బాలయ్య బాబు తన సినిమాల్లో పొలిటికల్ డైలాగ్స్ ఉండేలా చూసుకుంటాడు.

ఇదంతా ఓకే గానీ ఇప్పుడు సూపర్ స్టార్ మహేష్ బాబు.. త్రివిక్రమ్ శ్రీనివాస్ డైరెక్షన్‌లో వచ్చే (SSMB28) కొత్త సినిమాకు సీఎం జగన్ అమలు చేస్తున్న పాపులర్ పథకానికి లింక్ కుదిరినట్లు చెబుతున్నారు.

వాస్తవానికి సూపర్ స్టార్ కృష్ణకు వైఎస్ రాజశేఖర్ రెడ్డి అంటే అభిమానం. మహేష్ బాబు కూడా జగన్ అంటే అభిమానం. భరత్ అనే నేను సినిమాలో మహేష్ (Hero Mahesh Babu) సీఎంగా నటించారు. ఈ సినిమాలో మహేష్ పాత్రను సీఎం జగన్ రియల్ క్యారెక్టర్‌తో పోలిక పెట్టుకుని సంతోషించారు.

ఆ సినిమాలో మహేష్ తీసుకునే విప్లవాత్మక నిర్ణయాలు అచ్చం సీఎం జగన్ (YS Jagan Mohan Reddy) తీసుకునే నిర్ణయాల్లాగా ఉన్నాయని ఇప్పటికీ అంటూ ఉంటారు. ఈ సినిమాలో డైలాగ్స్ ని ఇప్పటికీ జగన్ సహా ఇతర వైసీపీ నాయకుల కోసం వాడుకుంటారు. అది వైసీపీలో మహేష్ కి ఉన్న క్రేజ్.

సర్కారు వారి పాట సినిమాలో కూడా జగన్ డైలాగ్ నేను విన్నాను, నేను ఉన్నాను అనే జగన్ డైలాగ్ నిజ జీవితంలో ఎంత ప్రాచుర్యం పొందిందో అందరికీ తెలిసిందే. ఇక ఇదే డైలాగ్ ను మహేష్ తన సినిమాలో వాడి జగన్, మహేష్ కామన్ ఫ్యాన్స్ కి విపరీతమైన కిక్ ఇచ్చారు. తాజాగా మహేష్ బాబు మరోసారి జగన్ పై ఉన్న అభిమానాన్ని చాటుకోబోతున్నట్లు తెలుస్తోంది.

త్రివిక్రమ్ శ్రీనివాస్ (Trivikram Srinivas) దర్శకత్వంలో తెరకెక్కుతున్న ఎస్ఎస్ఎంబీ 28వ సినిమా కోసం జగన్ పథకం పేరును టైటిల్‌గా ఫిక్స్ చేసినట్లు ఉన్నట్లు వార్తలు వస్తున్నాయి. త్రివిక్రమ్ శ్రీనివాస్‌కి ‘అ’ సెంటిమెంట్ ఎక్కువ. తన సినిమాలకు ఎక్కువగా అ అనే అక్షరంతో మొదలయ్యే టైటిల్సే ఉంటాయి.

అమ్మ సెంటిమెంట్ తో తెరకెకెక్కుతున్న ఈ సినిమాకి అమ్మ ఒడి అనే టైటిల్ అయితే బావుంటుందని ఈ పేరే ఖాయం చేసినట్లు తెలుస్తోంది. ఈ వార్త వైసీపీ వర్గాల్లో విపరీతమైన జోష్ నింపింది. ప్రస్తుతం ఈ వార్త సోషల్ మీడియాలో వైరల్ అవుతోంది. దీనిపై చిత్ర బృందం ఇంకా అధికారిక ప్రకటన ఇవ్వలేదు.