MLC Kaushik Reddy | ఎమ్మెల్సీ కౌశిక్ రెడ్డికి త‌ప్పిన ప్ర‌మాదం.. చెట్టును ఢీ కొట్టిన వాహనం

ద్విచక్ర వాహనాన్ని తప్పించబోయి చెట్టును ఢీ కొట్టిన ఫార్చునర్ బెలూన్ ఓపెన్ కావడంతో ప్రమాదం నుంచి బయటపడిన ఎమ్మెల్సీ విధాత బ్యూరో, కరీంనగర్: ఎమ్మెల్సీ పాడి కౌశిక్ రెడ్డి (MLC Kaushik Reddy) వాహనానికి ప్రమాదం జరిగింది. కారులో బెలూన్స్ ఓపెన్ కావడంతో ముప్పు తప్పింది. కరీంనగర్ జిల్లా మానకొండూరు మండలం గట్టుదుద్దెనపల్లి వద్ద ఈ ఘటన చోటుచేసుకుంది. 2కే రన్‌కు హాజరయ్యేందుకు ఎమ్మెల్సీ కౌశిక్ రెడ్డి సోమవారం హైదరాబాద్ నుండి హూజూరాబాద్‌కు వెళ్తున్న క్రమంలో ఈ […]

• ద్విచక్ర వాహనాన్ని తప్పించబోయి చెట్టును ఢీ కొట్టిన ఫార్చునర్
• బెలూన్ ఓపెన్ కావడంతో ప్రమాదం నుంచి బయటపడిన ఎమ్మెల్సీ

విధాత బ్యూరో, కరీంనగర్: ఎమ్మెల్సీ పాడి కౌశిక్ రెడ్డి (MLC Kaushik Reddy) వాహనానికి ప్రమాదం జరిగింది. కారులో బెలూన్స్ ఓపెన్ కావడంతో ముప్పు తప్పింది. కరీంనగర్ జిల్లా మానకొండూరు మండలం గట్టుదుద్దెనపల్లి వద్ద ఈ ఘటన చోటుచేసుకుంది. 2కే రన్‌కు హాజరయ్యేందుకు ఎమ్మెల్సీ కౌశిక్ రెడ్డి సోమవారం హైదరాబాద్ నుండి హూజూరాబాద్‌కు వెళ్తున్న క్రమంలో ఈ ప్రమాదం జరిగింది.

ఎదురుగా ఉన్న టూవీలర్‌ను తప్పించబోయి కౌశిక్ రెడ్డి ప్రయాణిస్తున్న ఫార్చునర్ వాహనం పొలాల్లోకి దూసుకెళ్లి ఓ చెట్టును ఢీకొట్టింది. బెలూన్స్ ఓపెన్ కావడంతో పెను ముప్పు తప్పగా.. ఊపిరి పీల్చుకున్న కౌశిక్ ఆ తర్వాత తన ఎస్కార్ట్ వెహికిల్ ఎక్కి హుజూరాబాద్ వెళ్లిపోయారు. అయితే, ఎదురుగా బైక్ పై ఉన్న వ్యక్తికి గాయాలు కాగా.. అతణ్ని ఆసుపత్రికి తరలించారు.