TCSS | అంతర్జాతీయ వేదికపై TCSS ‘బతుకమ్మ’ ఆట

TCSS | విధాత‌: ప్రపంచ ప్రఖ్యాతి గాంచిన కేరళలోని త్రిసూర్ పూరమ్ వార్షిక సాంస్కృతిక ఉత్సవాల ప్రేరణగా సింగపూర్‌లో కూడా స్థానిక 'గార్డెన్స్ బై ది బే' లోని 'ది మీడోస్'లో 28 మే 2023, ఆదివారం 'సింగపూర్ పూరమ్' పేరిట 2019 నుండి పూరమ్ కార్యవర్గ సభ్యులు నిర్వహిస్తున్నారు. కానీ కొవిడ్ నిబంధనల కారణంగా గత రెండు సంవత్సరాలుగా నిర్వహించడం వీలు కాలేదు. కానీ అన్ని కోవిడ్ నిబంధనలు తొలగించిన అనంతరం ఈ ఏడాది వేడుకలు […]

TCSS |

విధాత‌: ప్రపంచ ప్రఖ్యాతి గాంచిన కేరళలోని త్రిసూర్ పూరమ్ వార్షిక సాంస్కృతిక ఉత్సవాల ప్రేరణగా సింగపూర్‌లో కూడా స్థానిక ‘గార్డెన్స్ బై ది బే’ లోని ‘ది మీడోస్’లో 28 మే 2023, ఆదివారం ‘సింగపూర్ పూరమ్’ పేరిట 2019 నుండి పూరమ్ కార్యవర్గ సభ్యులు నిర్వహిస్తున్నారు. కానీ కొవిడ్ నిబంధనల కారణంగా గత రెండు సంవత్సరాలుగా నిర్వహించడం వీలు కాలేదు.

కానీ అన్ని కోవిడ్ నిబంధనలు తొలగించిన అనంతరం ఈ ఏడాది వేడుకలు ఎంతో ఘనంగా నిర్వహించడం జరిగింది. ఈ కన్నుల పండుగ గా జరిగిన వేడుకల్లో సింగపూర్‌లో నివసిస్తున్న‌ వివిధ భారతీయ రాష్ట్రాలుకు చెందిన వారు తమ తమ రాష్ట్రాలకు చెందిన సాంప్రదాయ కళలను ప్రదర్శించడం జరిగింది.

ఈ వేడుకల్లో భాగంగా తెలంగాణ రాష్ట్రానికి చెందిన బతుకమ్మను తెలంగాణ కల్చరల్ సొసైటీ (సింగపూర్) మహిళా విభాగానికి చెందిన వారందరు కలిసి అంతర్జాతీయ వేదికపై మన తెలంగాణ గుండె చప్పుడు బతుకమ్మ ఆట పాటలను ప్రదర్శించడం జరిగింది.

ప్రపంచంలో అందరు పూలతో పూజిస్తే ఆ పూలనే పూజించే మన తెలంగాణ యొక్క ప్రత్యేక సంప్రదాయానికి ప్రేక్షకులు ముగ్దులయ్యారు. ఈ వేడుకల్లో బతుకమ్మ ప్రదర్శనకు అవకాశం ఇచ్చిన సింగపూర్ పూరమ్ 2023 కార్యవర్గ సభ్యులకు తెలంగాణ కల్చరల్ సొసైటీ సభ్యులు కృతజ్ఞతలు తెలియజేశారు.

బతుకమ్మ ఆటను ఈ వేడుకల్లో ప్రదర్శించిన వారిలో సొసైటీ ఉపాధ్యక్షురాలు, సునీతా రెడ్డి, మహిళా విభాగ సభ్యులు గడప స్వాతి, బసిక అనిత రెడ్డి, జూలూరి పద్మజ, రాధికా రాణి నల్ల, దీప నల్లా, కాసర్ల వందన, నడికట్ల కళ్యాణి, సృజన వెంగళ, బొందుగుల ఉమా రాణి, సౌజన్య మాదారపు, గర్రెపల్లి కస్తూరి, కల్వ కవిత, రోహిణి గజ్జల, స్వప్న కైలాసపు, కీర్తి ముగ్దసాని, నాగుబండి శ్రీలత, మంచికంటి స్వప్న, బవిరిశెట్టి కృష్ణ చైతన్య, మడిచెట్టి సరిత, సుజాత తరిగొండ మరియు శిల్ప రాజేష్ ఉన్నారు.

పూరమ్ నిర్వాహకులు మాట్లాడుతూ ఈ సాంస్కృతిక పండుగలో పాల్గొని ఈ కొత్త సంప్రదాయాన్ని తోటి ప్రవాస భారతీయులతో పాటు, సింగపూర్ స్థానికులకు పరిచయం చేయడం లో ప్రత్యేక శ్రద్ధ కనబరుస్తున్న తెలంగాణ కల్చరల్ సొసైటీ సభ్యలను అభినందించారు.

ఈ వేడుకల్లో ముఖ్య అతిధి సింగపూర్ దేశ ఆర్థిక మరియు జాతీయ అభివృద్ధి శాఖల కు ద్వితీయ మంత్రి గా సేవలు అందజేస్తున్న భారతీయ మూలాలు గల ఇంద్రాణి రాజా గారు వచ్చి ఈ కార్యక్రమ నిర్వాహకుల ను మరియు కళాకారుల ను అభినందించారు.