18-03-2024 సోమ‌వారం రాశిఫ‌లాలు.. ఆ రాశుల వారికి ఈ రోజు ఎంతో అనుకూలం..!

జ్యోతిషం, రాశిఫ‌లాల‌ను చాలా మంది న‌మ్ముతుంటారు. రోజు వారి రాశి ఫ‌లాల‌ను చూసుకున్న త‌ర్వాతే చాలా మంది త‌మ కార్య‌క్ర‌మాల‌ను ప్రారంభిస్తుంటారు. ఏయే రాశివారు ఆ రాశి ఫ‌లాల‌కు అనుగుణంగా ముంద‌డుగు వేస్తారు. మ‌రి నేటి రాశి ఫ‌లాలు ఏ విధంగా ఉన్నాయో తెలుసుకుందాం..

జ్యోతిషం, రాశిఫ‌లాల‌ను చాలా మంది న‌మ్ముతుంటారు. రోజు వారి రాశి ఫ‌లాల‌ను చూసుకున్న త‌ర్వాతే చాలా మంది త‌మ కార్య‌క్ర‌మాల‌ను ప్రారంభిస్తుంటారు. ఏయే రాశివారు ఆ రాశి ఫ‌లాల‌కు అనుగుణంగా ముంద‌డుగు వేస్తారు. మ‌రి నేటి రాశి ఫ‌లాలు ఏ విధంగా ఉన్నాయో తెలుసుకుందాం..

మేషం : ఈ రాశి వారికి ఈరోజు ఎంతో అనుకూలం. ఉన్నదాంట్లో సంతృప్తి చెందుతారు. సంతోషంగా ఉంటారు. మీరు నిర్ణయించుకున్న భవిష్యత్​ ప్రణాళికల దిశగా ముందుకు సాగుతారు. మీ భాగస్వామితో విందు వినోదాలలో పాల్గొంటారు. వివాదాలకు దూరంగా ఉంటే మంచిది.

వృషభం : వృషభరాశి వారు ఈ రోజు పని ఒత్తిడి నుంచి కొంత విరామం తీసుకొని సరదాగా, ప్రశాంతంగా గడపడం వలన మనసుకు శాంతి లభిస్తుంది. మీ స్నేహితులు, కుటుంబ సభ్యులతో విందు వినోదాలలో పాల్గొని సరదాగా గడుపుతారు. ఒక విందు భోజనం మీకు సంతృప్తిని ఇస్తుంది.

మిథునం : మిథునరాశి వారికి ఈ రోజు పని ఒత్తిడి పెరిగే సూచనలు ఉన్నాయి. మీ శక్తియుక్తులతో ఒత్తిడిని అధిగమిస్తారు. ఒత్తిడిని అధిగమించడానికి ధ్యానం చేయండి. తద్వారా మనస్సుకు ప్రశాంతంగా దొరుకుతుంది. దేవాలయ సందర్శన మేలు చేస్తుంది.

కర్కాటకం : కర్కాటకరాశి వారు ఈరోజంతా ఉల్లాసంగా, ఉత్సాహంగా ఉంటారు. కొత్త కొత్త వంటకాలు చేసి కుటుంబ సభ్యుల ప్రశంసలను పొందుతారు. ఇంటికి అతిథుల రాకతో పండగ వాతావరణం నెలకొంటుంది. కాలం సరదాగా గడిచిపోతుంది.

సింహం : సింహరాశి వారికి ఈరోజంతా లాభదాయకంగా ఉంటుంది. స్నేహితులు, సహోద్యోగుల సహకారం అందుతుంది. విహారయాత్రకు వెళ్లే అవకాశం ఉంది. అవకాశాలు చేజారిపోకుండా జాగ్రత్త పడండి. దీంతో మీరు పొందే ఆనందానికి అవధులు ఉండవు.

కన్య : కన్యారాశి వారికి ఈరోజు పనిభారం ఎక్కువగా ఉంటుంది. సహనంతో ఉంటే పనులు సకాలంలో పూర్తి అవుతాయి. విశ్రాంతి తీసుకొని ప్రశాంతంగా ఉంటే మంచిది. ప్రేమికులు కొత్త జీవితాన్ని ప్రారంభించేందుకు ముందడుగు వేస్తారు.

తుల : తులారాశి వారికి ఈరోజు అనుకూలంగా ఉంది. మీరు పనిచేసే రంగంలో చక్కని సామర్ధ్యాన్ని, నైపుణ్యాన్ని ప్రదర్శించి అందరిని ఆకట్టుకుంటారు. కళల పట్ల అభిరుచి పెరుగుతుంది. నూతన వస్తువులను కొనుగోలు చేస్తారు.

వృశ్చికం : వృశ్చికరాశి వారికి ఈరోజు పని ఒత్తిడి ఎక్కువగా ఉంటుంది. అయితే ఈ ఒత్తిడిని మీరు సమర్ధంగా ఎదుర్కొంటారు. ఒత్తిడిని పారదోలేందుకు యోగా, ధ్యానం వంటి పనులు చేయండి. మంచి ఆహ్లాదకరమైన సంగీతాన్ని వింటే మనసుకు ప్రశాంతత లభిస్తుంది.

ధనుస్సు : ధనుస్సురాశి వారికి ఈరోజు అనేక సమస్యలు ఎదురయ్యే అవకాశం ఉంది. అయితే కష్టాలు నిత్యం ఉండవనే విషయాన్ని గుర్తుంచుకోండి. మీ చాకచక్యంతో, నేర్పుగా సమస్యలను పరిష్కరించుకుంటారు.

మకరం : ఈ రాశి వారికి ఈరోజు ఏ పని చేపట్టినా విజయం సిద్ధిస్తుంది. వ్యాపార విస్తరణ పనులు లాభదాయకంగా ఉంటాయి. ఆర్థికపరమైన లావాదేవీలు అనుకూలంగా సాగుతాయి. వ్యాపారంలో అడ్డంకులు తొలగుతాయి.

కుంభం : కుంభరాశి వారికి ఈరోజు ప్రయాణం చేసే సూచనలు కనిపిస్తున్నాయి. అయితే ఈ ప్రయాణం ఒంటరిగా చేస్తేనే మంచిది. రకరకాల అభిరుచులున్న వ్యక్తులను మీ వెంట తీసుకెళ్తే వారి ప్రాధాన్యాల కారణంగా మీరు ఇబ్బంది పడే అవకాశం ఉంది.

మీనం : ఈ రాశి వారికి ఈరోజు సాధారణ ఫలితాలు గోచరిస్తున్నాయి. నూతన పనులు ప్రారంభిస్తే అనుకూలిస్తాయి. తొందరపాటు నిర్ణయాలు వద్దు. పని ప్రదేశంలో పోటీ వాతావరణం నెలకొంటుంది. ఈ పోటీని మీదైన శైలితో సునాయాసంగా గెలుస్తారు. ఇతరులతో మాట్లాడేటప్పుడు జాగ్రత్త వహించండి.