మగువలకు గుడ్‌న్యూస్‌.. బంగారం ధర తగ్గింది..! నేడు హైదరాబాద్‌లో ధరలు ఇలా..!

మగువలకు తీపికబురు. ఇటీవల పెరుగుతూ వచ్చిన బంగారం ధరలు మరోసారి స్వల్పంగా తగ్గాయి. 22 క్యారెట్ల పుత్తడి రూ.150 వరకు తగ్గి.. తులానికి రూ.56,100 పలుకుతుంది. అదే సమయంలో 24 క్యారెట్ల గోల్డ్‌ రూ.160 మేర తగ్గడంతో తులానికి రూ.61,200 వద్ద ట్రేడవుతున్నది. మరో వైపు వెండి సైతం కిలోకు రూ.1000 తగ్గింది. దేశంలోని వివిధ నగరాల్లో బంగారం ధరలను పరిశీలిస్తే ఢిల్లీలో 22 క్యారెట్ల బంగారం రూ.56,250 ఉండగా.. 24 క్యారెట్ల గోల్డ్‌ రూ.61,350కి తగ్గింది.

ముంబయిలో 22 క్యారెట్ల పుత్తడి రూ.56,100 ఉండగా.. 24 క్యారెట్ల స్వర్ణం రూ.61,200 వద్ద కొనసాగుతున్నది. చెన్నైలో 22 క్యారెట్ల పసిడి రూ.56,600 ఉండగా.. 24 క్యారెట్ల ధర రూ.61,750 పలుకుతున్నది. బెంగళూరులో 22 క్యారెట్ల బంగారం రూ.56,100 ఉండగా.. 24 క్యారెట్ల గోల్డ్‌ రూ.61,200కి తగ్గింది. హైదరాబాద్‌లో 22 క్యారెట్ల పసిడి రూ.56,100 ఉండగా.. 24 క్యారెట్ల గోల్డ్‌ రూ.61,200 పలుకుతున్నది. ఏపీలోని విజయవాడ, విశాఖపట్నం, తిరుపతి నగరాల్లోనూ ఇవే ధరలు కొనసాగుతున్నాయి. మరో వైపు కిలో వెండి ధర రూ.1000 తగ్గింది. కిలో వెండి హైదరాబాద్‌లో రూ.76,500 పలుకుతున్నది.