Horoscope | శుక్ర‌వారం రాశిఫ‌లాలు.. ఈ రాశివారికి జీవిత భాగ‌స్వామితో మ‌న‌స్ప‌ర్థ‌లు..!

Horoscope | జ్యోతిషం అంటే నమ్మకం. మనకు అంతా మంచే జరగాలని కోరుకుంటాం. అందువల్ల ఈరోజు మన రాశి ఫలాలు ఎలా ఉన్నాయని చూసుకునే వారు చాలామంది ఉంటారు. అలాంటివారికోసం నేటి రాశి ఫలాలు ఎలా ఉన్నాయో తెలుసుకుందాం..

మేషం (Aries)

వృత్తి ఉద్యోగాలలో ఆటంకాలతో నిరాశ నిస్పృహలతో ఉంటారు. ఏ పని మీద ఆసక్తి లేకుండా ఉంటుంది. ప్రారంభించిన పనుల్లో ఉత్సాహం తగ్గకుండా చూసుకోండి. కోపావేశాలు, దూకుడు తగ్గించుకుంటే మంచిది. చిన్న సమస్యలను కూడా భూతద్దంలో చూడవద్దు.

వృషభం (Taurus)

ధనధాన్య లాభాలున్నాయి. కీలక వ్యవహారాల్లో తొందరపాటు నిర్ణయాలతో నష్టం కలగవచ్చు. ఉద్యోగ వ్యాపారాలలో ప్రతికూల పరిస్థితులు ఉండవచ్చు కాబట్టి అప్రమత్తంగా ఉండాలి. కొత్త కార్యక్రమాల జోలికి పోవద్దు. ప్రయాణాలు ఫలవంతం. ఆరోగ్యం బాగుంటుంది.

మిథునం (Gemini)

పట్టుదలతో ఆటంకాలు అధిగమించి వృత్తిపరంగా శుభ ఫలితాలు సాధిస్తారు. ఆర్థికంగా శుభయోగాలున్నాయి. స్నేహితులతో, కుటుంబ సభ్యులతో విహారయాత్రలకు వెళ్లారు. కీర్తి ప్రతిష్ఠలు పెరుగుతాయి. జీవిత భాగస్వామితో మంచి సమయం గడుపుతారు.

కర్కాటకం (Cancer)

తలపెట్టిన పనుల్లో విజయం సిద్ధిస్తుంది. కుటుంబ వాతావరణం ఆనందోత్సాహాలతో నిండి ఉంటుంది. ఉద్యోగులు తమ ప్రతిభకు ప్రశంసలు, పదోన్నతులు అందుకుంటారు. వ్యాపారులకు రాబడి పెరుగుతుంది. పోటీదారులపై విజయం సాధిస్తారు.

సింహం (Leo)

ఆర్థిక పరిస్థితి మెరుగ్గా ఉంటుంది. కీలక వ్యవహారాల్లో పురోగతి ఉంటుంది. ఆత్మీయులతో సంతోషంగా గడుపుతారు. ఉద్యోగ వ్యాపారాలు లాభదాయకంగా ఉంటాయి. నూతన బాధ్యతలు స్వీకరిసారు. స్నేహితుల నుంచి ఆర్థిక లబ్ధి ఉండవచ్చు.

కన్య (Virgo)

కుటుంబ సభ్యుల అనారోగ్యం ఆందోళన కలిగిస్తుంది. అవమానకర పరిస్థితులకు దూరంగా ఉండండి. ముఖ్యమైన వ్యవహారాలు వాయిదా వేస్తే మంచిది. చేపట్టిన పనుల్లో శ్రమ, ఒత్తిడి పెరుగుతాయి. వృత్తి ఉద్యోగాలలో ఏకాగ్రత, పట్టుదల అవసరం.

తుల (Libra)

ఆర్థికంగా శుభ ఫలితాలు ఉంటాయి. విదేశాల నుంచి శుభవార్త అందుకుంటారు. కొత్త పనులు ప్రారంభించడానికి, నూతన పెట్టుబడులు పెట్టడానికి ఈ రోజు శుభప్రదం. సోదరులతోనూ, రక్త సంబంధీకులతోనూ అనుబంధం దృఢ పడుతుంది. కుటుంబంతో తీర్థయాత్రలకు వెళ్తారు.

వృశ్చికం (Scorpio)

వృత్తి ఉద్యోగాలలో ఆటంకాలు బుద్ధిబలంతో అధిగమిస్తారు. ఆర్థిక లాభాలు ఆశించిన స్థాయిలో ఉండకపోవచ్చు. కుటుంబ సభ్యులతో వాదనలు, కలహాలు పెరుగుతాయి. జీవిత భాగస్వామితో మనస్పర్థలు రాకుండా జాగ్రత్త పడండి. ప్రతికూల ఆలోచనలు వీడితే మంచిది.

ధనుస్సు (Sagittarius)

ఉద్యోగంలో హోదా పెరగవచ్చు. సమాజంలో పలుకుబడి, పరపతి పెరుగుతుంది. పట్టుదలతో అనుకున్నది సాధిస్తారు. చేపట్టిన పనుల్లో శ్రమ పెరగకుండా జాగ్రత్త పడండి. ఆదాయం సంతృప్తికరంగా ఉంటుంది. ఇంట్లో శుభకార్యం జరిగే అవకాశం వుంది.

మకరం (Capricorn)

ఈ రోజు సామాన్యంగా ఉంటుంది. మొదలు పెట్టిన పనుల్లో వ్యతిరేక ఫలితాలు నిరుత్సాహ పరుస్తాయి. సామాజిక, దైవ కార్యకలాపాల పైన అధికంగా ఖర్చు చేస్తారు. ఓ వ్యవహారంలో డబ్బు నష్టపోవడం జరుగుతుంది. సన్నిహితులు, ప్రియమైనవారితో కలహాలు ఏర్పడవచ్చు.

కుంభం (Aquarius)

కుంభరాశి వారికి ఈ రోజు అద్భుతంగా ఉంటుంది. విశేషమైన ఆర్థిక లాభాలు ఉంటాయి. ఉద్యోగ మార్పుకు, కొత్త వ్యాపారాలు ప్రారంభించడానికి అనుకూలమైన సమయం. ముఖ్యంగా వ్యాపారులకు ఈ రోజు ఫలవంతంగా ఉంటుంది.

మీనం (Pisces)

ఈ రోజు అనుకూలంగా ఉంటుంది. కుటుంబ వాతావరణం ఆహ్లాదకరంగా ఉంటుంది. చేపట్టిన పనులు సకాలంలో పూర్తవుతాయి. ఉద్యోగులకు తమ పై అధికారుల సహకారం ఉంటుంది. వ్యాపారులు, సేవారంగం వారికి శుభ ఫలితాలు ఉంటాయి. పితృ వర్గం నుంచి ఆర్థిక లబ్ది ఉండవచ్చు.