అంత‌రిక్షంలోకి జారిపోయిన టూల్ కిట్.. రేపు ఆకాశంలో క‌న‌ప‌డే అవ‌కాశం!

అంత‌ర్జాతీయ అంత‌రిక్ష కేంద్రం (ఐఎస్ఎస్‌) నుంచి అంత‌రిక్షంలోకి జారిపోయిన శాస్త్రవేత్త‌ల టూల్‌కిట్‌ (NASA Tool Bag) కు సంబంధించి నాసా (NASA) కీల‌క ప్ర‌క‌ట‌న చేసింది

అంత‌రిక్షంలోకి జారిపోయిన టూల్ కిట్.. రేపు ఆకాశంలో క‌న‌ప‌డే అవ‌కాశం!

విధాత‌: అంత‌ర్జాతీయ అంత‌రిక్ష కేంద్రం (ఐఎస్ఎస్‌) నుంచి అంత‌రిక్షంలోకి జారిపోయిన శాస్త్రవేత్త‌ల టూల్‌కిట్‌ (NASA Tool Bag) కు సంబంధించి నాసా (NASA) కీల‌క ప్ర‌క‌ట‌న చేసింది. ఈ కిట్‌ మంగ‌ళ‌వారం (న‌వంబ‌ర్ 21న‌) భూమిపై ఉన్న‌వారికి క‌నిపిస్తుంద‌ని తెలిపింది.


అయితే బ్రిట‌న్ వాసుల‌కే ఈ అదృష్టం ద‌క్క‌నుంది. వారు ఉన్న ప్రాంతంపైకి మంగ‌ళ‌వారం అది ద‌గ్గ‌ర‌గా రానుండ‌టంతో ఎటువంటి ప్ర‌త్యేక ప‌రిక‌రాల సాయం లేకుండా ప్ర‌తి ఒక్కరూ దానిని చూడొచ్చ‌ని శాస్త్రవేత్త‌లు పేర్కొంటున్నారు.


మంగ‌ళ‌వారం సాయంత్రం 5:30 నుంచి 5:41ల మ‌ధ్య ఆకాశంలో ప్ర‌కాశిస్తూ టూల్ కిట్ ప్ర‌యాణిస్తుంద‌ని తెలిపారు. అయితే ఆ స‌మ‌యంలో ఆకాశం నిర్మ‌లంగా ఉంటేనే ఆ వ‌స్తువును చూడ‌గ‌ల‌మ‌ని.. బైనాక్యుల‌ర్స్‌, టెలిస్కోప్ ఉంటే ఇంకా మంచిద‌ని స్పేస్ (Space) ఔత్సాహికులు చెబుతున్నారు.

ALSO READ : Accident In America| అమెరికాలో హైదరాబాద్ కుటుంబం సజీవ దహనం