Agniveers | అగ్నివీరులకు శుభవార్త చెప్పిన కేంద్రం.. బీఎస్‌ఎఫ్‌లో 10శాతం రిజర్వేషన్లు..!

Agniveers | అగ్నివీరులకు కేంద్ర ప్రభుత్వం శుభవార్త చెప్పింది. మాజీ అగ్నివీరులకు బీఎస్‌ఎఫ్‌లో పదిశాతం రిజర్వేషన్లు కల్పించనున్నట్లు ప్రకటించింది. అగ్నివీరులుగా సేవలందించి రిటైర్డ్‌ అయ్యే అభ్యర్థులకు బీఎస్ఎఫ్​ నియామకాల్లో ప్రాధాన్యం ఇవ్వనున్నట్లు వెల్లడించింది. దాంతో పాటు అగ్నిపథ్‌ మొదటి బ్యాచ్‌ లేదా తర్వాత బ్యాచ్‌లకు చెందిన వారా? అనే దాని ఆధారంగా గరిష్ఠ వయోపరమితి ఆధారపడి ఉంటుంది. ఈ మేరకు కేంద్ర హోం మంత్రిత్వ శాఖ ఉత్తర్వులు జారీ చేసింది. బీఎస్‌ఎఫ్‌-1968 చట్టం ప్రకారం.. నియామక ప్రక్రియను […]

Agniveers | అగ్నివీరులకు కేంద్ర ప్రభుత్వం శుభవార్త చెప్పింది. మాజీ అగ్నివీరులకు బీఎస్‌ఎఫ్‌లో పదిశాతం రిజర్వేషన్లు కల్పించనున్నట్లు ప్రకటించింది. అగ్నివీరులుగా సేవలందించి రిటైర్డ్‌ అయ్యే అభ్యర్థులకు బీఎస్ఎఫ్​ నియామకాల్లో ప్రాధాన్యం ఇవ్వనున్నట్లు వెల్లడించింది. దాంతో పాటు అగ్నిపథ్‌ మొదటి బ్యాచ్‌ లేదా తర్వాత బ్యాచ్‌లకు చెందిన వారా? అనే దాని ఆధారంగా గరిష్ఠ వయోపరమితి ఆధారపడి ఉంటుంది. ఈ మేరకు కేంద్ర హోం మంత్రిత్వ శాఖ ఉత్తర్వులు జారీ చేసింది.

బీఎస్‌ఎఫ్‌-1968 చట్టం ప్రకారం.. నియామక ప్రక్రియను చేపట్టనున్నట్లు అధికారులు తెలిపారు. బోర్డర్​ సెక్యూరిటీ ఫోర్స్, జనరల్​ డ్యూటీ కేడర్​-2015లో ఇందుకు సంబంధించి నిబంధనలు సవరించనున్నట్లు కేంద్రం తెలిపింది. సవరించిన నిబంధనలు మార్చి 9వ తేదీ నుంచి అమలులోకి వస్తాయని పేర్కొంది. బీఎస్​ఎఫ్​ నియమకాలకు సంబంధించి అగ్నివీర్​ మొదటి బ్యాచ్​లో చేరి విశ్రాంతి తీసుకునే సైనికులకు ఐదు సంవత్సరాలు, ఆ తర్వాతి బ్యాచుల్లో సేవలందించి.. రిటైర్డ్‌ అయిన అభ్యర్థులకు మూడు సంవత్సరాల వరకు గరిష్ఠ వయోపరిమితిని సడలిస్తున్నట్లు తెలిపింది. అలాగే మాజీ అగ్నివీరులకు బీఎస్​ఎఫ్​ నియామక ప్రక్రియలోని దేహదారుఢ్య పరీక్షల నుంచి మినహాయింపు ఇచ్చింది.