Apple Watch Ultra 2 | యాపిల్‌ వాచ్‌ అల్ట్రా-2 రిలీజ్‌..! స్పెసిఫికేషన్స్‌ ఇవే..! భారత్‌లో ధర ఎంతంటే..?

Apple Watch Ultra 2 | యాపిల్‌ కంపెనీ మరో కొత్త వాచ్‌ను తీసుకువచ్చింది. యాపిల్ వాచ్ అల్ట్రా 2ను కంపెనీ ‘వండర్‌లస్ట్’ ఈవెంట్‌లో విడుదల చేసింది. గత సంవత్సరం రిలీజ్‌ అయిన యాపిల్ వాచ్ అల్ట్రాకు అప్‌గ్రేడ్‌ వర్షన్‌గా మార్కెట్‌లోకి రిలీజ్‌ చేసింది. ఈ స్మార్ట్‌ వాచ్‌ ఒకసారి ఛార్జింగ్‌ చేస్తే ఏకంగా 36 గంటల పాటు బ్యాటరీ బ్యాకప్‌ను యాపిల్ వాచ్ అల్ట్రా 2 అందించనుందని, లో ఛార్జింగ్ మోడ్‌లో 72 గంటల వరకు […]

Apple Watch Ultra 2 |

యాపిల్‌ కంపెనీ మరో కొత్త వాచ్‌ను తీసుకువచ్చింది. యాపిల్ వాచ్ అల్ట్రా 2ను కంపెనీ ‘వండర్‌లస్ట్’ ఈవెంట్‌లో విడుదల చేసింది. గత సంవత్సరం రిలీజ్‌ అయిన యాపిల్ వాచ్ అల్ట్రాకు అప్‌గ్రేడ్‌ వర్షన్‌గా మార్కెట్‌లోకి రిలీజ్‌ చేసింది. ఈ స్మార్ట్‌ వాచ్‌ ఒకసారి ఛార్జింగ్‌ చేస్తే ఏకంగా 36 గంటల పాటు బ్యాటరీ బ్యాకప్‌ను యాపిల్ వాచ్ అల్ట్రా 2 అందించనుందని, లో ఛార్జింగ్ మోడ్‌లో 72 గంటల వరకు వాడుకోవచ్చని కంపెనీ వెల్లడించింది. అయితే, ఇప్పటి వరకు యాపిల్‌ విడుదల చేసిన అన్ని స్మార్ట్‌ వాచ్‌లలో అత్యధికంగా బ్యాటరీ బ్యాక్‌ ఇచ్చే వాచ్‌ ఇదే కావడం విశేషం.

యాపిల్ వాచ్ అల్ట్రా 2 ధర ఎంతో తెలుసా..?

యాపిల్‌ వాచ్‌ ధరను భారత్‌లో రూ.89,900 కంపెనీ నిర్ణయించింది. అమెరికాలో దీని ధర 799 డాలర్లు (భారతీయ కరెన్సీలో సుమారు రూ.64వేలు). ఈ వాచ్‌ సేల్స్‌ ఈ నెల 22 నుంచి మొదలుకానున్నది. ఆల్ఫైన్ లూప్, ఓషన్, ట్రెయిల్ లూప్ వాచ్ బ్యాండ్లతో కొనుగోలు చేయొచ్చు. ప్రస్తుతం ప్రీ ఆర్డర్లు ఇప్పటికే మొదలయ్యాయి. యాపిల్ వాచ్ అల్ట్రా భారత్‌లో ఇదే ధరతో లాంచ్‌ అయ్యింది. ప్రస్తుతం ఫ్లిప్‌కార్ట్‌లో రూ.82,999 అందుబాటులో ఉన్నది.

యాపిల్ వాచ్ అల్ట్రా 2 స్పెసిఫికేషన్స్‌ ఇలా..

అల్ట్రా 2 వాచ్‌లో 49 ఎంఎం కేస్‌ను యాపిల్‌ అందించింది. 3వేల నిట్స్ పీక్ బ్రైట్‌నెస్‌ను ఈ డిస్‌ప్లేను ఇచ్చింది. టైటానియం బాడీతో ఈ వాచ్‌ను రూపొందించగా.. ముందు వర్షన్‌లో ఉన్న యాక్షన్‌ బటన్‌ను ఇందులోనూ కొనసాగించింది. దీంతో ఎన్నో ఫీచర్లను వినియోగించుకునేందుకు అవకాశం ఉంటుంది.

యాపిల్ వాచ్ సిరీస్ 9 తరహాలోనే అల్ట్రా-2లోనూ కస్టం ఎస్9 ఎస్ఐపీ చిప్‌సెట్‌ను కంపెనీ ఇచ్చింది. ఆన్ డివైస్ సిరి ప్రాసెసింగ్, మెరుగైన లొకేషన్ ట్రాకింగ్ ఇందులో ఉన్నాయి. వాచ్‌ ఓఎస్‌-10 ఆపరేటివ్‌ సిస్టమ్‌ ఆధారంగా పని చేస్తుంది.

వారి కోసం.. జెస్చర్‌ ఫీచర్‌

9 సిరీస్‌లోని జెస్చర్ ఫీచర్ ఇందులోనూ ఇచ్చింది. దాంతో యూజర్లు వాచ్ డిస్‌ప్లేను టచ్ చేయకుండానే ఒక చేతితోనే కంట్రోల్‌ చేసే వీలుంటుంది. టెక్కింగ్‌, హైకింగ్‌ చేసేవారి కోసం కొత్త స్మార్ట్ వాచ్‌లో అల్టిట్యూడ్ రేంజ్‌ను సముద్ర మట్టం కంటే 500 మీటర్ల కిందకు, 9వేల మీటర్లు పైకి అందించారు.

వాటర్‌ గేమ్స్‌లో పాల్గొనే వారి కోసం 40 మీటర్ల వరకు డైవింగ్‌ డెప్త్‌ సైతం ఉన్నది. ఇకసారి ఛార్జ్‌ చేస్తే నార్మల్‌ మోడ్‌లో 36 గంటలు బ్యాటరీ బ్యాకప్‌ రానున్నది. పవర్‌ మోడ్‌లో ఆన్‌ చేస్తే 72 గంటల పాటు బ్యాటరీ బ్యాకప్‌ వస్తుంది.యాపిల్ వాచ్ అల్ట్రా2లో మాడ్యులర్ అల్ట్రా అనే కొత్త వాచ్ ఫేస్‌ను అందించింది.